തലകത്തിച്ചും മുടിവെട്ടല്‍.

വണ്ടൂര്‍ പള്ളികുന്നില്‍ അന്‍ഷിഫ് മോനിക്കലിന്റെ ബാര്‍ബര്‍ഷോപ്പിലാണ് അഫ്ഗാന്‍ മോഡല്‍ ഫയര്‍ കട്ട് നടത്തുന്നത്. വാണിയമ്പലം സ്വദേശിയായ അന്‍ഷിഫ് ദുബായിലായിരുന്ന സമയത്ത് അഫ്ഗാന്‍ സ്വദേശിയില്‍നിന്നാണ് ഫയര്‍ കട്ട് പഠിച്ചത്. തുടര്‍ന്ന് നാലുമാസംമുമ്പ് നാട്ടിലെത്തി തന്റെ കടയില്‍ അഫ്ഗാന്‍ മോഡല്‍ ഫയര്‍ കട്ടങ് ആരംഭിച്ചു.

യുവാക്കള്‍ ഈ സംവിധാനം സ്വീകരിച്ചതോടെ കടയില്‍ എപ്പോഴും തിരക്കാണ്. തലയില്‍ പ്രത്യേകതരം ദ്രാവകംപുരട്ടി അതിനുശേഷം മെഴുകുതിരി ഉപയോഗിച്ച് കത്തിച്ചാണ് മുടിവെട്ടുന്നത്. ചുരുണ്ട മുടി നിവര്‍ത്താം എന്നതുകൂടിയാണ് ഇതിന്റെ പ്രത്യേകത. കത്രികക്കുപകരം തീയാണ് ഉപയോഗിക്കുന്നത്. ഇത് കാണുന്നവര്‍ക്ക് ഭയമുണ്ടാകുമെങ്കിലും വെട്ടുന്നവര്‍ക്ക് പ്രത്യേകമായൊന്നും അനുഭവപ്പെടുന്നില്ല എന്നാണ് പറയുന്നത്. അതിനാല്‍ പുതിയ രീതി കാണാനും നിരവധി പേര്‍ എത്തുന്നു.