49-ാമത് കാദറലി സെവൻസ് ഫുട്ബോൾ ടൂർണമെന്റ് ഡിസംബറിൽ
പെരിന്തൽമണ്ണ : ജീവകാരുണ്യ പ്രവർത്തനങ്ങളിൽ മാതൃകയായ പെരിന്തൽമണ്ണ കാദറലി സ്പോർട്സ് ക്ലബ്ബ് നടത്തുന്ന 49-ാമത് കാദറലി സെവൻസ് ഫുട്ബോൾ ടൂർണമെന്റ് ഡിസംബറിൽ നടത്തും. കേരളത്തിലെ പ്രമുഖ ടീമുകളെ പങ്കെടുപ്പിച്ച് പെരിന്തൽമണ്ണ നെഹ്രു സ്റ്റേഡിയത്തിൽ നടത്തുന്ന ടൂർണമെന്റിന്റെ സംഘാടകസമിതി യോഗം ഞായറാഴ്‌ച നടക്കും. വൈകീട്ട് ആറിന് പെരിന്തൽമണ്ണ വ്യാപാരഭവനിലാണ് യോഗം. യോഗത്തിൽ നജീബ് കാന്തപുരം എം.എൽ.എ.യ്ക്ക് സ്വീകരണവും നൽകും. നഗരസഭാധ്യക്ഷൻ പി. ഷാജി, ബ്ലോക്ക് പ്രസിഡന്റ് എ.കെ. മുസ്തഫ, മുൻ ഇന്ത്യൻ താരം യു. ഷറഫലി തുടങ്ങിയവർ പങ്കെടുക്കുമെന്ന് ക്ലബ്ബ് പ്രസിഡന്റ് സി. മുഹമ്മദലി, സെക്രട്ടറി പച്ചീരി ഫാറൂഖ് എന്നിവർ അറിയിച്ചു.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
