റിപ്പബ്ലിക്ക് ദിനം; സാക്ഷരതാ മിഷൻ്റെ ആഭിമുഖ്യത്തിൽ കുറ്റിപ്പുറത്ത് ഭരണഘടനയുടെ ആമുഖം വായിച്ചു

കുറ്റിപ്പുറം:കേരള സാക്ഷരതാമിഷൻ നടപ്പിലാക്കുന്ന “ഇന്ത്യ എന്ന റിപ്പബ്ലിക്” ഭരണഘടനാ സാക്ഷരത ജനകീയ വിദ്യാഭ്യാസ പരിപാടിയുടെ ഭാഗമായി ഭരണാഘടനയുടെ ആമുഖം വായിക്കുന്നു എന്ന പരിപാടി സംഘടിപ്പിച്ചു.

കുറ്റിപ്പുറം ഗ്രാമപഞ്ചായത്തിൽ പഞ്ചായത്ത്‌ പ്രസിഡന്റ്‌ റംല കറതൊടിയിൽ പതാക ഉയർത്തി. വൈസ് പ്രസിഡന്റ്‌ കെ.ടി സിദ്ധിഖ് ഭരണഘടനയുടെ ആമുഖം വായിച്ചു. എ.ഇ.ഒ സുരേന്ദ്രൻ പി.വി ആശംസകൾ നേർന്നു സംസാരിച്ചു. ചടങ്ങിൽ എക്സൈസ് ഓഫീസർമാർ, പഞ്ചായത്ത്‌ സ്റ്റാഫ്‌ അംഗങ്ങൾ, വാർഡ് മെമ്പർമാർ, സാക്ഷരത പ്രേരക്, ഇൻസ്‌ട്രക്റ്റർ, പഠിതാക്കൾ തുടങ്ങിയവർ പങ്കെടുത്തു.