പൈങ്കണ്ണൂർ മഹാക്ഷേത്രത്തിൽ അഖണ്ഡനാമയജ്ഞം ഡിസംബർ 1, 2 തീയതികളിൽ

വളാഞ്ചേരി : പൈങ്കണ്ണൂർ മഹാക്ഷേത്രത്തിൽ ഡിസംബർ 1, 2 തീയതികളിൽ അഖണ്ഡനാമയജ്ഞ ചടങ്ങുകൾ നടത്താൻ ഭക്തരുടെ യോഗം തീരുമാനിച്ചു. ഡിസംബർ ഒന്നിന് വൈകീട്ട് ദീപാരാധനയ്ക്കുശേഷം പ്രമോദ് ഐക്കരപ്പടി ഭക്തിപ്രഭാഷണം നടത്തും. തുടർന്ന് ഭജനയുണ്ടാകും. രണ്ടാംദിവസമാണ് അഖണ്ഡനാമയജ്ഞം. രാവിലെയും ഉച്ചയ്ക്കും വൈകുന്നേരവും പ്രസാദഊട്ടുണ്ടാകും. ആഘോഷങ്ങളുടെ മുന്നോടിയായി 26-ന് മഹാസമ്പർക്കയജ്ഞം നടത്തും. എൻ.കെ. ബാബു അധ്യക്ഷത വഹിച്ചു. മോഹനൻ പൈങ്കണ്ണൂർ, ഗുരുസ്വാമി സി.പി. രാധാകൃഷ്ണൻ, വി.കെ. ഉണ്ണികൃഷ്ണൻ, വി.കെ. ശ്രീനിവാസൻ, പി.പി. വാസുദേവൻ തുടങ്ങിയവർ പ്രസംഗിച്ചു. 42-ാമത്‌ അഖണ്ഡനാമയജ്ഞമാണ് ഞായറാഴ്ച നടക്കുന്നത്.