വളാഞ്ചേരി സർവീസ് സഹകരണബാങ്ക് വായ്പയെടുത്തവർക്കായി പലിശയിളവുനൽകുന്നു

വളാഞ്ചേരി: കുടിശ്ശികനിവാരണം പദ്ധതിപ്രകാരം വളാഞ്ചേരി സർവീസ് സഹകരണബാങ്ക് വായ്പയെടുത്തവർക്കായി 38,09,549 രൂപയുടെ പലിശയിളവ് നൽകാൻ തീരുമാനിച്ചു.

ജനുവരി 24-നും 29-നും നടന്ന അദാലത്തിലാണ് തീരുമാനം. ബാങ്ക് പ്രസിഡന്റ് പി. ഭക്തവത്സലൻ, വൈസ് പ്രസിഡന്റ് യു. യൂസഫ്, അംഗങ്ങളായ എ. അഷറഫ്, യു. അബ്ദുൽ അസീസ്, പി.സി. സന്തോഷ്ബാബു, സെക്രട്ടറി പി. ശശികുമാർ, ഓഡിറ്റർ ആർ. ശിവകുമാർ തുടങ്ങിയവർ അദാലത്തിൽ പങ്കെടുത്തു. ഫെബ്രുവരി ഏഴിനും 19-നും വിണ്ടും അദാലത്ത് നടക്കും.