HomeNewsElectionLoksabha Election 2019കൈലാസ മന്ദിരത്തിൽ നിന്ന് പ്രാതലോടെ ഇ.ടിയുടെ പര്യടനം

കൈലാസ മന്ദിരത്തിൽ നിന്ന് പ്രാതലോടെ ഇ.ടിയുടെ പര്യടനം

et-kailasa-mandiram

കൈലാസ മന്ദിരത്തിൽ നിന്ന് പ്രാതലോടെ ഇ.ടിയുടെ പര്യടനം

വളാഞ്ചേരി ഓൺലൈനിൽ വാർത്തകൾ നൽകാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here


കോട്ടക്കൽ: പൊന്നാനി മണ്ഡലം യു ഡി എഫ് സ്ഥാനാർഥി ഇ. ടി മുഹമ്മദ് ബഷീർ ആര്യവൈദ്യശാല കൈലാസ മന്ദിരം സന്ദർശിച്ചു. ആര്യവൈദ്യശാല ട്രസ്റ്റി പി. രാഘവ വാര്യർ, ട്രസ്റ്റീ കെ ആർ അജയ്, ഡോ. പി ആർ രമേശ്, ശൈലജ മാധവൻകുട്ടി, ഡോ. കെ എം മധു, സരസ്വതി എസ് വാര്യർ, ലക്ഷ്മി ആർ വാര്യർ, സുഭദ്ര രാമചന്ദ്രൻ, ആര്യവൈദ്യശാല പി ആർ ഒ എം ടി രാമകൃഷ്ണൻ, പ്രീതി രമേശ് എന്നിവർ ചേർന്ന് ഇ.ടിയെ സ്വീകരിച്ചു.
et-kailasa-mandiram
രാവിലെ എട്ടരയോടെയാണ് ഇ.ടി കൈലാസ മന്ദിരത്തിലെത്തിയത്. തുടർന്ന് കുടുംബാംഗങ്ങളോടൊപ്പം പ്രഭാത ഭക്ഷണം. സൗഹൃദം പങ്കുവെച്ചും, കുശലാന്വേഷണം നടത്തിയും അരമണിക്കൂറോളം ഇ.ടി അവിടെ ചെലവഴിച്ചു. കുടുംബാംഗങളോട് പിന്തുണ അഭ്യർഥിച്ചാണ് അദ്ദേഹം യാത്ര തിരിച്ചത്.
et-kailasa-mandiram
ആര്യവൈദ്യത്തെ ജനകീമാക്കിയ വാര്യർ കുടുംബത്തോട് അടുത്ത ബന്ധമാണുള്ളതെും കൈലാസ മന്ദിരത്തിൽ നിന്നും പ്രചരണമാരംഭിക്കുത് ഏറെ ആഹ്ലാദം നൽകുന്നുവെന്നും ഇ.ടി പറഞ്ഞു. കോട്ടക്കൽ ആര്യവൈദ്യശാലയുടെ എല്ലാ സദുദ്യമങ്ങൾക്കും ഇ.ടി മുഹമ്മദ് ബഷീറിന്റെ പിന്തുണയുണ്ടായിട്ടുണ്ടെന്ന് കുടുംബം അനുസ്മരിച്ചു. ആബിദ് ഹുസൈൻ തങ്ങൾ എം എൽ.എ, നഗരസഭാ ചെയർമാൻ കെ.കെ നാസർ, പി ഉസ്മാൻ കുടി, സുധീർ കോട്ടക്കൽ എന്നിവരും അദ്ദേഹത്തെ അനുഗമിച്ചു.

No Comments

Leave A Comment