പറമ്പത്തുകാവ് വേല: അന്നദാനത്തിന് പച്ചക്കറികളുമായി എ.ഐ.വൈ.എഫ്

വളാഞ്ചേരി: വെള്ളിയാഴ്ച നടക്കുന്ന വെണ്ടല്ലൂർ പറമ്പത്തുകാവ് വേലയുടെ ഭാഗമായി കാവിൽനടക്കുന്ന അന്നദാനത്തിന് എ.ഐ.വൈ.എഫ്. വെണ്ടല്ലൂർ യൂണിറ്റ് അയ്യായിരം രൂപയുടെ പച്ചക്കറിസാധനങ്ങൾ സംഭാവനയായി നൽകി.

പച്ചക്കറികളുടെ സമർപ്പണം മുഹ്‌സിൻ എം.എൽ.എ. നിർവഹിച്ചു. ക്ഷേത്രസമിതി പ്രസിഡന്റ് എം. മോഹൻദാസ് അധ്യക്ഷനായി. ഇരിമ്പിളിയം ഗ്രാമപ്പഞ്ചായത്തംഗങ്ങളായ കെ. അബ്ദു, കെ. ഇബ്രാഹിം എന്നിവരും അഷറഫലി കാളിയത്ത്, വി. പ്രശാന്ത്, എം.ടി. നാരായണൻ, സുരേഷ് വലിയകുന്ന്, കെ. നൗഫൽ, എം.പി. അനിൽ, പി. ജസീർ തുടങ്ങിയവരും സംബന്ധിച്ചു. വേലയോടനുബന്ധിച്ച് ഉച്ചയ്ക്കും രാത്രിയും അന്നദാനം ഒരുക്കിയിട്ടുണ്ട്.