HomeNewsHealthമലപ്പുറത്ത് ഏഴ് വയസുകാരന് വെസ്റ്റ്നൈൽ വൈറസ് ബാധ

മലപ്പുറത്ത് ഏഴ് വയസുകാരന് വെസ്റ്റ്നൈൽ വൈറസ് ബാധ

west-nile-fever

മലപ്പുറത്ത് ഏഴ് വയസുകാരന് വെസ്റ്റ്നൈൽ വൈറസ് ബാധ

മലപ്പുറം: മലപ്പുറത്ത് ഏഴുവയസുകാരന് വെസ്റ്റ് നൈൽ വൈറസ് ബാധ സ്ഥിരീകരിച്ചു. എ.ആർ. നഗർ സ്വദേശിയായ ഏഴുവയസുകാരനെ കോഴിക്കോട് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചിരിക്കുകയാണ്. നാഡീസംവിധാനത്തെ തളർത്തുന്ന ഈ വൈറസിന് പ്രതിരോധ വാക്‌സിന്‍ ഇതുവരെ കണ്ടെത്തിയിട്ടില്ല. പനി, ശക്തമായ തലവേദന, ബോധക്ഷയം, അപസ്മാരം, ഛർദ്ദി എന്നിവയാണ് ലക്ഷണങ്ങൾ. മനുഷ്യരിൽ നിന്ന് മനുഷ്യരിലേക്ക് രോഗം പകർന്നതായി ഇതുവരെ റിപ്പോർട്ടില്ല.
west-nile-fever
കഴിഞ്ഞ വെള്ളിയാഴ്ചയാണ് രോഗം സ്ഥിരീകരിച്ചതെന്ന് ഡി.എം.ഒ ഡോ. കെ. സക്കീന പറഞ്ഞു. ക്യൂലക്സ് വിഭാഗത്തിൽപ്പെടുന്ന കൊതുകാണ് വൈറസിന്റെ വാഹകർ. 1937ൽ ഉഗാണ്ടയിലെ വെസ്റ്റ് നൈൽ ജില്ലയിലാണ് ഈ രോഗം ആദ്യമായി കണ്ടെത്തുന്നത്. ഇന്ത്യയിൽ 1952ൽ മുംബയിലാണ് ഈ വൈറസ് ബാധ കണ്ടെത്തുന്നത്. 2011ൽ ആലപ്പുഴ ജില്ലയിൽ വെസ്റ്റ് നെയിൽ വൈറസ് മൂലമുള്ള മസ്തിഷ്‌കവീക്കം കണ്ടെത്തിയിരുന്നു.

No Comments

Leave A Comment