വൈദ്യുതി ചാർജ് വർദ്ധന; വളാഞ്ചേരി കെ.എസ്.ഇ.ബി ഓഫീസിനു മുന്നിൽ വെൽഫെയർ പാർട്ടിയുടെ പ്രതിഷേധം
വളാഞ്ചേരി : ഗാർഹിക ഉപഭോക്താക്കളുടെ വൈദ്യുതി ചാർജിലെ അമിത വർദ്ധനക്കെതിരെ വെൽഫെയർ പാർട്ടി കോട്ടക്കൽ മണ്ഡലം കമ്മിറ്റി പ്രതിഷേധിച്ചു. വളാഞ്ചേരി കെ.എസ്.ഇ.ബി. കാര്യാലയത്തിന് മുമ്പിൽ നിരക്ക് വർദ്ധന പിൻവലിക്കണമെന്നാവശ്യപ്പെട്ടുള്ള പ്ലക്കാർഡ് ഉയർത്തിപ്പിടിച്ചായിരുന്നു പ്രതിഷേധം.
ലോക്ക് ഡൗൺ കാലത്ത് ദുരിതമനുഭവിക്കുന്ന സാധാരണക്കാർക്കുള്ള സർക്കാറിന്റെ പ്രഹരമാണ് വൈദ്യുതി ചാർജ് വർദ്ധനവ്. ചാർജ് വർദ്ധനവിന്റെ കാരണവും ന്യായങ്ങളും വിശദീകരിക്കാൻ പോലും വൈദ്യുതി ബോർഡിനും അധികൃതർക്കും കഴിയുന്നില്ല. ഈ അന്യായമായ നിരക്ക് വർദ്ധന പിൻവലിക്കാൻ സർക്കാർ തയ്യാറാകണമെന്ന് വെൽഫെയർ പാർട്ടി ജില്ലാ സെക്രട്ടറി കെ. വി. സഫീർഷ ആവശ്യപ്പെട്ടു. മണ്ഡലം പ്രസിഡണ്ടും ജില്ലാ കമ്മിറ്റി അംഗവുമായ പൈങ്കൽ ഹംസ, വളാഞ്ചേരി മുനിസിപ്പൽ കമ്മിറ്റി അ.ഗങ്ങളായ കെ.ബി. അലി, വി.കെ. ഷംസുദ്ധീൻ എന്നിവരും പങ്കെടുത്തു.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
