fish Archives - Valanchery Online

മത്സ്യക്കൃഷി പദ്ധതി; വളാഞ്ചേരി നഗരസഭയിലെ പൊതുകുളങ്ങളിൽ മത്സ്യക്കുഞ്ഞുങ്ങളെ നിക്ഷേപിച്ചു

വളാഞ്ചേരിക്കാരൻ — Fri, 18 Aug 2023 00:58:57 +0000

വളാഞ്ചേരി : നഗരസഭയും ഫിഷറീസ് വകുപ്പും ചേർന്ന് നടപ്പാക്കുന്ന പൊതുകുളങ്ങളിലെ മത്സ്യക്കൃഷി പദ്ധതി നഗരസഭാധ്യക്ഷൻ അഷറഫ് അമ്പലത്തിങ്ങൽ ഉദ്ഘാടനംചെയ്തു. കാട്ടിപ്പരുത്തി കറ്റട്ടിക്കുളം, പാറാണക്കുളം, വലിയകുളം, താഴങ്ങാടി അമ്പലക്കുളം, തൈക്കാട് കുളം എന്നിവിടങ്ങളിലാണ് മത്സ്യക്കുഞ്ഞുങ്ങളെ നിക്ഷേപിച്ചത്.

സ്ഥിരംസമിതി അധ്യക്ഷരായ സി.എം. റിയാസ്, മുജീബ് വാലാസി, നഗരസഭാംഗങ്ങളായ ഇ.പി. അച്യുതൻ, സദാനന്ദൻ കോട്ടീരി, കെ.വി. ശൈലജ, താഹിറ ഇസ്‌മായിൽ, സുബിത രാജൻ, ഫിഷറീസ് പ്രൊമോട്ടർ പ്രവിത തുടങ്ങിയവർ സംബന്ധിച്ചു. പദ്ധതിയുടെ ഭാഗമായി മത്സ്യക്കൃഷി ചെയ്യാൻ താത്‌പര്യമുള്ളവർക്ക് മത്സ്യക്കുഞ്ഞുങ്ങളെ വിതരണംചെയ്യുമെന്ന് നഗരസഭാധ്യക്ഷൻ പറഞ്ഞു.

The post മത്സ്യക്കൃഷി പദ്ധതി; വളാഞ്ചേരി നഗരസഭയിലെ പൊതുകുളങ്ങളിൽ മത്സ്യക്കുഞ്ഞുങ്ങളെ നിക്ഷേപിച്ചു appeared first on Valanchery Online.

വളാഞ്ചേരി നഗരസഭയിലെ പൊതുകുളങ്ങളിൽ മത്സ്യകൃഷി നടത്തുന്ന പദ്ധതി തുടങ്ങി

വളാഞ്ചേരിക്കാരൻ — Tue, 29 Nov 2022 00:23:41 +0000

വളാഞ്ചേരി : നഗരസഭയിലെ പൊതുകുളങ്ങളിൽ മത്സ്യകൃഷി നടത്തുന്ന പദ്ധതി തുടങ്ങി. നഗരസഭാധ്യക്ഷൻ അഷറഫ് അമ്പലത്തിങ്ങൽ ഉദ്ഘാടനംചെയ്തു. കൗൺസിലർമാരായ സി.എം. റിയാസ്, ഇ.പി. അച്യുതൻ, ഷാഹിന റസാക്ക്, തസ്‌ലീമ നദീർ, ജബ്ബാർ ഗുരുക്കൾ, റസാക്ക്, മൊയ്തീൻകുന്നത്ത്, മുഹമ്മദ് കാശാംകുന്ന്, മുഹമ്മദ് കുണ്ടനിയിൽ തുടങ്ങിയവർ സംബന്ധിച്ചു.

ആദ്യഘട്ടത്തിൽ പാറാണക്കുളം, തൈക്കാട് കുളം, വലിയകുളം, താഴങ്ങാടി അമ്പലക്കുളം, കാട്ടിപ്പരുത്തി കറ്റട്ടിക്കുളം എന്നീ പൊതുകുളങ്ങളിലാണ് മത്സ്യകൃഷി തുടങ്ങുന്നത്. സംസ്ഥാന ഫിഷറീസ് വകുപ്പും നഗരസഭയും ചേർന്നാണ് 2022-23 വാർഷിക പദ്ധതിയിലുൾപ്പെടുത്തി കൃഷി ആരംഭിക്കുന്നത്.

