11.5 ലക്ഷം രൂപയുടെ കുഴൽപ്പണവുമായി കുറ്റിപ്പുറത്ത് ഒരാൾ പിടിയിൽ
കുറ്റിപ്പുറം: ബൈക്ക് യാത്രക്കാരനിൽനിന്നും 11.5 ലക്ഷം രൂപയുടെ കുഴൽപ്പണം കുറ്റിപ്പുറം പോലീസ് പിടികൂടി. കേസിൽ മക്കരപ്പറമ്പ് സ്വദേശി കരിയാത്ത് അഷ്റഫി (37) നെ അറസ്റ്റ് ചെയ്തു. അഷ്‍റഫ് ഏറെനാളായി കുറ്റിപ്പുറം പോലീസിന്റെ നിരീക്ഷണത്തിലായിരുന്നു. ദേശീയപാത 66-ലെ പൈങ്കണ്ണൂരിൽനിന്നും അഷ്റഫിന്റെ ബൈക്കിനെ പിന്തുടർന്ന പോലീസ് മിനി പമ്പയിൽവെച്ചാണ് പിടികൂടിയത്. ഇയാൾ ബൈക്കിന്റെ പെട്രോൾടാങ്കിനോടു ചേർന്ന് പ്രത്യേക അറയുണ്ടാക്കി അതിലായിരുന്നു പണം സൂക്ഷിച്ചിരുന്നത്. സിഐ നൗഫലിന്റെ നിർദേശപ്രകാരം എസ്‍ഐ സുധീർ, സിപിഒ മാരായ സുനിൽ ബാബു, രഞ്ജിത് എന്നിവരടങ്ങിയ സംഘമാണ് പ്രതിയെ പിടികൂടിയത്.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
