മലപ്പുറം എടയൂർ ആൽപറ്റപടിയിൽ കാർ നിയന്ത്രണം വിട്ട് വൈദ്യുത പോസ്റ്റിലിടിച്ചു; ദമ്പതികൾ രക്ഷപ്പെട്ടത് തലനാരിഴക്ക്

എടയൂർ: സംസ്ഥാനപാതയിൽ കാർ നിയന്ത്രണം വിട്ട് റോഡരികിലെ വൈദ്യുത പോസ്റ്റിലിടിച്ചു. സംസ്ഥാന പാത 73ലെ എടയൂർ അൽപറ്റപടിയിലാണ് കഴിഞ്ഞ ദിവസം രാത്രി ഒരു മണിയോടെയാണ് അപകടം ഉണ്ടായത്. തിരുവനന്തപുരത്തെക്ക് പോകുന്ന മകളെ യാത്രയക്കാൻ പെരിന്തൽമണ്ണയിലേക്ക് പോയി മടങ്ങി വരിങ്ങയായിരുന്ന എടയൂർ പൂക്കാട്ടിരി സ്വദേശികളായ ദമ്പതികളാണ് അപകടത്തിൽ പെട്ടത്.

ഇവർ സഞ്ചരിച്ച മാരുതി സെലീറിയോ കാർ നിയന്ത്രണം വിട്ട് റോഡരികിലെ നടപാതയിൽ ഇടിച്ച ശേഷം വൈദ്യുത പോസ്റ്റിലിടിക്കുകയായിരുന്നു. പോസ്റ്റ് മറിഞ്ഞെങ്കിലും വാഹനത്തിൽ തട്ടിയില്ല എങ്കിലും വൈദ്യുതി കമ്പി പൊട്ടി വീണതിനെ തുടർന്ന് തീപ്പൊരികൾ തെറിച്ചത് അപകട സാധ്യത ഉയർത്തി. ഉടൻ കാർ യാത്രികരും നാട്ടുകാരും കെ.എസ്‌.ഇ.ബി ഉദ്യോഗസ്ഥരെ അറിയിച്ച് വൈദ്യുതി വിച്ഛേദിക്കുകയായിരുന്നു. ഡ്രൈവർ ഉറങ്ങിപ്പോയതാണ് അപകട കാരണമെന്നാണ് പുറത്ത് വരുന്ന വിവരം.