ചേരുരാൽ കയറ്റത്തിൽ നിയന്ത്രണംവിട്ട ലോറി പിറകിലേക്കിറങ്ങി വൈദ്യുതിത്തൂൺ തകർത്തു

തിരുനാവായ : നിയന്ത്രണംവിട്ട ലോറി പിറകിലേക്കിറങ്ങി വൈദ്യുതിത്തൂൺ തകർത്തു. കുറുമ്പത്തൂർ ചേരുരാൽ കയറ്റത്തിൽ തിങ്കളാഴ്ച രാവിലെ ഏഴോടെയാണ് അപകടം. ബെംഗളൂരുവിൽ നിന്നും വെള്ളക്കുപ്പികളുമായി ചന്ദനക്കാവിലേക്ക് പോകുന്നലോറിയാണ് അപകടത്തിൽപ്പെട്ടത്. ചേരുരാൽ കയറ്റം കയറുന്നതിനിടയിൽ എതിരേവന്ന ബസിനെ മറികടന്ന് ടിപ്പർ ലോറി കയറുകയും ബ്രേക്കിട്ടതിനെത്തുടർന്ന് ലോറി പിറകിലേക്ക് നീങ്ങി വൈദ്യുതിത്തൂൺ തകർക്കുകയും തൊട്ടടുത്ത മരത്തിൽ ഇടിച്ചു നിൽക്കുകയുമായിരുന്നു. ആർക്കും പരിക്കില്ല. വൻ ദുരന്തമാണ് ഒഴിവായത്. തിരുനാവായ- പുത്തനത്താണി റോഡിലെ ചേരുരാൽ പ്രദേശം സ്ഥിരം അപകടമേഖലയാണ്. നിരവധി തവണയാണ് ഈ ഭാഗത്ത് വൈദ്യുതിത്തൂൺ വാഹനങ്ങൾ ഇടിച്ചുതകർക്കുന്നത് പത്തു ദിവസം മുൻപ് ലോറി അപകടത്തിൽപ്പെട്ട് ഒരാഴ്ചയോളം റോഡിനു തടസ്സമായി നിന്നിരുന്നു.