മതമൈത്രിയുടെ സംഗമവേദിയായി എടയൂർ ഋഷിപുത്തൂർ ക്ഷേത്രത്തിലെ അഖണ്ഡനാമയജ്ഞഭൂമി

എടയൂർ: മതമൈത്രിയുടെ സംഗമവേദിയായി അഖണ്ഡനാമയജ്ഞഭൂമി. എടയൂർ ഋഷിപുത്തൂർ വിഷ്ണുക്ഷേത്രത്തിലാണ് വ്യത്യസ്ത മതവിഭാഗക്കാരുടെ കൂട്ടായ്‌മയിൽ മതമൈത്രിക്ക് സാക്ഷ്യംവഹിച്ച സൗഹൃദസദസ്സ് നടന്നത്. എടയൂർ പീടികപ്പടി ജുമാമസ്ജിദ് ഖത്തീബ് നാസർ റഹ്‌മാനി, മഹല്ല് വൈസ് പ്രസിഡന്റ് കാസിം കോയ തങ്ങൾ, ജോയിന്റ് സെക്രട്ടറിമാരായ സി.എം. വാപ്പുട്ടി, കെ.പി. ഉമ്മർ, മുൻ മഹല്ല് ഭാരവാഹി ടി.ടി. മുഹമ്മദ്കുട്ടി ഹാജി, ക്ഷേത്രം പാരമ്പര്യട്രസ്റ്റി കെ.പി. ഗോപിനാഥൻ, ചെയർമാൻ കെ. ഉണ്ണികൃഷ്ണൻ, മേൽശാന്തി രാമൻ എമ്പ്രാന്തിരി, സേവാസമിതി പ്രസിഡന്റ് ഷാജി, സെക്രട്ടറി ശിവദാസൻ, എക്‌സിക്യുട്ടീവ് അംഗങ്ങളായ ബി. വേണുഗോപാൽ, കെ.പി. വിശ്വനാഥൻ, എ.കെ. ബാബുട്ടി, പി. മോഹനൻ തുടങ്ങിയവർ പങ്കെടുത്തു. അന്നദാനവുമുണ്ടായി.