യുവതിയുടെ പരാതി; കോട്ടക്കലിൽ അഭിഭാഷകൻ അറസ്റ്റില്‍
കോട്ടക്കൽ: മാനഹാനി ഉണ്ടാക്കുന്ന തരത്തില്‍ സമൂഹമാധ്യമങ്ങളില്‍ യുവതിയുടെ ഫോട്ടോ പ്രചരിപ്പിച്ചെന്ന പരാതിയില്‍ അഭിഭാഷകനെ കോട്ടക്കൽ പോലീസ് അറസ്റ്റ് ചെയ്തു. ഐടി ആക്ട് പ്രകാരമാണ് കേസ്. മലപ്പുറം സിജെഎം കോടതിയില്‍ ഹാജരാക്കിയ ഇയാള്‍ക്ക് ഇടക്കാല ജാമ്യം ലഭിച്ചു. സാമൂഹ്യമാധ്യമങ്ങളില്‍ സജീവമായ ജഹാംഗീര്‍ ആമിന റസാഖ് വിവിധ അച്ചടി, ഓണ്‍ലൈന്‍ മാധ്യമങ്ങളില്‍ കോളങ്ങളും എഴുതാറുണ്ടായിരുന്നു. പ്രമാദമായ പലകേസുകളിലും നിലപാടുകള്‍ പറഞ്ഞും ഇയാൾ ശ്രദ്ധനേടിയിട്ടുണ്ട്. ഇയാൾക്കെതിരെയുള്ള ആരോപണത്തെ കുറിച്ചു കഴിഞ്ഞ ദിവസങ്ങളില്‍തന്നെ സോഷ്യല്‍ മീഡിയയില്‍ ചര്‍ച്ചകള്‍ നടന്നിരുന്നു. ഇതിനിടയിലാണ് അറസ്റ്റ് രേഖപ്പെടുത്തിയത്.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
