എടയൂർ അത്താണി-കക്കൻചിറ തോടിന് കയർ ഭൂവസ്ത്രമണിയിച്ചു

എടയൂർ: എടയൂർ ഗ്രാമപഞ്ചായത്തിൽ തൊഴിലുറപ്പ് പദ്ധതിയിൽ ഉൾപ്പെടുത്തി പതിനാറാം വാർഡിൽ തോടിന്റെ പുനരുദ്ധാരണം തുടങ്ങി. കയർ ഭൂവസ്ത്രം ഉപയോഗിച്ചുള്ള പ്രവർത്തി വാർഡ് മെമ്പർ അനുഷ സ്ലീമോവിന്റെ അധ്യക്ഷതയിൽ ഗ്രാമ പഞ്ചായത്ത് പ്രസിഡന്റ് ഹസീന ഇബ്രാഹിം ഉദ്ഘാടനം ചെയ്തു .
പഞ്ചായത്തിലെ മുഴുവൻ തോടുകളുടെയും പുനരുദ്ധാരണത്തിന് വേണ്ട പ്രവർത്തനങ്ങളുമായി മുന്നോട്ടുപോകുമെന്ന് പ്രസിഡന്റ് പറഞ്ഞു. തൊഴിലുറപ്പ് മേഖലയിലെ അസിസ്റ്റന്റ് എൻജിനീയർ മുഹമ്മദ്, ഓവർസിയർ ആറ്റക്കോയ തങ്ങൾ, തൊഴിലുറപ്പ് തൊഴിലാളികൾ എന്നിവർ സംബന്ധിച്ചു.