അർബുദബാധിതർക്ക് ആശ്വാസമേകി മങ്കട ഗവ. കോളേജ് വിദ്യാർഥികൾ

കൊളത്തൂർ : അർബുദബാധിതരായ സഹജീവികളെ ചേർത്തുനിർത്താനും അവരിൽ ആത്മവിശ്വാസം വളർത്താനും തയ്യാറായി വിദ്യാർഥികൾ. മങ്കട ഗവ.കോളേജ് എൻ.എസ്.എസ്. യൂണിറ്റും വിദ്യാർഥി സാന്ത്വന പരിചരണയൂണിറ്റും ചേർന്ന് അമല മെഡിക്കൽ കോളേജിന്റെ സഹകരണത്തോടെ ‘കേശദാനം മഹാദാനം’ എന്ന സന്ദേശവുമായി കേശദാനക്യാമ്പ് നടത്തി.

അർബുദരോഗബാധിതർക്കായി അമല മെഡിക്കൽ കോളേജിൽ നടത്തുന്ന സൗജന്യ വിഗ്ഗ് വിതരണക്യാമ്പിലേക്കാണ് വിദ്യാർഥികളുടെ നേതൃത്വത്തിൽ മുടി ദാനം ചെയ്തത്. കോളേജ് പ്രിൻസിപ്പൽ ഡോ. കെ. റഹീന ഉദ്ഘാടനംചെയ്തു. കോളേജ് സൂപ്രണ്ട് ജയചന്ദ്രിക, എൻ.എസ്.എസ്. കോ-ഓർഡിനേറ്റർ എം.വി. കിഷോർ എന്നിവർ പ്രസംഗിച്ചു. പരിപാടിയിൽ ഇരുപത്തിരണ്ടോളം പേർ മുടി ദാനംചെയ്തു.