1000 കോടിയുടെ വനം കൊള്ള; ബിജെപി വളാഞ്ചേരിയിൽ പ്രതിഷേധം സംഘടിപ്പിച്ചു
വളാഞ്ചേരി: കേരളത്തിൽ നടന്ന 1000 കോടിയുടെ വനം കൊള്ളക്ക് എതിരെ ശക്തമായി പ്രതിഷേധിച്ചു. വനംകൊള്ളക്കെതിരെ ബി.ജെ.പി സംസ്ഥാന വ്യാപകമായി നടത്തുന്ന പ്രതിഷേധ ധർണ്ണയുടെയും, സമരത്തിന്റെയും ഭാഗമായി വളാഞ്ചേരി നഗര സഭയിൽ വില്ലേജ് ഓഫീസിനു മുന്നിൽ പ്രതിഷേധം സംഘടിപ്പിച്ചു. പ്രതിഷേധ സമരം ഭാരതീയ ജനതാ പാർട്ടി മലപ്പുറം ജില്ലാ സെക്രട്ടറി പി പി ഗണേശൻ. ഉത്ഘാടനം ചെയ്തു.
കേരള സർക്കാരിന്റെ വനംകൊള്ളയും, അഴിമതിയും ജനങ്ങൾ ചോദ്യം ചെയ്യണമെന്നും വിഷയത്തിൽ ജുഡീഷ്യൽ അന്വേഷണം വേണം എന്ന് ഉത്ഘാടന പ്രസംഗത്തിൽ പി.പി.ഗണേശൻ ആവശ്യപ്പെട്ടു. കോട്ടക്കൽ നിയോജക മണ്ഡലം ജനറൽ സെക്രട്ടറി ബാബു കാർത്തല അധ്യക്ഷത വഹിച്ചു. മണ്ഡലം സെക്രട്ടറിമാരായ മോഹൻ പൈങ്കണ്ണൂർ, സതീഷ് ബാബു, ജില്ലാ കമ്മറ്റി അംഗങ്ങളായസുരേഷ് പാറതൊടി, ഉണ്ണി വൈക്കത്തൂർ യുവമോർച്ച മണ്ഡലം പ്രസിഡണ്ട് അഖിൽ കാർത്തിവേൽ, വളാഞ്ചേരി മുൻസിപ്പൽ ജനറൽ സെക്രട്ടറി രവീന്ദ്രൻ എന്നിവർ സംസാരിച്ചു.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
