പൈങ്കണ്ണൂരിൽ വാഹനാപകടം; രണ്ട് പേർക്ക് പരിക്ക്

വളാഞ്ചേരി: ദേശീയപാത 66ലെ പൈങ്കണ്ണൂരിലുണ്ടായ വാഹനാപകടത്തിൽ രണ്ട് പേർക്ക് പരിക്കേറ്റു. ഓട്ടോയും ബൈക്കും കൂട്ടിയിടിച്ചാണ് അപകടമുണ്ടായത്. ഇന്ന് വൈകീട്ട് ആറരയോടെയാണ് സംഭവമുണ്ടായത്. അപകടത്തിൽ പരിക്കേറ്റ തിരുനാവായ അനന്താവൂർ സ്വദേശി പാറപ്പുറത്ത് അബ്ദുൽ സമീർ(37), എടയൂർ വടക്കുമ്പ്രം സ്വദേശി നാലകത്ത് ഷറഫുദ്ദീൻ (27) എന്നിവരെ വളാഞ്ചേരി നടക്കാവിൽ ആശുപത്രിയിൽ പ്രവേശിപ്പിച്ചു. അപകടത്തെ തുടർന്ന് ദേശീയ പാതയിൽ ഏറെ നേരം ഗതാഗത തടസ്സം നേരിട്ടു. വളാഞ്ചേരി പോലീസെത്തി മേൽനടപടികൾ സ്വീകരിച്ചു.