ഭിന്നശേഷിക്കാർക്ക് 9.60 ലക്ഷം രൂപയുടെ മെഡിക്കൽ ഉപകരണങ്ങൾ നൽകി വളവന്നൂർ പഞ്ചായത്ത്

കല്പകഞ്ചേരി : വളവന്നൂർ പഞ്ചായത്തിലെ ഭിന്നശേഷിക്കാർക്ക് ഭരണസമിതി മെഡിക്കൽ ഉപകരണങ്ങൾ നൽകി. 2021-22 വാർഷിക പദ്ധതിയിൽ ഉൾപ്പെടുത്തി 964460 രൂപയുടെ ഉപകരണങ്ങളാണ് എല്ലാ പ്രായക്കാരായ ഭിന്നശേഷിക്കാർക്കായി നൽകിയത്.

പഞ്ചായത്ത് പ്രസിഡന്റ് പി.സി. നജ്മത്ത് ഉദ്ഘാടനംചെയ്തു. വൈസ് പ്രസിഡന്റ് എ.കെ. മുജീബ് റഹ്‌മാൻ അധ്യക്ഷത വഹിച്ചു. ജില്ലാ പഞ്ചായത്തംഗം നസീബ അസീസ്, സിദ്ദീഖ് തിരുനെല്ലി, നഷീദ അൻവർ, ഉമൈബ ഷാഫി, താഹിറ അഷ്‌റഫ്, നഫീസ തിരുത്തി, സാബിറ, വി.പി ഖൈറുന്നീസ, നസീബ കാദർ, പി.സി. കബീർ ബാബു, നാസർ മോൻ, പഞ്ചായത്ത്‌ സെക്രട്ടറി ശോഭന, ആസൂത്രണ ബോർഡ് വൈസ് ചെയർമാൻ പാറയിൽ അലി, ഡിസിബിലിറ്റി സംസ്ഥാന ഭാരവാഹി പി.സി. ഹസ്ന തുടങ്ങിയവർ സംബന്ധിച്ചു.