അധികാരിപ്പടി കമ്മങ്ങാട്ട് നടപ്പാത റോഡ് നാടിന് സമർപ്പിച്ചു

എടയൂർ: എടയൂർ പഞ്ചായത്ത് വാർഡ് പന്ത്രണ്ട് അധികാരിപ്പടിയിൽ രണ്ട് ലക്ഷം രൂപ അനുവദിച്ച് കോൺക്രീറ്റ് ചെയ്ത് ഗതാഗത യോഗ്യമാക്കിയ കമ്മങ്ങാട്ട് നടപ്പാത റോഡ് വാർഡ് മെമ്പറും എടയൂർ ഗ്രാമ പഞ്ചായത്ത് പ്രസിഡണ്ടുമായ എം.പി ഹസീന ഇബ്രാഹിം ഉദ്ഘാടനം ചെയ്തു. നിരവധി കുടുംബങ്ങൾ തിങ്ങിത്താമസിക്കുന്ന ഈ പ്രദേശവാസികളുടെ റോഡെന്ന ആഗ്രഹം സഫലമായതായി അവർ പറഞ്ഞു. വൈസ് പ്രസിഡണ്ട് കെ.പി വേലായുധൻ അധ്യക്ഷനായി. പി. കമ്മുക്കുട്ടി മാസ്റ്റർ, പി.പി ജമാൽ, പി.പി ബഷീർ, എൻ.ടി ശിഹാബ്, മൊയ്തീൻ കെ.പി, സൈതലവി.കെ, കബീർ.സി, അഷ്റഫ് കെ, മുഹമ്മദാലി.ടി, ശംസാദലി, എന്നിവർ സംബന്ധിച്ചു.