കാടാമ്പുഴ ഭഗവതി ക്ഷേത്രത്തിൽ നവരാത്രി ഉത്സവത്തിന്‌ തുടക്കം
വളാഞ്ചേരി: കാടാമ്പുഴ ഭഗവതി ക്ഷേത്രത്തിലെ നവരാത്രി നൃത്ത–-സംഗീതോത്സവത്തിന് സാംസ്‌കാരിക സമ്മേളനത്തോടെ തുടക്കം. സാംസ്‌കാരിക സമ്മേളനം നടൻ നരേൻ ഉദ്‌ഘാടനംചെയ്‌തു. മലബാർ ദേവസ്വം ബോർഡ്‌ നിയുക്ത അംഗം ടി എൻ ശിവശങ്കരൻ അധ്യക്ഷനായി. മേൽശാന്തി നാരായണൻ എമ്പ്രാന്തിരി, ദേവസ്വം ബോർഡ്‌ അസിസ്റ്റന്റ് കമീഷണർ കെ സുജാത, പാരമ്പര്യ ട്രസ്റ്റി എം വി അച്യുതവാരിയർ എന്നിവർ സംസാരിച്ചു. എക്സിക്യൂട്ടീവ് ഓഫീസർ കെ പി മനോജ്‌ കുമാർ സ്വാഗതവും മാനേജർ എൻ വി മുരളീധരൻ നന്ദിയും പറഞ്ഞു. സിനിമാതാരം പാർവതി നമ്പ്യാര്‍ അവതരിപ്പിച്ച ശാസ്‌ത്രയീ നൃത്ത സമന്വയം അരങ്ങേറി. തിങ്കളാഴ്ച വൈകിട്ട് നവരാത്രി മണ്ഡപത്തിൽ കോട്ടക്കൽ ബാബുവിന്റെ സംഗീതാർച്ചന, കുഴൽമന്ദം രാമകൃഷ്ണനും സംഘവും അവതരിപ്പിക്കുന്ന മൃദു തരംഗ്‌ എന്നിവയുണ്ടാകും.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
