കേരളാ സ്റ്റേറ്റ് സർവീസ് പെൻഷനേഴ്സ് അസോസിയേഷൻ വളാഞ്ചേരി ട്രഷറിക്ക് മുന്നിൽ പ്രതിഷേധ ധർണ്ണ നടത്തി

വളാഞ്ചേരി: കേരളാ സ്റ്റേറ്റ് സർവീസ് പെൻഷനേഴ്സ് അസോസിയേഷൻ കോട്ടക്കൽ നിയോജക മണ്ഢലം കമ്മിറ്റിയുടെ നേതൃത്വത്തിൽ വളാഞ്ചേരി ട്രഷറിക്ക് മുന്നിൽ പ്രതിഷേധ ധർണ്ണ നടത്തി. പെൻഷൻ കുടിശ്ശിക ഉടൻ വിതരണം ചെയ്യുക, ഡി.എ കുടിശ്ശിക ഉടൻ അനുവദിക്കുക, മെഡി സിപ്പ് പദ്ധതി കുറ്റമറ്റ രീതിയിൽ നടപ്പാക്കുക, യൂണിവേഴ്‌സിറ്റി ജീവനക്കാരുടെ ഗ്രാൻ്റ് പുന:സ്ഥാപിക്കുക എന്നി ആവശ്യങ്ങൾ ഉന്നയിച്ച് ആണ് ധർണ്ണ നടത്തിയത്. വളാഞ്ചേരി മണ്ഡലം കോൺഗ്രസ് പ്രസിഡന്റ് പറശ്ശേരി അസൈനാർ ധർണ്ണ ഉദ്ഘാടനം ചെയ്തു. കെ.എസ്‌.എസ്.പി.എ മണ്ഢലം പ്രസിഡന്റ് പി.അബ്ദുൽ റഹിമാൻ അദ്ധ്യക്ഷത വഹിച്ചു. എം അബ്ദുൽ ഖാദർ, വി.പി ജയനാരായണൻ, കെ കരുണ കുമാർ, കെ.ടി ഉമ്മു കുൽസു, പി രാജൻ നായർ, പി നാരായണൻ, പി.പി നീലകണ്ഠൻ, ടി.കെ.കുഞ്ഞവറാൻഹാജി എന്നിവർ പ്രസംഗിച്ചു. പെൻഷൻ കാരെഎല്ലാ കാര്യത്തിലും അവഗണിക്കുന്നതിൽ കെ. എസ്. എസ്. പി.എ കടുത്ത പ്രതിഷേധം രേഖപെടുത്തി.