HomeNewsAccidentsപള്ളിയിലേക്കിറങ്ങിയ അധ്യാപകൻ കാറിടിച്ച് മരിച്ചു

പള്ളിയിലേക്കിറങ്ങിയ അധ്യാപകൻ കാറിടിച്ച് മരിച്ചു

alathiyoor-accident

പള്ളിയിലേക്കിറങ്ങിയ അധ്യാപകൻ കാറിടിച്ച് മരിച്ചു

തിരൂർ : വീട്ടിൽ നിന്നും വൈകുന്നേരം പള്ളിയിലേക്ക് നിസ്കരിക്കാനിറങ്ങിയ ഹയർ സെക്കണ്ടറി സ്കൂൾ അധ്യാപകൻ നിയന്ത്രണം തെറ്റി വന്ന കാറിടിച്ച് മരിച്ചു. ആലത്തിയൂർ കെ.എച്ച് .എം. എച്ച്. എസ്.എസിലെ അധ്യാപകൻ പറവണ്ണ മുറിവഴിക്കൽ കുഞ്ചേരിയിൽ മുഹമ്മദ് അൻസാരി (49)യാണ് മരണപ്പെട്ടത്. പരേതനായ സംസ്ഥാന ടെക്സ്റ്റ് ബുക്ക് ഓഫീസർ പി.ടി. കുഞ്ഞി ബാവ – ആയിഷക്കുട്ടി ദമ്പതികളുടെ മകനാണ്. ഭാര്യ ബബിത (അധ്യാപിക, പച്ചാട്ടിരി പി.എ.എൻ.എം.എസ്.എ.യു.പി.), മക്കൾ: അസ്ന, അഫല, അസ് ലിൻ (വിദ്യാർത്ഥികൾ).
alathiyoor-accident
സൈക്കിളിനെ വെട്ടിച്ചെടുത്ത കാർ നിയന്ത്രണം തെറ്റി, നടന്നു വരികയായിരുന്ന അൻസാരിയെ ഇടിച്ചു തെറിപ്പിക്കുകയായിരുന്നു. ഉടൻ തന്നെ കോട്ടക്കൽ മിംസ് ആശുപത്രിയിലെത്തിച്ചുവെങ്കിലും ജീവൻ രക്ഷിക്കാനായില്ല. നാളെ രാവിലെ തിരൂർ ജില്ലാ ആശുപത്രിയിൽ പോസ്റ്റ്മോർട്ടത്തിന് ശേഷം ഉച്ചക്ക് 2 ന് പറവണ്ണ ജുമുഅ മസ്ജിദിൽ കബറടക്കും. സഹപ്രവർത്തകർക്കും, വിദ്യാർത്ഥികൾക്കും ഏറെ പ്രിയപ്പെട്ടവനായിരുന്നു. അനുശോച സൂചകമായി സ്കൂളിൽ നാളെ മുതൽ നടത്താനിരുന്ന അഡ്മിഷൻ 15-ലേക്ക് മാറ്റിയതായി അറിയിച്ചു.


വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here

No Comments

Leave A Comment

Don`t copy text!