കോട്ടക്കലിൽ ഫ്ലാറ്റിൽ പണം വച്ച് ചീട്ടുകളി; വളാഞ്ചേരി സ്വദേശി ഉൾപ്പെടെ എട്ടുപേർ അറസ്റ്റിൽ

കോട്ടയ്ക്കൽ : ചങ്കുവെട്ടി പൊട്ടിപ്പാറ റോഡിൽ ഫ്ളാറ്റിൽ പണം വെച്ച് ചീട്ടുകളിച്ച എട്ടുപേർ അറസ്റ്റിലായി. ഇവരിൽനിന്ന് 3,83,100 രൂപ പിടിച്ചെടുത്തു. മലപ്പുറം ഡൗൺഹിൽ തണ്ടുതുലാൻ ഷിഹാബ്(51), വളാഞ്ചേരി വലിയപറമ്പിൽ മുഹമ്മദലി(55), കൊണ്ടോട്ടി തുറക്കൽ കെ.ജെ.ഹൗസിൽ കുഞ്ഞാലി(62), കോട്ടയ്ക്കൽ പറമ്പിലങ്ങാടി പള്ളിക്കാട്ടിൽ മൊയ്തീൻ(50), പറപ്പൂർ പാലപ്പറമ്പിൽ മാട്ടിൽ അഹമ്മദ്(55), കുറ്റിപ്പാല കുന്നത്ത് കോമു(65), പെരുമണ്ണ ക്ലാരി പി.കെ. ഹൗസ് ഹംസ (63), കോട്ടയ്ക്കൽ ഉദിരാണി കൈപ്പം ഹസ്സൻ(50) എന്നിവരാണ് അറസ്റ്റിലായത്.

ജില്ലാ പോലീസ് മേധാവിക്ക് ലഭിച്ച രഹസ്യവിവരത്തെത്തുടർന്നായിരുന്നു പരിശോധന. എസ്.എച്ച്.ഒ. എം.കെ. ഷാജി, സ്‌ക്വാഡ് അംഗങ്ങളായ ശശി പ്രശാന്ത്, കൃഷ്ണകുമാർ, മനോജ് കോട്ടയ്ക്കൽ, സെബാസ്റ്റ്യൻ വർഗീസ് എന്നിവരാണ് പരിശോധന നടത്തിയത്. പിടിയിലയവരെ മലപ്പുറം മജിസ്‌ട്രേറ്റ് കോടതിയിൽ ഹാജരാക്കി.