അതിഥി തൊഴിലാളികൾക്ക് സഹായഹസ്തം നീട്ടി കുറ്റിപുറം പോലീസ്
കുറ്റിപ്പുറം: കുറ്റിപ്പുറം പോലീസ് സ്റ്റേഷനിലെ സേനാംഗങ്ങളുടെ നേതൃത്വത്തിൽ കുറ്റിപ്പുറത്തും പരിസര പ്രദേശങ്ങളിലും ഉള്ള അഥിതി തൊഴിലാളികൾക്ക് അരിയും മറ്റു അവശ്യ വസ്തുക്കളും വിതരണം ചെയ്തു. രാജ്യം മുഴുവൻ ലോക്ക് ഡൗൺ പ്രഖ്യാപിച്ച അന്നുമുതൽ ജോലികൾക്ക് പോകാൻ കഴിയാത്ത ഇവർ പല ആവിശ്യങ്ങൾക്കായി പോലീസ് സ്റ്റേഷനുമായി ബന്ധപ്പെട്ടിരുന്നു. ജനമൈത്രി പോലീസ് സേനാംഗങ്ങൾ ഇതിനെ തുടർന്ന് ഇവരുമായി ബന്ധപ്പെട്ടതിൽ നിന്നും പലരും ദുരിതത്തിൽ ആണെന്നു മനസ്സിലാക്കി. ചെറിയ കുട്ടികൾ ഉൾപ്പെടെയുള്ള ഇവരുടെ കുടുംബങ്ങളുടെ കഷ്ടപ്പാടുകൾ മനസ്സിലാക്കിയ കുറ്റിപ്പുറം പോലീസ് സ്റ്റേഷനിലെ സേനാംഗങ്ങൾ അവർക്കായി മുന്നിട്ടിറങ്ങുകയും തുടർന്ന് കറ്റിപ്പുറം പോലീസ് ഇൻസ്പെക്ടർ നാസർ സി.കെ, സബ് ഇൻസ്പെക്ടർ രഞ്ജിത് കെ.ആർ എന്നിവരുടെ നേതൃത്വത്തിൽ ഇത്തരത്തിൽ കഷ്ടപ്പെടുന്ന അഥിതി തൊഴിലാളികൾക്കായി ആവശ്യ സാധനങ്ങൾ വിതരണം ചെയ്തു.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
