അത്തിപറ്റ ഉസ്താദിന് അന്ത്യോപചാരമർപ്പിക്കാൻ ഒഴുകിയെത്തുന്നത് ആയിരങ്ങൾ

എടയൂർ: ഇന്നലെ അന്തരിച്ച ഇസ്ലാമിക ആത്മീയ ആചാര്യൻ അത്തിപറ്റ മൊയ്തീൻകുട്ടി മുസ്ലിയാര്‍ക്ക് അന്ത്യോപചാരമർപ്പിക്കാൻ ഒഴുകിയെത്തുന്നത് ആയിരങ്ങൾ. ഇന്നലെ രാവിലെ പതൊനൊന്നരയോടെയാണ് അദ്ദേഹം അന്ത്യശ്വാസം വലിച്ചത്. ആ സമയം മുതൽ സ്വദേശമായ അത്തിപറ്റയിലേക്ക് ജനങ്ങളുടെ ഒഴുക്കായിരുന്നു.

വിവിധ സമയങ്ങളിൽ നടന്ന ജനാസ നമസ്കാരത്തിന് പാണക്കാട് സയ്യിദ് ഹൈദരലി ശിഹാബ് തങ്ങൾ, കോഴിക്കോട് വലിയ ഖാളി തുടങ്ങിയവർ നേതൃത്വം നൽകി. രാത്രി ഏറെ വൈകിയും നിരവധി ആളുകളാണ് ദൂരദിക്കുകളിൽ നിന്നും ബസുകളിലും സ്വകാര്യ വാ‍ഹനങ്ങളിലുമായി അത്തിപറ്റയിലേക്ക് എത്തികൊണ്ടിരിക്കുന്നത്. വ്യാഴം വൈകീട്ട് വളാഞ്ചേരി-നിലമ്പൂർ സംസ്ഥാനപാതയിൽ ഏറെമണിക്കൂറുകളോളം ഗതാഗത തടസ്സമുണ്ടായി. പോലീസും വോളണ്ടിയർമാരും വളരെ പണിപെട്ടാണ് ഇവിടെ ഗതാഗതം നിയന്ത്രിച്ചുകൊണ്ടിരിന്നത്. ഖബറടക്കം വ്യാഴാഴ്ച രാവിലെ എട്ടുമണിക്ക് അത്തിപ്പറ്റ ഫത്ഹുല്‍ ഫത്താഹില്‍ വെച്ച് നടക്കും.