volunteers Archives - Valanchery Online

വിഷു ദിനത്തിൽ മാമാങ്ക സ്മാരകങ്ങൾ ശുചീകരിച്ച് കെ.ഇ.ടി വളണ്ടിയർമാർ

വളാഞ്ചേരിക്കാരൻ — Mon, 15 Apr 2024 11:35:30 +0000

തിരുന്നാവായ: ജില്ലയുടെ വിവിധ ഭാഗങ്ങളിൽ നിന്നെത്തിയ കേരള എമർജൻസി ടീം വളണ്ടിയർമാർ വിഷു ദിനത്തിൽ നടത്തിയ കർമ്മ പ്രവർത്തി ഏറെ ശ്രദ്ധേയമായി. യൂണിഫോമണിഞ്ഞ് ചിട്ടയോടെ വിവിധ തൊഴിൽ ഉപകരണങ്ങളുമായി എത്തിയ കെ.ഇ.ടി വളണ്ടിയർമാർ ഏറെ സാഹസികമായി ചരിത്ര പ്രസിദ്ധമായ മണിക്കിണറിന് സമീപത്തെ പൊന്തക്കാടുകൾ വെട്ടി നീക്കി ശുചീകരിക്കുകയും പഴുക്കാ മണ്ഡപത്തിന്റെ മുകൾഭാഗവും ശുചീകരിക്കുകയും ചെയ്തു. എമർജൻസി ടീം റെസ്ക്യൂ അംഗങ്ങളെ നാവാമുകുന്ദ ക്ഷേത്രം എക്സിക്യൂട്ടിവ് ഓഫിസർ പി പരമേശ്വരൻ,മാമാങ്കം മെമ്മോറിയൽ ട്രസ്റ്റ് ചെയർമാൻ സി.പി.എം. ഹാരിസ് ,ഡോ: ചങ്ങമ്പള്ളി മൻസൂർ ഗുരിക്കൾ, മാമാങ്ക സ്മാരകം കെയർ ടേക്കർ ഉമ്മർ ചിറക്കലും നാട്ടുകാരുംചേർന്ന് സ്വീകരിച്ചു.
കെ .ഇ .ടി .മലപ്പുറം ജില്ലാ റെസ്ക്യൂ അംഗങ്ങളായ അബ്ദുല്ല കുട്ടി സി.പി ഷാഫി പുറത്തൂർ, ഫിർദൗസ് മൂപ്പൻ, വി.എം. ബഷീർ വെട്ടിച്ചിറ, ഹർഷദ് താനൂർ, സലീം തൊഴിലാളി,നാസർ കാടാമ്പുഴ, അഷ്റഫ് മൂച്ചിക്കൽ, അസീസ് ,നാസർ കാച്ചടി, യാഹുട്ടി,നൗഷൽ എന്നിവരുടെ നേതൃത്വത്തിലാണ് ശുചീകരണ പ്രവർത്തനങ്ങൾ നടത്തിയത്.

The post വിഷു ദിനത്തിൽ മാമാങ്ക സ്മാരകങ്ങൾ ശുചീകരിച്ച് കെ.ഇ.ടി വളണ്ടിയർമാർ appeared first on Valanchery Online.

ജൈവവൈവിധ്യമറിയാൻ നാവാമുകുന്ദ ഹയർസെക്കൻഡറി സ്കൂളിലെ സീഡ് പ്രവർത്തകർ ഭാരതപ്പുഴയുടെ തീരത്ത് സംഗമിച്ചു

വളാഞ്ചേരിക്കാരൻ — Wed, 22 Dec 2021 01:39:51 +0000

തിരുനാവായ : നാവാമുകുന്ദ ഹയർ സെക്കൻഡറി സ്കൂളിലെ ഹരിത സേന അംഗങ്ങൾ ജൈവവൈവിധ്യത്തെ തൊട്ടറിയാൻ പേരാറിന്റെ തീരത്ത് സംഗമിച്ചു. ജൈവ വൈവിധ്യത്തെ കുറിച്ച് മലപ്പുറം ജില്ലാ പരിസ്ഥിതി കോർഡിനേറ്റർ ലത്തീഫ് കുറ്റിപ്പുറം ക്ലാസ്സെടുത്തു. ബന്ദർക്കടവിൽ നിന്ന് പേരാറിന്റെ തീരത്തെ ജൈവ വൈവിധ്യ സമ്പന്നമായ പ്രദേശങ്ങൾ പ്രവർത്തകർ സന്ദർശിച്ചു. കോർഡിനേറ്റർ ഷീജ, പ്രകാശ്, പ്രശാന്ത്, നൗഫൽ, ബിന്ദു എന്നിവർ നേതൃത്വം കൊടുത്തു. മണ്ണിലിറങ്ങി വിത്തു വിതച്ചു പോരാടിയ ജൈവ മനുഷ്യൻ മഞ്ചേരി എസ് പ്രാഭകരൻ മാസ്റ്ററുടെ ഓർമ്മ പുസ്തകവും ക്യാമ്പിൽ പ്രകാശനം ചെയ്തു.

