പ്രൊഫ. ആബിദ് ഹുസൈൻ തങ്ങൾ എം.എൽ.എയുടെ ശുപാർശ; കാട്ടിപ്പരുത്തി വില്ലേജ് സ്മാർട്ട് റവന്യു ഓഫീസാക്കും

വളാഞ്ചേരി: കാട്ടിപ്പരുത്തി വില്ലേജ് ഓഫീസിനെ സ്മാർട്ട് റവന്യു ഓഫീസാക്കുന്ന പദ്ധതിയിൽ ഉൾപ്പെടുത്തി. പ്രൊഫ. ആബിദ് ഹുസൈൻ തങ്ങൾ എം.എൽ.എ നൽകിയ ശുപാർശയെ തുടർന്ന് റവന്യു (എഫ്) വകുപ്പ് സ.ഉ (സാധാ )നം. 2991/2020 റവ പ്രകാരം 2020-21 സാമ്പത്തിക വർഷത്തിൽ ഉൾപ്പെടുത്തിയാണ് വില്ലേജിനെ സ്മാർട്ട് റവന്യു ഓഫീസാക്കുന്നത്. ഈ സാമ്പത്തിക വർഷത്തെ പദ്ധതിയിൽ ഉൾപ്പെടുത്തിയ ജില്ലയിലെ ഏക വില്ലേജാണിത്. പദ്ധതി എത്രയും വേഗം ആരംഭിക്കുന്നതിനുള്ള തുടർ നടപടികൾ സ്വീകരിക്കുമെന്ന് എം.എൽ.എ പറഞ്ഞു.