ദേവികയുടെ വീട് കളക്ടർ സന്ദർശിച്ചു
ഇരിമ്പിളിയം: ആത്മഹത്യചെയ്ത നിലയിൽ കണ്ടെത്തിയ ഇരിമ്പിളിയം ഗവ. ഹയർസെക്കൻഡറി സ്‌കൂളിലെ വിദ്യാർഥിനി തിരുനിലം പുളിയാപ്പറ്റക്കുഴിയിൽ കളത്തിങ്ങൽവീട്ടിൽ ദേവിക(14)യുടെ വീട് ജില്ലാകളക്ടർ ഗോപാലകൃഷ്ണൻ സന്ദർശിച്ചു. ബുധനാഴ്ച രാത്രി ഏഴരയോടെയാണ് അദ്ദേഹം ദേവികയുടെ വീട്ടിലെത്തിയത്. വീടിന്റെ നിലവിലെ അവസ്ഥ കളക്ടർ വിശദമായി പരിശോധിച്ചു.
ഓൺലൈൻ പഠനവുമായി ബന്ധപ്പെട്ട് വിവിധ മേഖലകളിൽനിന്നുയർന്ന പരാതികൾ ഒരാഴ്ചയ്ക്കകം പരിഹരിക്കാൻ നടപടികളാരംഭിച്ചതായും അതിന് തദ്ദേശഭരണ സ്ഥാപനങ്ങൾക്ക് നിർദേശം നൽകിയിട്ടുണ്ടെന്നും അദ്ദേഹം പറഞ്ഞു. ദേവികയുടെ വീട്ടിൽ ഇന്റർനെറ്റുൾപ്പെടെയുള്ള സൗകര്യങ്ങളൊരുക്കാൻ ഡി.ഡി.ഇയെ ചുമതലപ്പെടുത്തുകയും ചെയ്തിട്ടുണ്ട്. ജില്ലാ പോലീസ് സൂപ്രണ്ട് യു. അബ്ദുൾകരീം, മലപ്പുറം ഡി.ഡി.ഇ കുസുമം, ഇരിമ്പിളിയം വില്ലേജ് ഓഫീസർ രാജൻ, എസ്.വി.ഒ രാജേഷ് ജി. പിള്ള, ബി.പി.ഒ പി.എ. ഗോപാലകൃഷ്ണൻ തുടങ്ങിയവരും അദ്ദേഹത്തോടൊപ്പമുണ്ടായിരുന്നു.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