The post വളാഞ്ചേരി നഗരസഭയിലെ പൊതുകുളങ്ങളിൽ മത്സ്യകൃഷി നടത്തുന്ന പദ്ധതി തുടങ്ങി appeared first on Valanchery Online.

അമ്പലപറമ്പ് കായൽ കുളത്തിൽ മൽസ്യ കുഞ്ഞുങ്ങളെ നിക്ഷേപിച്ചു വളാഞ്ചേരി നഗരസഭ

വളാഞ്ചേരിക്കാരൻ — Sat, 18 Sep 2021 12:43:16 +0000

വളാഞ്ചേരി: മുനിസിപ്പാലിറ്റിയിൾ ഉൾപ്പെട്ട ഡിവിഷൻ 30 അമ്പലപറമ്പ് വാർഡ് മുസ്ലിം ലീഗ് – യൂത്ത്ലീഗ് – എം.എസ്.എഫ് കമ്മിറ്റികളുടെ നേതൃത്വത്തിൽ ജലാശയത്തിലെ മത്സ്യ സമ്പത്ത് വർദ്ധിപ്പിക്കുന്നതിൻ്റെ ഭാഗമായി പൊതു ജലാശയമായ അമ്പലപറമ്പ് കായൽ കുളത്തിൽ മൽസ്യ കുഞ്ഞുങ്ങളെ നിക്ഷേപിച്ചു. ചടങ്ങിൽ മുൻ കൗൺസിലർ ശിഹാബുദ്ധീൻ എന്ന ബാവ, ഡിവിഷൻ മുസ്ലീം ലീഗ് പ്രസിഡണ്ട് അകയിൽ ഫൈസൽ, ഗഫൂർ, മുഫീദ്, ഹംസ കവറൊടി, സി.കെ നൗഷാദ്, സലാം, നാസർ, ഷംസാദ് എന്നിവർ പങ്കെടുത്തു.

The post അമ്പലപറമ്പ് കായൽ കുളത്തിൽ മൽസ്യ കുഞ്ഞുങ്ങളെ നിക്ഷേപിച്ചു വളാഞ്ചേരി നഗരസഭ appeared first on Valanchery Online.

പൊതുകുളങ്ങളിൽ മത്സ്യക്കുഞ്ഞുങ്ങളെ നിക്ഷേപിച്ചു വളാഞ്ചേരി നഗരസഭ

വളാഞ്ചേരിക്കാരൻ — Fri, 17 Sep 2021 02:35:22 +0000

വളാഞ്ചേരി: നഗരസഭയിൽ ഫിഷറീസ് ഡിപ്പാർട്ട്മെന്റിന്റെ സഹകരണത്തോടെ അഞ്ച് സെന്ററിൽ കുറയാത്ത പൊതു കുളങ്ങളിൽ മത്സ്യ കുഞ്ഞുങ്ങളെ നിക്ഷേപിക്കുന്നതിന്റെ നഗരസഭ തല ഉദ്ഘാടനം തൈക്കാട്ട് കുളത്തിൽ മത്സ്യ കുഞ്ഞുങ്ങളെ നിക്ഷേപിച്ച് വളാഞ്ചേരി നഗരസഭാ ചെയർമാൻ അഷ്റഫ് അമ്പലത്തിങ്ങൽ നിർവഹിക്കുന്നു. എം പി ഹാരിസ് മാസ്റ്റർ, കെ മുജീബ് റഹ്മാൻ, എം ഷംസുദ്ദീൻ, കെ പി സെയ്താലിക്കുട്ടി, സുര തുടങ്ങിയവർ പങ്കെടുത്തു.

The post പൊതുകുളങ്ങളിൽ മത്സ്യക്കുഞ്ഞുങ്ങളെ നിക്ഷേപിച്ചു വളാഞ്ചേരി നഗരസഭ appeared first on Valanchery Online.