The post ജൈവവൈവിധ്യമറിയാൻ നാവാമുകുന്ദ ഹയർസെക്കൻഡറി സ്കൂളിലെ സീഡ് പ്രവർത്തകർ ഭാരതപ്പുഴയുടെ തീരത്ത് സംഗമിച്ചു appeared first on Valanchery Online.

അലവൻസ് തുക വാർഡിലെ കോവിഡ്‌ പ്രതിരോധ പ്രവർത്തനങ്ങൾക്ക് കൈമാറി മാതൃക സൃഷ്ടിച്ച് ഇരിമ്പിളിയത്തെ ഒരു കൂട്ടം ആർ.ആർ.ടി വളണ്ടിയർമാർ

വളാഞ്ചേരിക്കാരൻ — Mon, 07 Jun 2021 00:30:18 +0000

ഇരിമ്പിളിയം: മലപ്പുറം ജില്ലയിലെ ഇരിമ്പിളിയം ഗ്രാമ പഞ്ചായത്തിൽ ഉൾപ്പെട്ട പുറമണ്ണൂർ എന്ന ഗ്രാമത്തിലെ 6,7 വാർഡുകളിലായി സാമൂഹ്യ സേവനം ചെയ്യുന്ന ആർ.ആർ.ടി വളണ്ടിയമാരായ മുജീബ് കെ.പി, ഫൈസൽ പി.പി, അംജദ്, ഹംസ ടി.എൻ, അഷ്റഫ് ടി.ടി, ആഷിഖ് ടി.ടി, കുഞ്ഞിമുഹമ്മദ് എം, ഇനാസ് ടി.ടി എന്നിവരാണ് പഞ്ചായത്തിൽ നിന്നും ലഭിച്ച അലവൻസ് തുക 6,7 വാർഡിലെ കോവിഡ്‌ പ്രതിരോധ പ്രവർത്തനങ്ങൾക്ക് കൈമാറിയത്. ആർ.ആർ.ടി അംഗങ്ങൾക്ക് ജില്ലാ പഞ്ചായത്ത് മെമ്പർ എ.പി.സബാഹ് നൽകിയ കിറ്റും വാർഡിലെ കോവിഡ്‌ പോസിറ്റീവ് ആയ വീടുകളിലേക്ക് നൽകിയിരിക്കുകയാണ് ഇവർ.

The post അലവൻസ് തുക വാർഡിലെ കോവിഡ്‌ പ്രതിരോധ പ്രവർത്തനങ്ങൾക്ക് കൈമാറി മാതൃക സൃഷ്ടിച്ച് ഇരിമ്പിളിയത്തെ ഒരു കൂട്ടം ആർ.ആർ.ടി വളണ്ടിയർമാർ appeared first on Valanchery Online.

എടയൂർ പഞ്ചായത്ത് ദ്രുത കർമ്മ സേനയ്ക്ക് വ്യക്തിഗത സുരക്ഷ കിറ്റ് വിതരണം ചെയ്തു

വളാഞ്ചേരിക്കാരൻ — Tue, 25 May 2021 00:02:14 +0000

എടയൂർ: കോവിഡ് അതി തീവ്രവ്യാപനത്തിന്റെ പശ്ചാത്തലത്തിൽ എടയൂർ ഗ്രാമ പഞ്ചായത്തിൽ കോവിഡ് രോഗ പ്രതിരോധ പ്രവർത്തനങ്ങൾക്ക് നേതൃത്വം നൽകുന്ന വാർഡ്‌ കർമ്മ സമിതി സന്നദ്ധ പ്രവർത്തകരായ ആർ.ആർ.ടി ടീമംഗങ്ങൾക്ക് മാസ്ക്, ഗ്ലൗസ്, പി.പി.ഇ കിറ്റ്, സാനിറ്റൈസർ, ബ്ലീച്ചിങ്ങ് പൗഡർ തുടങ്ങിയവയും വീടുകളിൽ നിരീക്ഷണത്തിലുള്ള രോഗികളുടെ ഓക്സിജന്റെ അളവ് പരിശോധിക്കുന്നതിനുള്ള പൾസ് ഓക്സി മീറ്റരും വിതരണം ചെയ്തു.

എടയൂർ ഗ്രാമ പഞ്ചായത്തിലെ അധ്യാപകരുടെ സംഘടനയായ കെ.എസ്.ടി.യു ഓരോ വാർഡിലേക്കും സംഭാവന നൽകിയ പൾസ് ഓക്സി മീറ്റർ പഞ്ചായത്ത്‌ പ്രസിഡന്റ് ഹസീന ഇബ്രാഹിം, ഭാരവാഹികളായ അബുബക്കർ, UT ഷമീർ, ഉമ്മർ എന്നിവരിൽ നിന്നും ഏറ്റുവാങ്ങി. വൈസ് പ്രസിഡന്റ് കെ.പി വേലായുധൻ, മെമ്പാർമാരായ അയൂബ് പി.ടി, നൗഷാദ് കെ.ടി, അനുഷ സ്ലീമോഗ് സി.കെ, നോഡൽ ഓഫസർ സുബൈറുൽ അവാൻ, അസിസിറ്റന്റ് സെക്രട്ടറി രാജേഷ്. ആർ തുടങ്ങിയവർ സംബന്ധിച്ചു.

