HomeNewsCrimeബൈക്കോടിച്ചത് വീട്ടിലറിയിക്കുമെന്ന് ഭീഷണിപ്പെടുത്തി പീഢനം: കല്പകഞ്ചേരിയിൽ അധ്യാപകൻ പിടിയിൽ

ബൈക്കോടിച്ചത് വീട്ടിലറിയിക്കുമെന്ന് ഭീഷണിപ്പെടുത്തി പീഢനം: കല്പകഞ്ചേരിയിൽ അധ്യാപകൻ പിടിയിൽ

madrassa-teacher

ബൈക്കോടിച്ചത് വീട്ടിലറിയിക്കുമെന്ന് ഭീഷണിപ്പെടുത്തി പീഢനം: കല്പകഞ്ചേരിയിൽ അധ്യാപകൻ പിടിയിൽ

പുത്തനത്താണി: ബൈക്കോടിച്ചത് വീട്ടിലറിയിക്കുമെന്ന് ഭീഷണിപ്പെടുത്തി വിദ്യാർത്ഥിയെ പ്രകൃതിവിരുദ്ധ പീഢനത്തിനിരയാക്കിയതായി പരാതി. പരാതിയെ തുടന്ന് കല്പകഞ്ചേരിയിൽ മദ്രസാ അധ്യാപകൻ പിടിയിൽ. വെളിയംകോട് സ്വദേശി പുതിയപ്പൻ വീട്ടിൽ റഷീദ് മുസ്ല്യാരാണ് നിസ്കാരപള്ളിയിൽ വച്ച് പീഢിപ്പിച്ചതായി പതിമൂന്ന്കാരനായ വിദ്യാർഥി മൊഴി നൽകിയത്. ഇയാളുടെ അറസ്റ്റ് കല്പകഞ്ചേരി എസ്.ഐ മൻ‌ജിത് ലാൽ രേഖപ്പെടുത്തി.
തിരൂർ സ്വദേശിയായ പതിമൂന്ന് കാരന്റെ രക്ഷിതാക്കളുടെ പരാതിയെത്തുടർന്നാണ് ഇയാളെ സ്റ്റേഷനിലേക്ക് വിളിച്ച് വരുത്തി അറസ്റ്റ് രേഖപ്പെടുത്തിയത്. കഴിഞ്ഞ വലിയ പെരുന്നാളിനിടെ, പുത്തനത്താണിക്കും അതിരുമടയ്ക്കും ഇടയിലുള്ള നമസ്കാരപള്ളിയിൽ വച്ചാണ് വിദ്യാർഥിയെ മുസ്ല്യാർ പീഢിപ്പിച്ചത്.
വിദ്യാർഥി പഠനത്തിൽ പിറകോട്ട് പോയത് നിരീക്ഷിച്ച മറ്റൊരു അധ്യാപകൻ കുട്ടിയെ കൗൺസിലിങ്ങിന് വിധേയമാക്കിയപ്പോഴാണ് കാര്യങ്ങൾ പുറത്തറിഞ്ഞത്. സുഹൃത്തിന്റെ കൂടെ ബൈക്കിൽ യാത്ര ചെയ്യുന്നതിനിടെ തന്നെ തടഞ്ഞ് വച്ച് പള്ളിയിൽ കൊണ്ടുപോയി പീഢിപ്പിച്ചു എന്നാണ് കുട്ടി കൗൺസിലിങ്ങിൽ തുറന്ന് പറഞ്ഞത്.
ശേഷം ബന്ധുക്കൾ കല്പകഞ്ചേരി പോലീസിൽ പരാതി നൽകി. കണ്ണൂർ ഇരിട്ടിയിൽ മദ്രസ അധ്യാപകനായി ജോലി ചെയ്യുകയാണെന്ന് മനസ്സിലാക്കിയ പോലീസ് ഇയാളെ വിളിച്ചു വരുത്തി ചോദ്യം ചെയ്യുകയായിരുന്നു. പ്രതി കുറ്റം സമ്മതിച്ചതായും ഇയാൾക്കെതിരെ മറ്റ് കേസുകളുണ്ടോയെന്ന് പരിശോധിച്ച് വരുന്നതായും കല്പകഞ്ചേരി എസ്‌ ഐ മൻജിത് ലാൽ പറഞ്ഞു. തിരൂർ കോടതിയിൽ ഹാജരാക്കിയ പ്രതിയെ റിമാന്റ് ചെയ്തു.

No Comments

Leave A Comment