വെട്ടിച്ചിറയിൽ പതിനാലുകാരിയെ പീഡിപ്പിച്ച യുവാവ് അറസ്റ്റില്‍
പതിനാല് വയസ്സുകാരിയെ പീഡിപ്പിച്ച യുവാവ് അറസ്റ്റിൽ. വെട്ടിച്ചിറ പോവുംകാട്ടില്‍ കുഞ്ഞിമൊയ്തീന്‍ എന്ന മൊയ്തീന്‍കുട്ടി(36)യാണ് അറസ്റ്റിലായത്. വളാഞ്ചേരി സി.ഐ എ.എം. സിദ്ധീഖും സംഘവുമാണ് അറസ്റ്റുചെയ്തത്. സംഭവത്തെക്കുറിച്ച് പോലീസ് പറയുന്നത്: ഭര്‍ത്താവ് ഉപേക്ഷിച്ചതും രണ്ട് കുട്ടികളുള്ളതുമായ എറണാകുളം കടവന്ത്ര സ്വദേശിയായ സ്ത്രീയുമായി കുഞ്ഞിമൊയ്തീന്‍ മൊബൈല്‍ഫോണ്‍ വഴി ബന്ധം സ്ഥാപിച്ചു. വിവാഹവാഗ്ദാനം നല്‍കി ഇവരെ വെട്ടിച്ചിറയിലേക്ക് എത്തിച്ച് വാടകക്വാര്‍ട്ടേഴ്‌സില്‍ താമസിപ്പിക്കുകയുംചെയ്തു. ക്വാര്‍ട്ടേഴ്‌സില്‍ സ്ഥിരം സന്ദര്‍ശകനായ മൊയ്തീന്‍കുട്ടി സ്ത്രീയുടെ പതിനാല് വയസ്സുള്ള പെണ്‍കുട്ടിയെ പീഡിപ്പിക്കുകയായിരുന്നു. വിവരമറിഞ്ഞ കുട്ടിയുടെ അമ്മ മുളന്തുരുത്തി പോലീസില്‍ പരാതി നല്‍കി. ചൈല്‍ഡ് വെല്‍ഫെയര്‍ കമ്മിറ്റി പെണ്‍കുട്ടിയില്‍ നിന്ന് മൊഴിയെടുത്തതിന്റെ അടിസ്ഥാനത്തില്‍ നടത്തിയ അന്വേഷണത്തിനൊടുവിലാണ് യുവാവ് പിടിയിലായത്. തിരൂര്‍ കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു. എ.എസ്.ഐ സി.പി. വാസുദേവന്‍, സീനിയര്‍ സി.പി.ഒ ഇഖ്ബാല്‍ എന്നിവരാണ് അന്വേഷണസംഘത്തിലുണ്ടായിരുന്നത്. പട്ടാമ്പി, വളാഞ്ചേരി, കുറ്റിപ്പുറം പോലീസ് സ്റ്റേഷനുകളില്‍ ഇയാള്‍ക്കെതിരെ കേസുണ്ടെന്നും പോലീസ് പറഞ്ഞു.
Summary: A man arrested at Vettichira for molesting an underage girl.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