The post എടയൂർ പഞ്ചായത്ത് ദ്രുത കർമ്മ സേനയ്ക്ക് വ്യക്തിഗത സുരക്ഷ കിറ്റ് വിതരണം ചെയ്തു appeared first on Valanchery Online.

ട്രോമാകെയർ വാളൻറിയർമാർക്ക് പുതുവസ്ത്രങ്ങൾ സമ്മാനിച്ച് വളാഞ്ചേരി പോലീസ്

വളാഞ്ചേരിക്കാരൻ — Tue, 13 Apr 2021 23:50:19 +0000

വളാഞ്ചേരി:വിഷു റംസാൻ ആഘോഷങ്ങളുടെ ഭാഗമായി വളാഞ്ചേരിയിലെ ട്രോമാകെയർ പോലീസ് വാളൻറിയർ പ്രവർത്തകർക്ക് വളാഞ്ചേരി പോലീസ് പുതുവസ്ത്രങ്ങൾ കൈമാറി. പ്രതിഫലേച്ഛയില്ലാതെ പ്രകൃതിദുരന്തനിവാരണ പ്രവർത്തനങ്ങളിലും ട്രാഫിക് ക്രമീകരണത്തിലും വളാഞ്ചേരി പോലീസിനെ സഹായിച്ച് നാടിന് മാതൃകയാകുന്ന തരത്തിൽ പ്രവർത്തനം നടത്തുന്ന സന്നദ്ധ പ്രവർത്തകർക്കാണ് ഉപഹാരം നല്കിയത്.

കഴിഞ്ഞ രണ്ട് മാസക്കാലമായി വട്ടപ്പാറ വളവ് അപകടരഹിത മേഖലയായി നിലകൊള്ളുന്നതിൽ വളാഞ്ചേരി പോലീസ് നടത്തുന്ന പ്രവർത്തനങ്ങൾക്ക് കൈത്താങ്ങായി നിലകൊള്ളുന്നത് ട്രോമാകെയർ പ്രവർത്തകരാണ്.കൂടാതെ തെരഞ്ഞെടുപ്പ് ജോലിയിൽ പോലീസ് മുഴുകിയപ്പോൾ വളാഞ്ചേരി ടൗണിലെ ട്രാഫിക് നിയന്ത്രണം ഏറ്റെടുത്ത് ക്രമീകരിച്ചത് പോലീസ് വാളൻ്റിയേഴ്സ് പ്രവർത്തകരാണ്. യാതൊരു പ്രതിഫലവും സ്വീകരിക്കാതെ നടത്തുന്ന ഇവരുടെ സന്നദ്ധ പ്രവർത്തനങ്ങളെ എത്ര അഭിനന്ദിച്ചാലും മതിയാകില്ലെന്ന് വളാഞ്ചേരി സി.ഐ പി.എം ഷമീർ പറഞ്ഞു.

The post ട്രോമാകെയർ വാളൻറിയർമാർക്ക് പുതുവസ്ത്രങ്ങൾ സമ്മാനിച്ച് വളാഞ്ചേരി പോലീസ് appeared first on Valanchery Online.

സഹപാഠിക്ക് സനേഹഭവനം സമർപ്പിച്ചു മാതൃകയായി ഇരിമ്പിളിയം എം.ഇ.എസ് എച്.എസ്.എസിലെ വിദ്യാർത്ഥികൾ

വളാഞ്ചേരിക്കാരൻ — Sun, 11 Apr 2021 23:55:17 +0000

ഇരിമ്പിളിയം:കോവിഡ് പ്രതിസന്ധിക്കിടയിലും സഹപാഠിക്ക് സനേഹഭവനം സമർപ്പിച്ചു മാതൃകയായി എൻ എസ് എസ് വിദ്യാർത്ഥികൾ. പുറമണ്ണൂർ ആശാരിത്തൊടി പരേതനായ ഹരിയുടെ കുടുംബത്തിന് ഇരിമ്പിളിയം എം.ഇ.എസ് ഹയർ സെക്കൻ്ററി സ്ക്കൂൾ നാഷണൽ സർവ്വീസ് സ്കീം യൂണിറ്റിന്റെയും നാട്ടുകാരുടെയും PEPA കൂട്ടായ്മയുടെയും സഹകരണത്തോടെ വീട് നിർമ്മിച്ച് നൽകി. അമ്മയും രണ്ട് പെൺമക്കളുമടങ്ങുന്ന കുടുംബത്തിൻ്റെ, സ്വന്തമായ ഒരു വീട് എന്ന സ്വപ്നത്തെ ഒരു വർഷം മുൻപ് ഏറ്റെടുത്ത ഇരിമ്പിളിയം എം.ഇ.എസ് എച്.എസ്.എസിലെ എൻ.എസ്.എസ് യൂണിറ്റ് നാട്ടുകാരുടെ കൂടി സഹകരണത്തോടെയാണ് പണി പൂർത്തീകരിച്ചത്. എൻ.എസ്.എസ് ജില്ല കോ- ഓർഡിനേറ്റർ പി സക്കറിയ, പ്രിൻസിപ്പാൾ സി.എം ഫിറോസ്, ഹെഡ് മാസ്റ്റർ അഷറഫലി കാളിയത്ത്, നവാസ് മാസ്റ്റർ എന്നിവർ ചേർന്ന് താക്കോൽ കുടുംബത്തിന് കൈമാറി.

