വീട്ടുപടിക്കൽ സമരം നടത്തി വയറിങ് തൊഴിലാളികൾ

കുറ്റിപ്പുറം : കേരള ഇലക്ട്രിക്കൽ വയർമെൻ ആൻഡ്‌ സൂപ്പർവൈസേഴ്‌സ് അസോസിയേഷൻ ജില്ലാകമ്മിറ്റിയുടെ നേതൃത്വത്തിൽ തൊഴിലാളികൾ വീട്ടുപടിക്കൽ നിൽപ്പു സമരം നടത്തി. വൈദ്യുതി നിയമഭേദഗതി ബില്ലിന്മേൽ കേന്ദ്ര വൈദ്യുതി അതോറിറ്റി വരുത്തിയ ഭേദഗതിയിൽ പ്രതിഷേധിച്ചായിരുന്നു സമരം. ബില്ലിന് അംഗീകാരം ലഭിച്ചാൽ സാങ്കേതിക വിദ്യാഭ്യാസ യോഗ്യതയില്ലാത്ത വയർമെൻ ആൻഡ് സൂപ്പർവൈസർ തൊഴിലാളികൾ ഈ മേഖലയിൽ നിന്നും തുടച്ചു നീക്കപ്പെടുമെന്നും സമരക്കാർ അഭിപ്രായപ്പെട്ടു. സംസ്ഥാന എക്സിക്യുട്ടീവ് അംഗം എ.കെ. സത്യനാഥൻ, ടി. ഷിനോജ്, കെ. സുനിൽദാസ്, എം. പ്രശോഭ് എന്നിവർ നേതൃത്വംനൽകി.