വൈരങ്കോട് തീയാട്ടുത്സവത്തിന്‌ ചടങ്ങുകൾ മാത്രം

തിരുനാവായ : വൈരങ്കോട് ഭഗവതീക്ഷേത്രത്തിലെ തീയാട്ടുത്സവം ഫെബ്രുവരി 14-ന് മരംമുറിയോടുകൂടി തുടങ്ങി 20-ന് അരി അളവോടുകൂടി അവസാനിക്കും.

കോവിഡ് 19-ന്റെ പാശ്ചാത്തലത്തിൽ 2021 വർഷത്തെ തീയാട്ടുത്സവം ആഴ്‌വാഞ്ചേരി തമ്പ്രാക്കളുടെയും ക്ഷേത്രം തന്ത്രിയുടെയും ക്ഷേത്രം അവകാശികളുടെയും സർക്കാരിന്റെയും ആരോഗ്യ, തദ്ദേശസ്വയംഭരണ വകുപ്പുകളുടെയും നിർദേശങ്ങൾ പാലിച്ചുകൊണ്ട് ചടങ്ങുകൾ മാത്രമായി നടത്താനും ആഘോഷവരവുകളും മറ്റും നിർത്തിവെക്കാനും തീരുമാനിച്ചു. നിലവിലെ സാഹചര്യങ്ങൾ പരിഗണിച്ച് ദേവസ്വവുമായി സഹകരിക്കണമെന്ന് എല്ലാ ആഘോഷവരവ്‌ കമ്മിറ്റികളോടും ഭക്തജനങ്ങളോടും നാട്ടുകാരോടും അഭ്യർഥിക്കുന്നതായി ദേവസ്വം അറിയിച്ചു.