ആന്റിജന്‍ ടെസ്റ്റ്: കോട്ടക്കലില്‍ എട്ടുപേര്‍ക്കു കൂടി കൊവിഡ്
കോട്ടക്കല്‍: നഗരസഭയില്‍ ഇന്നലെ നടത്തിയ ആന്റിജന്‍ ടെസ്റ്റില്‍ എട്ടുപേര്‍ക്കു കൂടി കൊവിഡ് സ്ഥിരീകരിച്ചു. ഇതോടെ കോട്ടക്കല്‍ നഗരസഭയില്‍ നടത്തിയ ആന്റിജന്‍ ടെസ്റ്റിലൂടെ 23 പേര്‍ക്ക് രോഗബാധയുള്ളതായി കണ്ടെത്തി.
നഗരസഭയിലെ വീടുകള്‍ തോറും ആരോഗ്യ പ്രവര്‍ത്തകര്‍ നടത്തിയ സര്‍വേയിലൂടെ ലഭിച്ച സ്‌ക്രീനിങ് വഴി തിരഞ്ഞെടുത്ത 138 പേരെയാണ് കഴിഞ്ഞ രണ്ടു ദിവസങ്ങളിലായി ടെസ്റ്റിന് വിധേയരാക്കിയത്. ഇവരില്‍ കഴിഞ്ഞ ദിവസം 15 പേര്‍ക്കും ഇന്നലെ എട്ടുപേര്‍ക്കും കൊവിഡ് കണ്ടെത്തി.
വരും ദിവസങ്ങളില്‍ ഇനിയും രോഗികളുടെ വര്‍ധനവുണ്ടാകാന്‍ സാധ്യതയുള്ളതായി ആരോഗ്യ പ്രവര്‍ത്തകര്‍ കണക്കുകൂട്ടുന്നു. പോസിറ്റീവ് കേസുകള്‍ കൂടുന്ന പക്ഷം കണ്ടെയ്ന്‍മെന്റ് സോണിന്റെ കാലാവധി നീട്ടിയേക്കും. ഇതു സംബന്ധിച്ച് അടുത്ത തിങ്കളാഴ്ച വീണ്ടും യോഗം ചേര്‍ന്നു തീരുമാനമെടുക്കുമെന്ന് ആര്‍.ആര്‍.ടി കോര്‍ഡിനേറ്റര്‍ ഇര്‍ഷാദ് പറഞ്ഞു.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