എടയൂർ ഗ്രാമ പഞ്ചായത്തിലെ അഞ്ചോളം പൊതുകുളങ്ങളിൽ മത്സ്യക്കുഞ്ഞുങ്ങളെ നിക്ഷേപിച്ചു

വളാഞ്ചേരിക്കാരൻ — Thu, 16 Sep 2021 16:10:34 +0000

എടയൂർ: സംസ്ഥാന സർക്കാരിന്റെ 100 ദിന കർമ്മ പരിപാടിയുടെ ഭാഗമായി പൊതു ജലാശയങ്ങളിലെ മത്സ്യ സമ്പത്ത് ഉല്പാദനം വർദ്ധിപ്പിക്കുക എന്ന ലക്ഷ്യത്തോടെ എടയൂർ ഗ്രാമ പഞ്ചായത്തിലെ അഞ്ചോളം പൊതുകുളങ്ങളിൽ മത്സ്യക്കുഞ്ഞുങ്ങളെ നിക്ഷേപിച്ചു. എടയൂർ ഒടുങ്ങാട്ടുകുളത്തിൽ മത്സ്യക്കുഞ്ഞുങ്ങളെ നിക്ഷേപിച്ച് ഗ്രാമ പഞ്ചായത്ത് പ്രസിഡണ്ട് എം.പി ഹസീന ഇബ്രാഹിം ഉദ്ഘാടനം നിർവഹിച്ചു. വൈസ് പ്രസിഡണ്ട് കെ.പി. വേലായുധൻ, ജില്ലാ പഞ്ചായത്തംഗം എ.പി സബാഹ് , ബ്ലോക്ക് മെമ്പർമാരായ ആയിഷ ചിറ്റകത്ത്, ബുഷ്റ നാസർ , ഫർസാന നിസാർ പഞ്ചായത്തംഗങ്ങളായ കെ.കെ രാജീവ് മാസ്റ്റർ, കെ.എ തസ്നി, ദലീല റൗഫ്, ഫിഷറീസ് പ്രെമോട്ടർ യൂ.കെ ബിജു എന്നിവർ സംബന്ധിച്ചു.

The post എടയൂർ ഗ്രാമ പഞ്ചായത്തിലെ അഞ്ചോളം പൊതുകുളങ്ങളിൽ മത്സ്യക്കുഞ്ഞുങ്ങളെ നിക്ഷേപിച്ചു appeared first on Valanchery Online.

തിരുനാവായ ബന്ദർകടവിൽ നാല് ലക്ഷം കുഞ്ഞുങ്ങളെ നിക്ഷേപിച്ചു

വളാഞ്ചേരിക്കാരൻ — Tue, 15 Jun 2021 16:47:05 +0000

തിരുനാവായ: പൊതു ജലാശയങ്ങളിൽ മത്സ്യ കുഞ്ഞുങ്ങളെ നിക്ഷേപിക്കുന്ന പദ്ധതിയുടെ ഭാഗമായി തിരുനാവായ ബന്ദർകടവിൽ നാല് ലക്ഷം കുഞ്ഞുങ്ങളെ നിക്ഷേപിച്ചു. കുറുക്കോളി മൊയ്തീൻ എം.എൽ.എ ഉദ്ഘാടനം ചെയ്തു ചെയ്തു. പഞ്ചായത്ത് പ്രസിഡണ്ട് കൊട്ടാരം സുഹറാബി അധ്യക്ഷത വഹിച്ചു.വൈസ് പ്രസിഡൻ്റ് കുന്നത്ത് മുസ്തഫ, മെമ്പർമാരായ സീനത്ത് ജമാൽ, കെ.പി. ലത്തീഫ്, ഫിഷറീസ് ഡെപ്യൂട്ടി ഡയറക്ടർ എം. ചിത്ര, ഫിഷറീസ് എക്സ്റ്റൻഷൻ ഓഫീസർ ശ്രീജേഷ്, എക്കോ പ്രൊമോട്ടർ ജലീൽ, പഞ്ചായത്ത് യൂത്ത് കോഡിനേറ്റർ നാസർ കൊട്ടാരത്തിൽ എന്നിവർ പങ്കെടുത്തു. തുടർന്ന് വിവിധതരത്തിലുള്ള നാല് ലക്ഷം മത്സ്യക്കുഞ്ഞുങ്ങളെ ഭാരതപ്പുഴയിലേക്ക് തുറന്നുവിട്ടു

The post തിരുനാവായ ബന്ദർകടവിൽ നാല് ലക്ഷം കുഞ്ഞുങ്ങളെ നിക്ഷേപിച്ചു appeared first on Valanchery Online.