ക്ലസ്റ്റർ കൺവീനർ ഷാഹിന ടീച്ചർ, പ്രോഗ്രാം ഓഫീസർ സൈനുദ്ദീൻ,സുധീർ മാഷ്, പി വിജയകൃഷ്ണൻ എന്നിവർ നേതൃത്വം നൽകിയ ചടങ്ങിൽ വാർഡ് അംഗങ്ങളായ അമീർ, മെറീഷ്, പി.ടി.എ വൈസ് പ്രസിഡൻറ് സുരേഷ് മലയത്ത് എന്നിവരും നാട്ടുകാരും അധ്യാപകരും വിദ്യാർത്ഥികളും പങ്കെടുത്തു.

The post സഹപാഠിക്ക് സനേഹഭവനം സമർപ്പിച്ചു മാതൃകയായി ഇരിമ്പിളിയം എം.ഇ.എസ് എച്.എസ്.എസിലെ വിദ്യാർത്ഥികൾ appeared first on Valanchery Online.

പൂക്കാട്ടിരി സഫ കോളജ് എന്‍.എസ്.എസ്, എസ്.ഐ.പി യൂണിറ്റുകള്‍ സംയുക്തമായി പാലിയേറ്റീവ് ക്ലിനിക്കുകള്‍ക്ക് ജീവന്‍രക്ഷാ ഉപകരണങ്ങള്‍ വിതരണം ചെയ്തു

വളാഞ്ചേരിക്കാരൻ — Sat, 20 Mar 2021 11:46:54 +0000

എടയൂർ: കിടപ്പുരോഗികള്‍ക്ക് വേദനാ സംഹാരികളെക്കാള്‍ സാന്ത്വനമാണ് അത്യാവശ്യമെന്ന് പെരിന്തല്‍മണ്ണ ഗവ. ജില്ലാ ആശുപത്രി മുന്‍ സൂപ്രണ്ടും ക്രാഫ്റ്റ് ഹോസ്പിറ്റല്‍ സ്ഥാപകനുമായ ഡോ. ഷാജി ഗഫൂര്‍. പൂക്കാട്ടിരി സഫ കോളജ് എന്‍.എസ്.എസ്, എസ്.ഐ.പി യൂണിറ്റുകള്‍ സംയുക്തമായി സംഘടിപ്പിച്ച പാലിയേറ്റീവ് ക്ലിനിക്കുകള്‍ക്കുള്ള ജീവന്‍രക്ഷാ ഉപകരണങ്ങളുടെ വിതരണത്തിന്റെയും വിദ്യാര്‍ത്ഥികള്‍ക്കുള്ള ബോധവത്കരണ ക്ലാസിന്റെയും ഉദ്ഘാടനം നിര്‍വഹിച്ച് സംസാരിക്കുകയായിരുന്നു അദ്ദേഹം.

കിടപ്പു രോഗികളും പ്രായമായവരും ഏറെ പ്രയാസപ്പെടുന്നത് അവരുടെ ഒറ്റപ്പെട്ട ജീവിതത്തെ തുടര്‍ന്നാണ്. മരുന്നുകളെക്കാളേറെ സാന്ത്വനമാണ് ഇത്തരക്കാര്‍ക്ക് ആവശ്യമെന്നും അത് നല്‍കാന്‍ വിദ്യാര്‍ത്ഥികളുള്‍പ്പെടുന്ന ഈ യുവ സമൂഹത്തിന് സാധിക്കുമെന്നും ഡോ. ഷാജി ഗഫൂര്‍ പറഞ്ഞു. രോഗിയെ കേള്‍ക്കാന്‍ തയ്യാറാവുന്നതിലൂടെ അവരുടെ വേദനകള്‍ക്ക് ഒരു പരിധിവരെയെങ്കിലും ആശ്വാസമാകാന്‍ നമുക്ക് കഴിയുമെന്നും അദ്ദേഹം കൂട്ടിച്ചേര്‍ത്തു. ചടങ്ങില്‍ എന്‍.എസ്.എസ്, എസ്.ഐ.പി യൂണിറ്റുകള്‍ തയ്യാറാക്കിയ രോഗി പരിചരണ കൈപുസ്തകം പ്രകാശനം ചെയ്തു.

