ജനമഹാ യാത്ര വിജയിപ്പിക്കും: കോട്ടക്കൽ നിയോജക മണ്ഡലം കിസാൻ കോൺഗ്രസ്
വളാഞ്ചേരി: കേന്ദ്ര-കേരള സർക്കാറുകൾക്കെതിരെ KPCC പ്രസിഡൻറ് മുല്ലപ്പള്ളി നയിക്കുന്ന ജനമഹാ യാത്ര വൻ വിജയമാക്കാൻ വളാഞ്ചേരിയിൽ വെച്ച് ചേർന്ന കോട്ടക്കൽ നിയോജക മണ്ഡലം കിസാൻ കോൺഗ്രസ് കമ്മിറ്റി തീരുമാനിച്ചു.നാഷണൽ ഹൈവേ നഷ്ടപരിഹാരസംഖ്യയിൽ കർഷകർക്ക് നാമമാത്ര സംഖ്യ മാത്രമാക്കി ചുരുക്കുന്നതിൽ യോഗം പ്രതിഷേധം രേഖപ്പെടുത്തി.സംഖ്യ ഉയർത്തണമെന്നും അല്ലാത്തപക്ഷം വൻ പ്രക്ഷോഭ പരിപാടികൾ ആരംഭിക്കാനും യോഗം തീരുമാനിച്ചു.
കിസാൻ കോൺഗ്രസിന്റെ നേതൃത്വത്തിൽ കെ.പി.സി.സി പ്രവർത്തന ഫണ്ടിലേക്ക് സംഭാവന പിരിച്ചെടുക്കുന്ന പ്രവൃത്തിക്കും തുടക്കം കുറിച്ചു. കിസാൻ കോൺഗ്രസ് ജില്ലാ സെക്രട്ടറി വി.ടി.മുസ്തഫ യോഗം ഉൽഘാടനം ചെയ്തു.കോട്ടക്കൽ മണ്ഡലം പ്രസിഡൻറ് എ.കെ അസീസ് അദ്ധ്യക്ഷത വഹിച്ചു.കെ.വി.ഖാദർ ,മമ്മു മച്ചിഞ്ചേരി ,പി.ദാമോദരൻ, പി.കൃഷ്ണൻ, ടി.പി.ബാവ നു ,നാസർ വടക്ക നാഴി, ബാവ എൻ, ഗോപിനാഥൻ വി എന്നിവർ സംസാരിച്ചു. കിസാൻ കോൺഗ്രസ് സംസ്ഥാന കമ്മിറ്റിയംഗം തടത്തിൽ മുഹമ്മദാജി എന്ന മാനുവിന്റെ മരണത്തിൽ യോഗം അനുശോചനം രേഖപ്പെടുത്തി. സി.വി മാനു സ്വാഗതവും ബാവ മാസ്റ്റർ നന്ദിയും പറഞ്ഞു.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
