രണ്ടത്താണിയിൽ വാഹനമിടിച്ച് ചത്ത നാൽക്കാലി പാതയരികിൽ കിടന്നത് പതിനാറു മണിക്കൂറിലേറെ
കോട്ടക്കൽ: അപകട മേഖലയായ ദേശീയപാത രണ്ടത്താണി ചന്തപ്പറമ്പ് ഭാഗത്ത് വാഹനം തട്ടി നാൽക്കാലി ചത്ത്‌ പതിനാറ് മണിക്കൂർ കഴിയുമ്പോഴും റോഡരികിൽ നിന്നും മാറ്റാൻ പഞ്ചായത്ത് അധികൃതർക്ക് സാധിച്ചില്ല.
ഇന്ന് പുലർച്ചെ രണ്ടു മണിയോടെയാണ് വാഹനം തട്ടി നാൽക്കാലി ചത്തത്. ശേഷം നാട്ടുകാർ മാറാക്കര പഞ്ചായത്ത് അധികൃതരെ വിവരം അറിയിച്ചെങ്കിലും മാറ്റാൻ JCb ലഭ്യമല്ല, വൈകീട്ട് വാഹനം വന്ന് നീക്കം ചെയ്യുന്നതിനുള്ള നടപടികൾ സ്വീകരിക്കാം അറിയിപ്പാണ് ലഭിച്ചതെന്ന് നാട്ടുകാർ പറഞ്ഞു.
വായിൽ നിന്നും മൂക്കിൽ നിന്നും നുരയും പതയുമായി മണിക്കൂറുകളായി റോഡരികിൽ ഈച്ചയരിച്ച് കിടക്കുന്ന കാഴ്ച വാഹന യാത്രികർക്ക് മനസ്സലിയിക്കുന്നതായി മാറി. ചത്ത നാൽക്കാലിയുടെ ഉടമയെയും ഇതുവരെ കണ്ടെത്താനായിട്ടില്ല. കാടാമ്പുഴ പൊലീസ് സ്ഥലത്തെത്തി നടപടികൾ സ്വീകരിച്ചു.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