നല്ല മത്സ്യം ഇനി ഓൻലൈനായി വീട്ടിലെത്തും; യുവാക്കളുടെ സംരഭത്തിന് വളാഞ്ചേരിയിൽ തുടക്കം കുറിച്ചു

വളാഞ്ചേരിക്കാരൻ — Tue, 17 Nov 2020 09:54:39 +0000

വളാഞ്ചേരി: നല്ല മത്സ്യം ഹാർബറിൽ നിന്ന് നേരിട്ട് വീട്ടിലെത്തുന്നതിനെ കുറിച്ച് നിങ്ങൾ ചിന്തിച്ചിട്ടുണ്ടോ? അങ്ങനെ ലഭിക്കാൻ ഇനി ഹാർബറിൽ ചെന്ന് വാങ്ങിവരേണ്ട കഷ്ടപാടൊന്നുമില്ല. നിങ്ങൾക്ക് ആവശ്യമുള്ള ശുദ്ധമായ മത്സ്യം വൃത്തിയാക്കി നിങ്ങളുടെ വീട്ടിലെത്തിച്ച് നൽകുന്ന സംരഭവുമായി ഒരു കൂട്ടം ചെറുപ്പക്കാർ രംഗത്ത്. നയമീ ഫ്രഷ് എന്ന പേരിട്ട സംരഭത്തിന് വളാഞ്ചേരിയിൽ കഴിഞ്ഞ ദിവസം പ്രൊഫ. കെ.കെ ആബിദ് ഹുസൈൻ തങ്ങൾ എം.എൽ.എ തുടക്കം കുറിച്ചു.

ഓൺലൈനായി ‘നല്ല പെടക്കണ മീൻ’ വീട്ടിലെത്തും.ഈ കോവിഡ് കാലത്ത് വിഷരഹിത മത്സ്യം വീട്ടിലെത്തിച്ച് നൽകുകയും അതിലൂടെ ഒരു കൂട്ടം ചെറുപ്പക്കാർക്ക് തൊഴിലെടുക്കാൻ അവസരം നൽകുക എന്നതുമാണ് ഈ ആശയത്തിന് പിറകിലെ ലക്ഷ്യമെന്ന് കമ്പനി വൃത്തങ്ങൾ വളാഞ്ചേരി ഓൺലൈനിനോട് പറഞ്ഞു. ഗൂഗിൾ പ്ലേസ്റ്റോറിൽ നയമീ ഫ്രഷ് എന്ന ആപ്ലിക്കേഷൻ ഡൌൺലോഡ് ചെയ്ത് ഇഷ്ടപ്പെട്ട മത്സ്യം ഉപഭോക്താവിന് ഓർഡർ ചെയ്യാനാകും. നയമീ ഫ്രഷ് ആപ് ഡൌൺലോഡ് ചെയ്യാൻ Click Here. വളാഞ്ചേരി പട്ടണത്തിന്റെ 10 കിലോമീറ്റർ ചുറ്റളവിൽ സൌജന്യമായി ഓർഡറുകൾ എത്തിച്ചുനൽകുമെന്ന ഓഫറും കമ്പനി മുന്നോട്ട് വയ്ക്കുന്നു. ലോഞ്ചിങ്ങ് ചടങ്ങിൽ സിറാജ്, അനീസ് മിലാൻ, ഫയാസ്, ഇല്ല്യാസ് ജൂബിലി, നൌഫൽ തുടങ്ങിയവർ പങ്കെടുത്തു.

The post നല്ല മത്സ്യം ഇനി ഓൻലൈനായി വീട്ടിലെത്തും; യുവാക്കളുടെ സംരഭത്തിന് വളാഞ്ചേരിയിൽ തുടക്കം കുറിച്ചു appeared first on Valanchery Online.

