കർഷകരിൽ നിന്നും നാളികേരം സംഭരിക്കാൻ സംവിധാനങ്ങളുണ്ടാക്കണം: പ്രൊഫ. ആബിദ് ഹുസൈൻ തങ്ങൾ

വളാഞ്ചേരി: നാളികേര കർഷകരിൽ നിന്നും നാളികേരം സംഭരിക്കാൻ സംവിധാനങ്ങളുണ്ടാക്കണമെന്ന് പ്രൊഫ. ആബിദ് ഹുസൈൻ തങ്ങൾ എം.എൽ.എ ആവശ്യപ്പെട്ടു. ഇത് സംബന്ധമായ കാര്യങ്ങൾ സൂചിപ്പിച്ച് കൊണ്ട് എം.എൽ.എ മുഖ്യമന്ത്രിക്ക് കത്ത് നൽകി.

സംസ്ഥാനത്ത് ലോക്ക് ഡൗൺ നില നിൽക്കുന്നത് കാരണം കർഷകരിൽ നിന്നും ഇപ്പോൾ നാളികേരം മൊത്തക്കച്ചവടക്കാർ സംഭരിക്കുന്നില്ല. കൂടുതൽ വിളവ് ലഭിക്കുന്ന ഏപ്രിൽ – മെയ് മാസങ്ങളിൽ നാളികേരം മൊത്തക്കച്ചവടക്കാർക്ക് ഏറ്റെടുക്കാൻ അവസരമില്ലാത്തത് കർഷകരെ പ്രതികൂലമായി ബാധിക്കും. ആയതിനാൽ നാളികേരം സംഭരിക്കുന്നതിന് വേണ്ട ലോക് ഡൗൺ ഇളവ് മൊത്തക്കച്ചവടക്കാർക്ക് നൽകുന്നതിന് വേണ്ട നടപടികൾ ഉണ്ടാവണമെന്ന് എം.എൽ.എ കത്തിൽ ആവശ്യപ്പെട്ടു