താനൂര്‍ ബോട്ടു ദുരന്തം; സ്രാങ്ക് അറസ്റ്റിൽ

മലപ്പുറം: താനൂർ ബോട്ട് ദുരന്തത്തിൽ അപകടത്തിൽപ്പെട്ട അറ്റ്‌ലാന്റിക് ബോട്ടിന്റെ ഡ്രൈവർ ദിനേശൻ കസ്റ്റഡിയിൽ. രണ്ടുദിവസമായി ഒളിവിലായിരുന്ന ഇയാളെ താനൂരിൽ നിന്നാണ് പിടികൂടുന്നത്. ഇതോടെ ബോട്ട് അപകടവുമായി ബന്ധപ്പെട്ട കേസിൽ പിടിയിലായവരുടെ എണ്ണം അഞ്ച് ആയി. മറ്റൊരു ജീവനക്കാരനായ രാജൻ ഒളിവിലാണ്. മുഖ്യപ്രതിയായ ബോട്ടുടമ നാസർ, ഇയാളെ രക്ഷപ്പെടാൻ സഹായിച്ച സഹോദരൻ താനൂർ സ്വദേശി സലാം (53), മറ്റൊരു സഹോദരന്റെ മകൻ വാഹിദ് (27), നാസറിന്റെ സുഹൃത്ത് മുഹമ്മദ് ഷാഫി (37) എന്നിവരാണ് അറസ്റ്റിലായത്. ബോട്ട് അപകടം നടന്നതിനു പിന്നാലെ നീന്തി കരയ്ക്കു കയറിൽ ദിനേശൻ പിന്നീട് ഒളിവിൽ പോകുകകയായിരുന്നു.