HomeNewsInitiativesDonationകോവിഡ് വാക്സിൻ പരീക്ഷണം; യു.എ.ഇ സർക്കാരിന്റെ പാരിതോഷികം ദുരിതാശ്വാസ നിധിയിലേക്ക് നൽകി വളാഞ്ചേരി സ്വദേശി യുവാവ്

കോവിഡ് വാക്സിൻ പരീക്ഷണം; യു.എ.ഇ സർക്കാരിന്റെ പാരിതോഷികം ദുരിതാശ്വാസ നിധിയിലേക്ക് നൽകി വളാഞ്ചേരി സ്വദേശി യുവാവ്

vaccine-covid-cmdrf

കോവിഡ് വാക്സിൻ പരീക്ഷണം; യു.എ.ഇ സർക്കാരിന്റെ പാരിതോഷികം ദുരിതാശ്വാസ നിധിയിലേക്ക് നൽകി വളാഞ്ചേരി സ്വദേശി യുവാവ്

വളാഞ്ചേരി ഓൺലൈനിൽ വാർത്തകൾ നൽകാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here


വളാഞ്ചേരി: സ്വന്തം ശരീരം കോവിഡ് വാക്സിൻ പരീക്ഷണത്തിന് വിട്ടു കൊടുത്തതിന് യു എ ഇ സർക്കാരിൽ നിന്നു ലഭിച്ച പാരിതോഷികം മുഖ്യമന്ത്രിയുടെ ദുരിതാശ്വാസ നിധിയിലേക്ക് നൽകി യുവാവ് മാതൃകയായി. പാണ്ടികശാല അബുദാബിപ്പടി തോണിക്കടവത്ത് ഹംസ എന്ന മാനുപ്പ – ഹഫ്സ ദമ്പതികളുടെ മകൻ നൗഫൽ ആണ് പുതുതലമുറക്ക് മാതൃകയായി മാറിയത്. യു.എ.ഇയിൽ സ്വകാര്യ സി.സി.ടി.വി കമ്പനിയിലാണ് കഴിഞ്ഞ നാല് വർഷമായി നൗഫൽ ജോലി ചെയ്യുന്നത്. ആഗസ്റ്റ് മാസത്തിലാണ് രണ്ട് തവണകളിലായി ചൈന വികസിപ്പിച്ചെടുത്ത വാക്സിന്റെ യു.എ.ഇ – ചൈന സംയുക്ത പരീക്ഷണത്തിന് നൗഫൽ വിധേയനായത്. നാട്ടിൽ സംഘടനാ രംഗത്ത് പ്രവർത്തിക്കുന്ന സമയത്തും ജീവകാരുണ്യമേഖലയിൽ നൗഫൽ സജീവ സാന്നിധ്യമായിരുന്നു.
vaccine-covid-cmdrf-donate
കോവിഡ് വാക്സിൻ പരീക്ഷണത്തിന് വിധേയമായതിന് സർക്കാരിൽ നിന്നും കിട്ടിയ പാരിതോഷികം മുഖ്യമന്ത്രിയുടെ ദുരിതാശ്വാസ നിധിയിലേക്ക് കൈമാറാൻ നാട്ടിലേക്ക് അയച്ചു കൊടുത്തു. നൗഫലിന്റെ പിതാവ് ഹംസയിൽ നിന്നും എസ് എഫ് ഐ അഖിലേന്ത്യാ പ്രസിഡന്റ്‌ വി.പി സാനു മുഖ്യമന്ത്രിയുടെ ദുരിതാശ്വാസ നിധിയിലേക്കുള്ള തുക ഏറ്റുവാങ്ങി. സിപിഐഎം ജില്ലാ സെക്രട്ടേറിയറ്റ് മെമ്പർ വി പി സക്കറിയ, ഡി വൈ എഫ് ഐ ബ്ലോക്ക്‌ സെക്രട്ടറി എ സൈതലവി, സിപിഐഎം ബ്രാഞ്ച് സെക്രട്ടറി വി ടി രവീന്ദ്രൻ, റിനീഷ് പി ചന്ദ്രൻ, സി രാജേഷ്, വി കെ ജിഷാദ് എന്നിവർ ചടങ്ങിൽ പങ്കെടുത്തു. യു എ ഇ യിൽ തന്നെ ജോലി ചെയ്യുന്ന ഫാസിൽ, എൻജിനീയറിങ് വിദ്യാർത്ഥിയായ അൻസിൽ എന്നിവർ സഹോദരങ്ങളാണ്.

No Comments

Leave A Comment