കൊവിഡിലും തളരാതെ അലങ്കാര മത്സ്യ വിപണി

വളാഞ്ചേരിക്കാരൻ — Wed, 26 Aug 2020 15:23:19 +0000

കുറ്റിപ്പുറം : കൊവിഡ് ആളുകളെ വീടുകളിലാക്കിയതോടെ അലങ്കാരമത്സ്യ വിപണിക്ക് നല്ലകാലമാണ്. ചെറിയ അക്വേറിയങ്ങൾക്കാണ് കൂടുതൽ ഡിമാൻഡ്. കാണാൻ ഭംഗിയേറിയ അലങ്കാര മത്സ്യങ്ങളുടെ നീണ്ട നിര തന്നെ കച്ചവടക്കാർ വിപണിയിലെത്തിക്കുന്നുണ്ട്. പലനിറങ്ങളിലുള്ള ഗപ്പികൾക്കാണ് പ്രിയം കൂടുതൽ. ഒപ്പം ഫൈറ്റർ ബ്ലാക്ക്‌മോളി, ബ്ലാക്ക്‌മോർ, ഗോൾഡ് ഫിഷ് തുടങ്ങിയവയ്ക്കും ആവശ്യക്കാരേറെയുണ്ട്. കൊവിഡ് കാരണം ജോലി നഷ്ടപ്പെട്ടവർക്ക് ഈ മേഖല വലിയ ആശ്വാസമാണ് പകരുന്നത്. വിദേശത്തും സ്വദേശത്തും തൊഴിൽ നഷ്ടമായ പലരും പാതയോരങ്ങളിൽ അലങ്കാരമത്സ്യ വിപണനത്തിനെത്തുന്നുണ്ട്.
യഥാക്രമം ഒമാനിൽ നിന്നും മസ്‌കറ്റിൽ നിന്നും ജോലി നഷ്ടപ്പെട്ട് നാട്ടിലെത്തിയ റഹ്മത്തുള്ളയും മൻസൂറും ഇത്തരത്തിൽ അലങ്കാരമത്സ്യവിപണിയിലെത്തിച്ചേർന്നവരാണ് . തൃത്താല വെള്ളിയാങ്കല്ല് പാലത്തിന് സമീപമാണ് ഇവരുടെ വിൽപ്പന. വലിയ മുതൽമുടക്കില്ലാതെ തന്നെ ആരംഭിക്കാൻ കഴിഞ്ഞു. വഴിയാത്രക്കാരാണ് പ്രധാന ആവശ്യക്കാർ. സാമാന്യം നല്ല വരുമാനമുണ്ട്. തൃശൂരിൽ നിന്നാണ് അലങ്കാരമത്സ്യം എത്തിക്കുന്നത്. താത്കാലികാശ്വാസമെന്ന നിലയിൽ അലങ്കാര മത്സ്യ മേഖല വലിയ താങ്ങായെന്ന് ഇരുവരും പറയുന്നു.

The post കൊവിഡിലും തളരാതെ അലങ്കാര മത്സ്യ വിപണി appeared first on Valanchery Online.

വളർത്തു മീനുകളെ മോഷ്ടിച്ച കേസിൽ മൂന്ന് പേർ തവനൂരിൽ പിടിയിൽ

വളാഞ്ചേരിക്കാരൻ — Fri, 01 May 2020 16:48:41 +0000

തവനൂർ: തവനൂർ: തോട്ടത്തിലെ കുളത്തിൽ വളർത്തിയിരുന്ന മീനുകൾ മോഷണം പോയ പരാതിയിൽ മൂന്ന് പേരെ കുറ്റിപ്പുറം പോലീസ് പിടികൂടി. തവനൂർ നേടറ്റ് എന്ന സ്ഥലത്തുള്ള അബുബക്കർ എന്നയാളുടെ ഉടമസ്ഥതയിലുള്ള തോട്ടത്തിനുള്ളിലെ കുളത്തിൽ വളർത്തിയിരുന്ന മീനുകളാണ് മോഷണം പോയത്.

ഏതാണ്ട് പതിനായിരം രൂപ വില വരുന്ന മീനുകൾ അതിക്രമിച്ച് കടന്ന് വലയിട്ടു പിടിച്ചു കൊണ്ട് പോയി എന്നുള്ള പരാതിയിൽ കുറ്റിപ്പുറം സി.ഐ നാസർ സി.കെയുടെ നേതൃത്വത്തിൽ സബ് ഇൻസ്പെക്ടർ രഞ്ചിത്ത് കെ.ആറും, പോലീസ് ഉദ്യോഗസ്ഥരും നടത്തിയ അന്വേഷണത്തിലാണ് മൂന്ന് പേരെ അറസ്റ്റ് ചെയ്തത്. മത്സ്യവും വലയും പോലീസ് കസ്റ്റഡിയിൽ എടുത്തു.
Summary: Three arrested by Kuttippuram police for thieving fishes worth INR 10K/- from a farm in Tavanur

The post വളർത്തു മീനുകളെ മോഷ്ടിച്ച കേസിൽ മൂന്ന് പേർ തവനൂരിൽ പിടിയിൽ appeared first on Valanchery Online.