ഇത്തരം സാമൂഹിക സേവന പദ്ധതികളിലൂടെ പുതുതലമുറ വിദ്യാര്‍ത്ഥികളിലെ തിന്മയെക്കാള്‍ അവരിലെ നന്മയെ ഉയര്‍ത്തികൊണ്ടുവരാനാണ് കോളജ് ശ്രമിക്കുന്നതെന്ന് ചടങ്ങില്‍ അധ്യക്ഷത വഹിച്ച ഒ.ഇ.സി.ടി ചെയര്‍മാന്‍ യാസിര്‍. വി.പി പറഞ്ഞു. ട്രസ്റ്റ് സ്ഥാപകനും മുന്‍ ചെയര്‍മാനുമായ വി.പി കുഞ്ഞിമൊയ്തീന്‍കുട്ടിയുടെ സ്മരണാര്‍ത്ഥം കോളജില്‍ ആരംഭിക്കുന്ന പാലിയേറ്റീവ് യൂണിറ്റിന്റെ പ്രഖ്യാപനവും അദ്ദേഹം നിര്‍വഹിച്ചു. വി.പി കുഞ്ഞിമൊയ്തീന്‍കുട്ടി സാഹിബിന്റെ ചരമ ദിനമായ ആഗസ്റ്റ് അഞ്ചിനാണ് പാലിയേറ്റീവ് യൂണിറ്റ് ആരംഭിക്കുന്നത്.

ഒ.ഇ.സി.ടി ട്രസ്റ്റിന്റെ സാമ്പത്തിക സഹായത്തോടെ പ്രദേശത്തെ പാലിയേറ്റീവ് യൂണിറ്റുകള്‍ക്കുള്ള ജീവന്‍ രക്ഷാ ഉപകരണങ്ങള്‍ ട്രസ്റ്റ് മെമ്പര്‍ വി.പി യൂനുസ് സലീം വിതരണം ചെയ്തു. ട്രസ്റ്റ് സെക്രട്ടറി യു.എ ഷമീര്‍, ട്രസ്റ്റ് മെമ്പര്‍ കെ. അബ്ദുല്‍ റഷീദ്, സഫ കോളജ് പ്രിന്‍സിപ്പാള്‍ പി. അബ്ദുല്‍ ഗഫൂര്‍, അഡ്മിനിസ്‌ട്രേറ്റീവ് ഓഫീസര്‍ കെ.പി മുഹമ്മദ് അലിഖാന്‍, ഐ.ക്യു.എ.സി കോര്‍ഡിനേറ്റര്‍ പി.കെ അബ്ദുല്‍ ഷുക്കൂര്‍, സേവന പാലിയേറ്റീവ് ജോയന്റ് സെക്രട്ടറി വി.പി അനീസ്, സേവന പാലിയേറ്റീവ് മെമ്പര്‍ ഹരിദാസന്‍, സഫ കോളജ് എസ്.ഐ.പി സ്റ്റാഫ് കോര്‍ഡിനേറ്റര്‍ കെ. ഷബീര്‍, എസ്.ഐ.പി സ്റ്റുഡന്റ് കോര്‍ഡിനേറ്റര്‍ ടി. ഇബ്രാഹിം എന്നിവര്‍ സംസാരിച്ചു.

The post പൂക്കാട്ടിരി സഫ കോളജ് എന്‍.എസ്.എസ്, എസ്.ഐ.പി യൂണിറ്റുകള്‍ സംയുക്തമായി പാലിയേറ്റീവ് ക്ലിനിക്കുകള്‍ക്ക് ജീവന്‍രക്ഷാ ഉപകരണങ്ങള്‍ വിതരണം ചെയ്തു appeared first on Valanchery Online.

മാമാങ്ക സ്മാരകമായ മണിക്കിണർ ശുചീകരിച്ചു കുറ്റിപ്പുറം കെഎംസിടി പോളിടെക്ക്നിക് കോളേജിലെ എൻഎസ്എസ് വാളണ്ടിയർമാർ

വളാഞ്ചേരിക്കാരൻ — Sun, 07 Feb 2021 14:19:06 +0000

തിരുന്നാവായ: ചരിത്ര പ്രസിദ്ധമായ – മാമാങ്ക സ്മാരകങ്ങളിൽപെട്ട മണിക്കിണർ കുറ്റിപ്പുറം കെഎംസിടി പോളിടെക്ക്നിക് കോളേജിലെ എൻഎസ്എസ് വാളണ്ടിയർമാർ ചേർന്ന് ശുചീകരിച്ചു. മാമാങ്കോത്സവത്തിൽ മരണമടയുന്ന ചാവേറുകളെ കൂട്ടത്തോടെ സംസ്കരിച്ചിരുന്നക് കിണർ ആണ് മണിക്കിണർ എന്ന പേരിലറിയപ്പെടുന്നത്. ചരിത്രപ്രധാന്യവും ടൂറിസം സാധ്യതയുമുള്ള ഈ കിണർ ‘ആഴം തിരിച്ചറിയാൻ’ പറ്റാത്ത രൂപത്തിൽ ഉൾവശം പൊന്തക്കാടുകൾ നിറഞ്ഞ് നിന്നിരുന്നു.

