ചാന്തിന്റെ ചന്തത്തിൽ ആറാടി പറക്കുന്നത്ത് ഭഗവതി

കുറ്റിപ്പുറം: ചെല്ലൂർ പറക്കുന്നത്ത് ഭഗവതീക്ഷേത്രത്തിൽ ചാന്താട്ടം വഴിപാട് നടന്നു. ചാന്താട്ടത്തിന്റെ ചന്തം നിറഞ്ഞുനിന്ന പറക്കുന്നത്ത് ഭഗവതിയെ ദർശിക്കാൻ ഒട്ടേറെപ്പേരാണ് ക്ഷേത്രത്തിലെത്തിയത്. മഠത്തിൽവളപ്പിൽ മധുവാണ് ക്ഷേത്രത്തിൽ ചാന്താട്ടം വഴിപാട് നടത്തിയത്.

വാദ്യഘോഷങ്ങളുടെ അകമ്പടിയോടെയാണ് ആടാനുള്ള ചാന്ത് ശ്രീലകത്തേക്ക്‌ എഴുന്നള്ളിച്ചത്. കൊപ്പം അപ്പുകുട്ടൻനായരും സംഘവും വാദ്യത്തിന് നേതൃത്വം നൽകി. ചാന്താട്ടത്തിന്റെ ഭാഗമായി പ്രത്യേക പൂജകളും പ്രസാദ ഊട്ടുമുണ്ടായി. പൂജകൾക്ക് ശാന്തിക്കാരായ വിജയകൃഷ്ണൻ, രാഘവൻ, സുനിൽ, വിപിൻ, പ്രതാപൻ എന്നിവർ കാർമികത്വം വഹിച്ചു.