എടയൂരിൽ 3000 കിലോ പഴകിയ മീൻ പിടികൂടി നശിപ്പിച്ചു

വളാഞ്ചേരിക്കാരൻ — Sun, 05 Apr 2020 15:48:00 +0000

എടയൂർ: എടയൂരിൽ വച്ച് മൂവായിരം കിലോയോളം വരുന്ന പഴകിയ മീൻ പിടികൂടി നശിപ്പിച്ചു. ഇന്ന് വൈകീട്ട് എടയൂർ തിണ്ടലത്ത് നിന്നുമാണ് മീൻ പിടികൂടിയത്. വളാഞ്ചേരി മേഖലയിൽ ഈ മത്സ്യം വിതരണം ചെയ്തതായാണ് വിവരം. വർഷങ്ങളായി ഇവിടെ മൊത്തവിപണനകേന്ദ്രം നടത്തുന്ന പേരശനൂർ സ്വദേശി മോനു എന്നറിയപ്പെടുന്ന ഷാബിറിന്റെ ഉടമസ്ഥതയിലെ കേന്ദ്രത്തിലാണ് പരിശോധന നടന്നത്.

ഭക്ഷ്യയോഗ്യമല്ലാത്ത മത്സ്യത്തിന് 20 ദിവസത്തിലധികം പഴക്കമുണ്ട്. ചൂര വിഭാഗത്തിൽപെട്ട 95 പെട്ടി മത്സ്യമാണ് ഉണ്ടായിരുന്നത് യാതൊരു രേഖയുമില്ലാതെ ചെന്നൈയിൽ നിന്നെത്തിച്ച മത്സ്യമാണ് പിടികൂടിയത്. തിണ്ടലത്ത് വച്ച് ചെറുകിട വ്യാപാരികൾക്ക് വില്പന നടത്തുകയായിരുന്നു ഉദ്ദേശമെന്ന് പോലീസ് പറഞ്ഞു. യാത്രൊരു അനുമതിയുമില്ലാതെയാണ് ഇവിടെ വില്പന നടത്തിയിരുന്നത്. തിണ്ടലത്ത് മത്സ്യ വിപണത്തിന് എടയൂർ പഞ്ചായത്തിന്റെ അനുമതിയുമില്ലെന്ന് ബന്ധപ്പെട്ടവർ അറിയിച്ചു.

രഹസ്യ വിവരത്തിന്റെ അടിസ്ഥാനത്തിലാണ് പരിശോധന നടത്തിയത്. വളാഞ്ചേരി സബ് ഇൻസ്പെക്ടർ മുരളീകൃഷ്ണൻ, സി.പി.ഒ മാരായ അനീഷ്, അബ്ദു റഹ്മാൻ, ഹോം ഗാർഡ് ഷാജി, സ്പെഷ്യൻ ബ്രാഞ്ച് ഉദ്യോഗസ്ഥനായ നസീർ തിരൂർക്കാട്, ആരോഗ്യ വകുപ്പിൽ നിന്ന് വളാഞ്ചേരി ഹെൽത്ത് ഇൻസ്പെക്ടർ ഷബീർ പാഷ, എടയൂരിലെ ഹെൽത്ത് ഇൻസ്പെക്ടർ എം.കെ ഷാജു എന്നിവർ സംയുക്തമായാണ് റെയ്ഡിന് നേതൃത്വം നൽകിയത്. എടയൂർ പഞ്ചായത്ത് പ്രസിഡന്റ് രാജീവ് മാസ്റ്റർ, വാർഡ് മെമ്പർ മോഹനകൃഷ്ണൻ തുടങ്ങിയവർ സന്നിഹിതരായിരുന്നു. എടയൂർ പഞ്ചായത്ത് അധികൃതരുടെ നിർദേശപ്രകാരം മാവണ്ടിയൂർ പ്രദേശത്ത് പിടികൂടിയ മീൻ കുഴിയെടുത്ത് മൂടി.

The post എടയൂരിൽ 3000 കിലോ പഴകിയ മീൻ പിടികൂടി നശിപ്പിച്ചു appeared first on Valanchery Online.