വളരെ സാഹസപ്പെട്ടാണ് വിദ്യാർത്ഥികൾ ശുചികരണപ്രവർത്തനത്തിന് നേതൃത്വം നൽകിയത്. മാതൃക പരമായ ഈ പ്രവൃത്തിക്ക് എൻ.എസ്.എസ് പ്രോഗ്രാം ഓഫീസർ ടി.പി ജാസിർ, വളണ്ടീയർ സെക്രട്ടറി സിവി പ്രജീഷ്, വളണ്ടീയർമാരായ മുഹമ്മദ് റിൻഷാദ്, അർഷലാൽ, ഫാളിൽ, ശമിൽ, അദ്നാൻ, അസ്ലം, അഫിൽ, യദുകൃഷ്ണ, ജയേഷ്, അർഷാദ്, ഷമിം എന്നിവർ നേതൃത്വം നൽകി. മാമാങ്ക സ്മാരക കെയർടേക്കർ ചിറക്കൽ ഉമ്മർ, വാച്ചർ സക്കീർ ഹുസൈൻ, എം പി ഗിത എന്നിവരും പങ്കെടുത്തു.

The post മാമാങ്ക സ്മാരകമായ മണിക്കിണർ ശുചീകരിച്ചു കുറ്റിപ്പുറം കെഎംസിടി പോളിടെക്ക്നിക് കോളേജിലെ എൻഎസ്എസ് വാളണ്ടിയർമാർ appeared first on Valanchery Online.

തിരൂർ റെയിൽവേ സ്റ്റേഷനിലെ കസേരകൾ പെയിന്റടിച്ച് പുതിയ രൂപം നൽകി വിവിധ പോളിക്നിക്കുകളിലെ എൻഎസ്എസ് വളണ്ടീയർമാർ

വളാഞ്ചേരിക്കാരൻ — Thu, 14 Jan 2021 02:11:30 +0000

തിരൂർ : തിരൂർ റെയിൽവേ സ്റ്റേഷനിലെ കസേരകൾ പെയിന്റടിച്ച് പുതിയ രൂപം നൽകി എൻഎസ്എസ് വളണ്ടീയർമാർ ശ്രദ്ധേയരായി. എൻഎസ്എസ് ടെക്നിക്കൽ സെൽ ആവിഷ്കരിച്ച പുനർജ്ജനി പദ്ധതിയുടെ ഭാഗമായാണ് വിദ്യാർഥികൾ ഈ പ്രവർത്തനം ഏറ്റെടുത്തത്. സ്റ്റേഷനിലെ തുരുമ്പ് പിടിച്ച കസേരകൾ വൃത്തിയാക്കുകയും പുതിയ പെയിന്റ് അടിച്ചു നന്നാക്കിയെടുക്കുകയും ചെയ്തു. 3 സീറ്റിങ് കപ്പാസിറ്റിയുള്ള 25 ഓളം സെറ്റ് കസേരകളുടെ പെയിന്റിങ്ങാണ് പൂർത്തിയാക്കിയത്. കുറ്റിപ്പുറം കെഎംസിടി പോളിടെക്നിക് കോളേജ്, തിരൂർ എസ്എസ്എം പോളിടെക്നിക് കോളേജ്, കോട്ടക്കൽ സർക്കാർ വനിത പോളിടെക്നിക് കോളേജ്എന്നിവിടങ്ങളിലെ അമ്പതോളം വളണ്ടീയർമാരാണ് പ്രവർത്തനത്തിൽ പങ്കാളികളായത്. ജില്ല പ്രോഗ്രാം കോർഡിനേറ്റർ കെ എ കാദർ, പ്രോഗ്രാം ഓഫീസർമാരായ മുഹമ്മദ്‌ റിയാസ് കെ, ടിപി ജാസിർ, മുംതാസ് എൻ, നാസർമോൻ വിപി, വളണ്ടീയർമാരായ അപർണ എൻ, പ്രജീഷ് സിവി, വിഷ്ണുപ്രസാദ് തുടങ്ങിയവർ നേതൃത്വം നൽകി.

The post തിരൂർ റെയിൽവേ സ്റ്റേഷനിലെ കസേരകൾ പെയിന്റടിച്ച് പുതിയ രൂപം നൽകി വിവിധ പോളിക്നിക്കുകളിലെ എൻഎസ്എസ് വളണ്ടീയർമാർ appeared first on Valanchery Online.

മങ്കട മണ്ഡലം വൈറ്റ്ഗാർഡ് ഫയർ& റെസ്ക്യൂ ട്രൈനിംഗ് ക്യാമ്പിന് തുടക്കം കുറിച്ചു

വളാഞ്ചേരിക്കാരൻ — Sat, 05 Oct 2019 00:14:18 +0000

പെരിന്തൽമണ്ണ: മങ്കട മണ്ഡലം വൈറ്റ്ഗാർഡ് ഫയർ& റെസ്ക്യൂ ട്രൈനിംഗ് ക്യാമ്പിന് പെരിന്തൽമണ്ണ ഫയർ സ്റ്റേഷനിൽ തുടക്കം കുറിച്ചു. പെരിന്തൽമണ്ണ കേരള ഫയർ&റെസ്ക്യൂ അതോറിറ്റി ഓഫീസ് കോംപൗണ്ടിൽ വച്ച് നടന്ന ട്രൈനിംഗ്‌ ക്യാമ്പ് പെരിന്തൽമണ്ണ മണ്ഡലം MLA മഞ്ഞളാംകുഴി അലി ഉദ്ഘാടനം നിർവ്വഹിച്ചു. മലപ്പുറം ജില്ല മുസ്ലിം യൂത്ത് ലീഗ് ഉപാദ്ധ്യക്ഷൻ മുഖ്യാത്ഥിതി ആയ ട്രൈനിംഗ് ക്യാമ്പ് സ്റ്റേഷൻ അസി:ഓഫീസർ ബാബുരാജ്, ട്രൈനർ സലീം എന്നിവർ വൈറ്റ്ഗാർഡ് സേവന സംഘം അംഗങ്ങൾക്ക് വിപുലമായ രീതിയിൽ ട്രൈനിംഗ് നൽകുകയും സുരക്ഷാ ഉപകരണങ്ങളെക്കുറിച്ച് പ്രാക്ടിക്കൽ നടത്തി ക്ലാസ്സ് എടുക്കുകയും ചെയ്തു.

