ജെ.സി.ഐ വളാഞ്ചേരിയുടെ ആഭിമുഖ്യത്തിൽ നീന്തൽ പരിശീലന പരിപാടി സംഘടിപ്പിച്ചു
ഇരിമ്പിളിയം: ജെ.സി.ഐ വളാഞ്ചേരിയുടെ ആഭിമുഖ്യത്തിൽ നീന്തൽ പരിശീലന പരിപാടിയും നീന്തൽ സഹായ സാധനങ്ങളുടെ വിതരണവും നീന്തൽ പരിശീലകയെ ആദരിക്കലും ചടങ്ങ് കോട്ടപ്പുറം അമ്പലകുളത്തിന് സമീപം വെച്ച് നടന്നു. ഇരിമ്പിളിയം ഗ്രാമ പഞ്ചായത്ത് ക്ഷേമകാര്യ സ്റ്റാന്റിംഗ് കമ്മിറ്റി ചെയർമാൻ വി.ടി. അമീർ ഉദ്ഘാനം നിർവ്വഹിക്കുകയും നീന്തൽ പരിശീലകയായ ദേവി.കെ.എസ് നെ ആദരിക്കുകയും ചെയ്തു. നീന്തൽ പരിശീലനത്തിന് സഹായകരമാകുന്ന സാധനങ്ങളുടെ വിതരണം കുറ്റിപ്പുറം ബ്ലോക്ക് പഞ്ചായത്ത് ക്ഷേമകാര്യ കമ്മിറ്റി ചെയർപേഴ്‌സൺ ഫസീല ടീച്ചർ നിർവ്വഹിച്ചു. ജെ.സി.ഐ വളാഞ്ചേരി പ്രസിണ്ടന്റ് അമീൻ.പി.ജെ അദ്ധ്യക്ഷത വഹിച്ചു.
പാസ്റ്റ് പ്രസിണ്ടൻറ് സുൽഫി മാസ്റ്റർ, അർജുൻ.സി തുടങ്ങിയവർ ആശംസകളറിയിച്ചു. നീന്തൽ പOനം പ്രോത്സാഹിപ്പിക്കപെടേണ്ടതാണന്നും നിരവധി ജലാശയങ്ങളും കൂടാതെ വെള്ളപൊക്ക സാധ്യതകളും നിലനിൽക്കുന്ന സാഹചര്യത്തിൽ ജെ.സി.ഐ വളാഞ്ചേരിയുടെ സഹകരണത്തോടെ നടക്കുന്ന ഈ പരിപാടി മാതൃകാപരമാണന്നും ഇതിന് നേതൃത്വം നൽകുന്ന ഇരിമ്പിളിയം എം.ഇ.എസ് ഹയർ സെക്കണ്ടറി സ്കൂൾ അദ്യാപികയായ ദേവി ടീച്ചറുടെ പ്രവർത്തനങ്ങൾ അഭിനന്ദനാർഹമാണന്നും ഇരിമ്പിളിയം ഗ്രാമ പഞ്ചായത്ത് ക്ഷേമകാര്യ സ്റ്റാന്റിംഗ് കമ്മിറ്റി ചെയർമാൻ വി.ടി. അമീർ പറഞ്ഞു.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
