വാഹനം നിറുത്തിയിട്ടതുമായി ബന്ധപ്പെട്ട തർക്കം; പറപ്പൂരിൽ മധ്യവയസ്കനെ സംഘം ചേർന്ന് മർദ്ദിച്ച് കൊന്നു

പറപ്പൂർ: വാഹനം നിറുത്തിയിട്ടതുമായി ബന്ധപ്പെട്ട തർക്കത്തെതുടർന്നുണ്ടായ സംഘർഷത്തിൽ പരിക്കേറ്റ മധ്യവയസ്കൻ മരിച്ചു. പറപ്പൂർ ആലചുള്ളിയിലെ പൂവൻവളപ്പിൽ കോയ(54)യാണ് മരിച്ചത്. കേസിൽ 5 പേർക്കെതിരെ വേങ്ങര പോലീസ് കേസെടുത്തു. മർദനമേറ്റതിന്റെ തുടർന്ന് ഗുരുതരമായി പരിക്കേറ്റ കോയ കോട്ടക്കൽ അൽമാസ് അശുപത്രിയിൽ ചികിത്സക്കിടെ രാത്രി 9 മണിയോടെ മരണപ്പെടുകയായിരുന്നു.
പറപ്പൂർ പൊട്ടിപറയിൽ രാവിലെ 10:30ഓടെയായിരുന്നു സംഭവം. കോയ ജോലി ചെയ്തുവന്നിരുന്ന വളം ശാലക്കു മുന്നിൽ വാഹനം നിറുത്തിയിട്ടതുമായി ബന്ധപ്പെട്ട് വാക്കുതർക്കം ഉണ്ടായിരുന്നു. ഇതുമായി ബന്ധപ്പെട്ട തർക്കമാണ് മർദ്ദനത്തിന് വഴിവച്ചത്. വെള്ളിയാഴ്ച രാവിലെ കോയ ജോലി ചെയ്യുന്ന ഗോഡൌണിലെത്തി മർദ്ദിക്കുക്കയായിരുന്നുവെന്നാണ് നാട്ടുകാർ പറയുന്നത്.

ഗുരുതരമായി പരിക്കേറ്റ ഇയാളെ കോട്ടക്കൽ അൽ മാസിൽ പ്രവേശിപ്പിച്ച് അടിയന്തിര ശസ്ത്രക്രിയക്ക് വിധേയമാക്കിയെങ്കിലും രാത്രി ഒമ്പതു മണിയോടു കൂടി മരണമടയുകയായിരുന്നു. കേസുമായി ബന്ധപ്പെട്ട് 5 പേർക്കെതിരെ വധശ്രമത്തിന് കേസെടുത്തിട്ടുണ്ടെന്ന് അന്വേഷണ ചുമതലയുള്ള വേങ്ങര എസ്.ഐ സംഗീത് പി പറഞ്ഞു. ഇതിൽ ഒരാൾ പിടിയിലാ‍ാതായും സൂചനയുണ്ട്. മൃതദേഹം അശുപത്രി മോർച്ചറിയിലേക്ക് മാറ്റി. പോസ്റ്റ്മോർട്ടത്തിന് ശേഷം പറപ്പൂർ ജുമ അത്ത് പള്ളി ഖബർസ്ഥാനിൽ മറവ് ചെയ്യും. ഭാര്യ്: ആസ്യ ഓലപ്പുലാൻ. മക്കൾ: മുഹമ്മദലി, സിദ്ധീഖ്, നജ്മുന്നീസ, സുലൈഖ, റംല.