ട്രൈനി അംഗങ്ങളുടെ സംശയങ്ങൾക്ക് കൃത്യമായി സംശയ നിവാരണം നൽകിയ സ്റ്റേഷൻ ഓഫീസർമാർ വിലപ്പെട്ട അറിവുകളാണ് അംഗങ്ങൾക്ക് പകർന്നു നൽകിയത്. ഉദ്ഘാടന സെഷനിൽ പങ്കെടുത്ത മണ്ഡലം യൂത്ത് ലീഗ് ട്രഷറർ മുജീബ് വെങ്ങാട് ക്യാമ്പിന് ആശംസ അർപ്പിച്ച് സംസാരിച്ചു. മണ്ഡലം വൈറ്റ്ഗാർഡ് കോർഡിനേറ്റർ MT റാഫി നേതൃത്വം നൽകിയ ട്രൈനിംഗ് ക്യാമ്പിൽ, പാങ്ങ് മേഖല യൂത്ത് ലീഗ് അദ്ധ്യക്ഷൻ നിസാർ, മങ്കട മണ്ഡലം യൂത്ത് ലീഗ് വർക്കിംഗ് കമ്മിറ്റി അംഗം ഷിഹാബ് ചോലയിൽ, പാങ്ങ് മേഖല വൈറ്റ്ഗാർഡ് കോർഡിനേറ്റർ റാഫി, വൈറ്റ്ഗാർഡ് മങ്കടമണ്ഡലം വൈസ് ക്യാപ്റ്റൻ ഷറഫുദ്ധീൻ, പഞ്ചായത്ത് ക്യാപ്റ്റൻമാരായ നൗഫൽ പലകപ്പറമ്പ്, ഷബീർ അങ്ങാടിപ്പുറം, സഫീർ മങ്കട, സാജിദ് മക്കരപ്പറമ്പ്, അസറുദ്ധീൻ കുറുവ, അജ്മൽ പാങ്ങ്, അൻവർ അമ്പലപ്പടി തുടങ്ങി 54 അംഗങ്ങൾ ട്രൈനിംഗിൽ പങ്കെടുത്തു.
രാവിലെ 9:00 മണിക്ക് ആരംഭിച്ച ക്യാമ്പിന്റെ രണ്ടാം ഘട്ടം നാളെ 05/10/2019 ശനിയാഴ്ച്ച രാവിലെ 9:00 മുതൽ വൈകിട്ട് 6:30 വരെ വഴിപ്പാറ അൽ ഫത്തഹ് ഇംഗ്ലീഷ് മീഡിയം സ്കൂളിൽ വച്ച് നടക്കുമെന്ന് മങ്കട മണ്ഡലം മുസ്ലിം യൂത്ത് ലീഗ് ഭാരവാഹികൾ അറിയിച്ചു. ക്യാമ്പിന് എത്തിച്ചേർന്ന നേതാക്കൾക്കും, ട്രൈനി അംഗങ്ങൾക്കും, വളരെ മികച്ച രീതിയിൽ ക്യാമ്പ് സംവിധാനിച്ച് ട്രൈനിംഗ് നൽകിയ ഫയർ & റെസ്ക്യൂ ഉദ്യോഗസ്ഥർക്കും മങ്കട മണ്ഡലം വൈറ്റ്ഗാർഡ് കോർഡിനേറ്റർ MT റാഫി നന്ദി അറിയിച്ചു.

The post മങ്കട മണ്ഡലം വൈറ്റ്ഗാർഡ് ഫയർ& റെസ്ക്യൂ ട്രൈനിംഗ് ക്യാമ്പിന് തുടക്കം കുറിച്ചു appeared first on Valanchery Online.