വൈക്കത്തൂരിൽ മത്സ്യം കയറ്റിയ സ്കൂട്ടർ മറിഞ്ഞു

വളാഞ്ചേരിക്കാരൻ — Sat, 28 Sep 2019 02:31:35 +0000

വളാഞ്ചേരി: വൈക്കത്തൂരിൽ മത്സ്യം കയറ്റിയ സ്കൂട്ടർ മറിഞ്ഞു. വില്പനക്കാരൻ പരിക്കേൽക്കാതെ രക്ഷപ്പെട്ടു. ഇന്ന് രാവിലെ ഏഴേമുക്കാലോടെയാണ് സംഭവം. വൈക്കത്തൂരിൽ ഹൈസ്കൂൾ റോഡിൽ കുഴി വെട്ടിക്കുന്നതിനിടെയാണ് മീനുകൾ കയറ്റിയ ബജാജ് എം.80 മറിഞ്ഞത്. സ്കൂട്ടർ മറിഞ്ഞതോടെ അരമണിക്കൂറോളം ഹൈസ്‌കൂൾ റോഡിൽ ഗതാഗത തടസം അനുഭവപ്പെട്ടു. വില്പനക്കാരനും നാട്ടുകാരും ചേർന്ന് റോഡിൽ പരന്ന് വീണ മീൻ പെറുക്കി പെട്ടിയിൽ തിരിച്ചിട്ടതോടെയാണ് ഈ റോഡിൽ ഗതാഗതം പുനരാരംഭിച്ചത്.

The post വൈക്കത്തൂരിൽ മത്സ്യം കയറ്റിയ സ്കൂട്ടർ മറിഞ്ഞു appeared first on Valanchery Online.

വളാഞ്ചേരി ഓൺലൈൻ ന്യൂസ് ഇം‌പാക്ട്; അനധികൃത മത്സ്യക്കച്ചവടം നിർത്താൻ നഗരസഭയുടെ ഉത്തരവ്

വളാഞ്ചേരിക്കാരൻ — Sat, 31 Aug 2019 09:25:06 +0000

വളാഞ്ചേരി: വൈക്കത്തൂരിൽ ജനവാസകേന്ദ്രത്തിൽ പ്രവർത്തിക്കുന്ന മത്സ്യക്കച്ചവടം നിർത്താൻ നഗരസഭ ഉത്തരവ് നൽകി. നഗരസഭയുടെ അനുമതിയില്ലാതെ വ്യക്തിയുടെ സ്ഥലത്ത് പ്രവർത്തനമാരംഭിച്ച മത്സ്യക്കച്ചവടം നിർത്തണമെന്നാവശ്യപ്പെട്ട് വൈക്കത്തൂർ റെസിഡന്റ്‌സ് അസോസിയേഷൻ നഗരസഭാ സെക്രട്ടറിക്ക് പരാതി നൽകിയിരുന്നു.

ഇതേത്തുടർന്ന് നഗരസഭയുടെ ആരോഗ്യ വകുപ്പുദ്യോഗസ്ഥൻ സ്ഥലം സന്ദർശിച്ച് റിപ്പോർട്ട് നൽകിയതിന്റെ അടിസ്ഥാനത്തിലായിരുന്നു നടപടി. മത്സ്യക്കച്ചവടം തുടങ്ങിയതോടെ വൈക്കത്തൂർ മേഖലയിലനുഭവപ്പെട്ട ദുരിതം ’വളാഞ്ചേരി ഓൺലൈനിൽ’ റിപ്പോർട്ട് ചെയ്തിരുന്നു.

നിർമാണജോലികൾ നടക്കുന്നതിനാലാണ് മത്സ്യത്തിന്റെ മൊത്തക്കച്ചവടം മാർക്കറ്റിൽ നിരോധിച്ചത്. നിർമാണജോലികൾ അന്തിമഘട്ടത്തിലെത്തിലാണെന്നും രണ്ടുദിവസത്തിനകം മാർക്കറ്റ് തുറക്കുമെന്നും നഗരസഭ സെക്രട്ടറി (ഇൻചാർജ്) സുനിൽകുമാർ പറഞ്ഞു.

The post വളാഞ്ചേരി ഓൺലൈൻ ന്യൂസ് ഇം‌പാക്ട്; അനധികൃത മത്സ്യക്കച്ചവടം നിർത്താൻ നഗരസഭയുടെ ഉത്തരവ് appeared first on Valanchery Online.