കാട്ടിപ്പരുത്തി സ്മാർട്ട് വില്ലേജ് ഓഫീസ് നിർമാണം ഉടൻ വേണം- സി.പി.ഐ

വളാഞ്ചേരി : കാട്ടിപ്പരുത്തി സ്മാർട്ട് വില്ലേജ് ഓഫീസ് നിർമാണം ഉടൻ ആരംഭിക്കണമെന്ന് സി.പി.ഐ. വളാഞ്ചേരി ലോക്കൽ സമ്മേളനം. സി.പി.ഐ. ജില്ലാ എക്‌സിക്യുട്ടീവ് അംഗം എം.എ. അജയകുമാർ ഉദ്ഘാടനം ചെയ്തു. തയ്യിൽ ഷുക്കൂർ അധ്യക്ഷത വഹിച്ചു.

ഷംസു പാറക്കൽ, സി.കെ. സലാം എന്നിവർ പ്രമേയങ്ങളും വി.പി.എ. സലാം പ്രവർത്തന റിപ്പോർട്ടും അവതരിപ്പിച്ചു. അജിത് കൊളാടി, അഷറഫലി കാളിയത്ത്, ഗിരിജ വത്സരാജ്, വി. അരവിന്ദാക്ഷൻ, പി. മുഹമ്മദ്കുട്ടി, കെ.എം. അസീസ് എന്നിവർ പ്രസംഗിച്ചു. ലോക്കൽ സെക്രട്ടറിയായി തയ്യിൽ ഷുക്കൂറിനെയും അസിസ്റ്റന്റ് സെക്രട്ടറിയായി കെ.എം. അസാസിനെയും തിരഞ്ഞെടുത്തു.