ദുരന്തഭൂമിയിൽ സേവനസന്നദ്ധരായി കുറ്റിപ്പുറം കെ.എം.സി.ടി പോളിടെക്നിക് കോളേജിലെ എൻ.എസ്.എസ് വളണ്ടീയർമാർ

വളാഞ്ചേരിക്കാരൻ — Sun, 18 Aug 2019 14:34:24 +0000

കുറ്റിപ്പുറം : പ്രളയം കവർന്നെടുത്ത പ്രദേശങ്ങളിൽ ഒരാഴ്ചക്കാലമായി അവശ്യസേവനങ്ങളുമായി കുറ്റിപ്പുറം കെ.എം.സി.ടി പോളിടെക്നിക് കോളേജിലെ എൻ.എസ്.എസ് വളണ്ടീയർമാർ ശ്രദ്ധേയരായി. ‘നിങ്ങൾ വിളിക്കൂ, ഞങ്ങളുണ്ട് വിളിപ്പാടകലെ’ എന്ന മുദ്രാവാക്യവുമായി ഇറങ്ങിത്തിരിച്ച 50 ഓളം വിദ്യാർത്ഥികളാണ് വൈവിധ്യമാർന്ന പ്രവർത്തനങ്ങൾക്ക് നേതൃത്വം നൽകുന്നത്. കോളേജിൽ പ്രവർത്തിച്ച കളക്ഷൻ പോയിന്റ് വഴി വിപുലമാർന്ന റിലീഫ് പരിപാടികൾക്ക് നേതൃത്വം നൽകാനായി.

വീട് ശുചീകരണം, കിണർജല പരിശോധന, ക്ലോറിനേഷൻ, ഭക്ഷണകിറ്റ് വിതരണം, പ്രതിരോധ മരുന്ന് വിതരണം, കേടുപാടായ ഉപകരണങ്ങളുടെ നവീകരണം, വസ്ത്ര വിതരണം, വിദ്യാർത്ഥികൾക്കുള്ള പഠനോപകാരണങ്ങളുടെ വിതരണം തുടങ്ങീ ശ്രദ്ധേയമായ പ്രവർത്തനങ്ങളാണ് വിദ്യാർത്ഥികൾ നടത്തിവരുന്നത്. പ്രളയ ബാധിത പ്രദേശങ്ങളിലെ സർവ്വേ, വായനാടിനൊരു വീട്, ക്യാമ്പുകളിൽ അവശേഷിക്കുന്നവർക്കായുള്ള ആർട്ട് തെറാപ്പി തുടങ്ങിയ പദ്ധതികൾക്കുള്ള അണിയറ ഒരുക്കങ്ങളിലാണ് നിലവിൽ വിദ്യാർത്ഥികൾ. പ്രിൻസിപ്പൽ ഇൻചാർജ് ടി ശാഹുൽ അമീർ, പ്രോഗ്രാം ഓഫീസർമാരായ ടിപി ജാസിർ, താരിഖ് അൻവർ, സ്റ്റുഡന്റസ് കോർഡിനേറ്റർമാരായ പ്രജീഷ് സിവി, രാഹുൽ കെ എന്നിവരാണ് പ്രവർത്തനങ്ങൾക്ക് മേൽനോട്ടം വഹിക്കുന്നത്.

The post ദുരന്തഭൂമിയിൽ സേവനസന്നദ്ധരായി കുറ്റിപ്പുറം കെ.എം.സി.ടി പോളിടെക്നിക് കോളേജിലെ എൻ.എസ്.എസ് വളണ്ടീയർമാർ appeared first on Valanchery Online.

ചെറിയ സേവനത്തിന് കിട്ടിയത് വലിയ അംഗീകാരം-ജൈസൽ

വളാഞ്ചേരിക്കാരൻ — Thu, 20 Sep 2018 00:21:12 +0000

ഇരിമ്പിളിയം: കേരളം പ്രളയത്തിൽ മുങ്ങിയപ്പോൾ അതിലകപ്പെട്ടവരെ രക്ഷിക്കാൻ താൻ ചെയ്തത് ചെറിയ സേവനമാണെന്നും അതിന് സമൂഹം തിരിച്ചുനൽകിയത് വലിയ അംഗീകാരമായിരുന്നൂവെന്നും ജൈസൽ താനൂർ പറഞ്ഞു. ഇരിമ്പിളിയം എം.ഇ.എസ്. ഹയർ സെക്കൻഡറി സ്കൂളിൽ നടന്ന സ്നേഹസംഗമത്തിൽ മുഖ്യാതിഥിയായി സംസാരിക്കുകയായിരുന്നു അദ്ദേഹം. പ്രളയസമയത്ത് സേവനം നടത്തിയ വിദ്യാർഥികൾക്കും സ്കൗട്ട് ആൻഡ്‌ ഗൈഡ് അംഗങ്ങൾക്കും ജൈസൽ ഉപഹാരങ്ങൾ നൽകി.

സ്നേഹസംഗമം ആബിദ് ഹുസൈൻ തങ്ങൾ എം.എൽ.എ. ഉദ്ഘാടനംചെയ്തു. പി.ടി.എ. പ്രസിഡന്റ് കെ.എം. ഗഫൂർ അധ്യക്ഷത വഹിച്ചു. വാർഡംഗം അബ്ദു കുളമ്പിൽ, സുരേഷ് മലയത്ത്, അഷറഫലി കാളിയത്ത്, പി.ജെ. അമീൻ, വേലായുധൻ, സി.എം. ഫിറോസ്, തൊയ്യിബ്, നജ്മുദ്ദീൻ, അൻവർ, എസ്. അനീഷ്, പി.ടി. ഷമീമ എന്നിവർ പ്രസംഗിച്ചു.

The post ചെറിയ സേവനത്തിന് കിട്ടിയത് വലിയ അംഗീകാരം-ജൈസൽ appeared first on Valanchery Online.