എടയൂർ പഞ്ചായത്തിൽ വനിതകൾക്കായി യോഗ പരിശീലന ക്ലാസ് ആരംഭിച്ചു

എടയൂർ: എടയൂർ ഗ്രാമപഞ്ചായത്ത് ജനകീയാസൂത്രണം 2019-20 പദ്ധതിയിലുൾപ്പെടുത്തി വനിതകൾക്കു വേണ്ടി നടപ്പിലാക്കുന്ന യോഗ പരിശീലന ക്ലാസ്സിൻ്റെ ഉദ്ഘാടനം എടയൂർ ആയുർവേദ ഡിസ്പെൻസറിയിൽ ഗ്രാമപഞ്ചായത്ത് പ്രസിഡണ്ട് KK രാജീവ് മാസ്റ്റർ നിർവ്വഹിച്ചു. വൈസ് പ്രസിഡണ്ട് RK പ്രമീള അധ്യക്ഷയായിരുന്നു. സ്റ്റാൻഡിംഗ് കമ്മറ്റി ചെയർമാൻമാരായ സി മുഹമ്മദ് മുസ്തഫ, കെ.കെ മോഹനകൃഷ്ണൻ, മെമ്പർമാരായ കെ.കെ ശോഭന, കെ പി വിശ്വനാഥൻ, തീയ്യാട്ടിൽ അബ്ദുള്ളക്കുട്ടി, ആർ.കെ സുബ്രന്മണ്യൻ, കെ.പി സീനത്ത് എന്നിവർ പ്രസംഗിച്ചു. യോഗയുടെ പ്രാധാന്യത്തെ കുറിച്ച് കെ ഫിദ ക്ലാസ്സെടുത്തു. ആയുർവേദ മെഡിക്കൽ ഓഫീസർ ഡോ. നഷിദ കരുവാട്ടിൽ സ്വാഗതവും പി.ടി ഷനീറ നന്ദിയും പറഞ്ഞു