ഹസ്നയുടെ മരണം; കുറ്റിപ്പുറം താലൂക്ക് ആശുപത്രിയിലേക്ക് കർമസമിതി മാർച്ച് നടത്തി

കുറ്റിപ്പുറം : അലർജിക്ക് കുത്തിവെയ്പ് എടുത്തതിനെ തുടർന്ന് യുവതി മരിച്ച സംഭവത്തിൽ സമഗ്ര അന്വേഷണം ആവശ്യപ്പെട്ട് കുറ്റിപ്പുറം താലൂക്ക് ആശുപത്രിയിലേക്ക് കർമസമിതി മാർച്ച് നടത്തി. കുറ്റിപ്പുറം കാങ്കപ്പുഴകടവ് സ്വദേശി തോണിക്കടവത്ത് സബാഹിന്റെ ഭാര്യ പി.വി. ഹസ്നയുടെ മരണത്തിൽ അന്വേഷണം നടത്തി കുറ്റക്കാരുടെ പേരിൽ നടപടികൾ സ്വീകരിക്കുക, കുടുംബത്തെ സംരക്ഷിക്കുകയും നഷ്ടപരിഹാരം നൽകുകയും ചെയ്യുക തുടങ്ങിയ ആവശ്യങ്ങൾ ഉന്നയിച്ചാണ് മാർച്ചും ധർണയും നടത്തിയത്. പഞ്ചായത്ത് വൈസ്‌ പ്രസിഡന്റ് കെ.ടി. സിദ്ധീഖ് ഉദ്ഘാടനം ചെയ്തു.

സി.കെ. ജയകുമാർ അധ്യക്ഷനായി. പരപ്പാര സിദ്ധീഖ്, ടി.കെ. മുഹമ്മദ് ബഷീർ, എസ്. ദിനേശ്, പാറക്കൽ ബഷീർ, അരവിന്ദാക്ഷൻ, കെ.പി. മുസ്തഫ, മഠത്തിൽ ശ്രീകുമാർ, വി.വി. രാജേന്ദ്രൻ, ടി.കെ. കുഞ്ഞവറാൻ ഹാജി എന്നിവർ സംസാരിച്ചു.