ഒടുങ്ങാട്ടുകുളത്തിന്റെ സംരക്ഷണഭിത്തി അടിയന്തിരമായി പുനർ നിർമ്മിക്കണമെന്നാവശ്യപ്പെട്ട് വകുപ്പ് മന്ത്രിക്ക് പരാതി നൽകി വാർഡംഗം

എടയൂർ: പൊതു മരാമത്ത് പണികളുടെ ഭാഗമായി ഒടുങ്ങാട്ടുകുളത്തിന് സമീപം ഡ്രൈനേജ് പണികൾ നടക്കുന്നതിനിടെ തകർന്നു വീണ കുളത്തിന്റെ സംരക്ഷണഭിത്തി നിലവിൽ നടന്നുകൊണ്ടിരിക്കുന്ന പ്രവൃത്തിയുടെ കൂടെ തന്നെ അടിയന്തിരമായി പുനർ നിർമ്മിക്കണമെന്നാവശ്യപ്പെട്ട് പൊതുമരാമത്ത് വകുപ്പ് മന്ത്രിക്കുള്ള നിവേദനം മന്ത്രിയുടെ അഭാവത്തിൽ പ്രൈവറ്റ് സെക്രട്ടറി എം.സി. വിനു കുമാറിന് മൂന്നാം വാർഡ് മെമ്പർ കെ.കെ.രാജീവ് മാസ്റ്റർ കൈമാറുന്നു. അടിയന്തിരമായി ആവശ്യമായ നടപടികൾ സ്വീകരിക്കാൻ പൊന്നാനി ഡിവിഷൻ പൊതുമരാമത്ത് (റോഡ്സ് ) എക്സിക്യുട്ടീവ് എഞ്ചിനീയർക്ക് മന്ത്രിയുടെ ഓഫീസിൽ നിന്നും നിർദ്ദേശം നൽകി.