പച്ചക്കറി വിലവർധനയിൽ ആശ്വാസമേകാൻ തക്കാളി വണ്ടി കുറ്റിപ്പുറത്തെത്തി

കുറ്റിപ്പുറം : പച്ചക്കറി വിലവർധനയിൽനിന്ന് ജനങ്ങൾക്ക് ആശ്വാസം നൽകാൻ കാർഷിക വികസന കർഷകക്ഷേമ വകുപ്പിന്റെയും വെജിറ്റബിൾ ആൻഡ് ഫ്രൂട്ട്‌ പ്രൊമോഷൻ കൗൺസിലിന്റെയും നേതൃത്വത്തിൽ പര്യടനം നടത്തുന്ന ‘തക്കാളിവണ്ടി’ കുറ്റിപ്പുറത്തെത്തി.

വിൽപ്പന ഉദ്ഘാടനം ഗ്രാമപ്പഞ്ചായത്ത് വൈസ് പ്രസിഡന്റ് കെ.ടി. സിദ്ധീഖ് നിർവഹിച്ചു. വാർഡംഗം അഷ്റഫ്, കൃഷി ഓഫീസർ മുഹ്സീന, കൃഷി അസിസ്റ്റന്റ് ഓഫീസർ പ്രീത തുടങ്ങിയവർ പങ്കെടുത്തു.