അൽ ഐനിൽ മരിച്ച സ്വാലിഹിന്റെ മൃതദേഹം ഇന്ന് നാട്ടിൽ ഖബറടക്കും

വളാഞ്ചേരി വൈക്കത്തൂരിലെ പരേതനായ ഉസ്മാൻ ഭായിയുടെ മകൻ ചെരുപറമ്പിൽ സ്വാലിഹ് യു.എ.ഇ.യിലെ അൽ ഐനിൽ വാഹനാപകടത്തിൽ മരണപ്പെട്ടു. 26 വയസ്സായിരുന്നു. 42 ദിവസം മുമ്പാണ് പ്രമുഖ ജീവകാരുണ്യ പ്രവർത്തകൻ കൂടിയായ പിതാവ് ഉസ്മാൻ ഭായി മരണപ്പെട്ടത്.

ഇന്ന് ( 12.10.19 – ശനി) രാവിലെ 8.35 മണിക്ക് ഇത്തിഹാദ് എയർവെയ്സ് വിമാനത്തിൽ (EY 254) മൃതദേഹം കരിപ്പൂരിലെത്തും. വീട്ടിൽ കൊണ്ടുവന്ന് അൽപ്പനേരത്തെ പൊതുദർശനത്തിന് ശേഷം രാവിലെ
10.30 മണിക്ക് (ഏകദേശം) കോട്ടപ്പുറം ജുമാ മസ്ജിദ് ഖബർ സ്ഥാനിൽ ഖബറടക്കും. അളിയൻ മുഹമ്മദ് മുസ്തഫ മൃതദേഹത്തെ അനുഗമിച്ച് എത്തും. മാതാവ് സുഹറ. സഹോദരങ്ങൾ:സാബി,സാലിം,സാബിർ,സാദിഖ്,സാജിത്,ലൗസി. സ്വാലിഹിന്റെ നിക്കാഹ് കഴിഞ്ഞതാണ്.