loksabha Archives - Valanchery Online

എം.പി. അബ്ദുസ്സമദ് സമദാനി ലോക്‌സഭാംഗമായി ഇന്ന് സത്യപ്രതിജ്ഞ ചെയ്യും

വളാഞ്ചേരിക്കാരൻ — Mon, 19 Jul 2021 00:53:20 +0000

മലപ്പുറം: ലോക്‌സഭാംഗമായി എം.പി. അബ്ദുസ്സമദ് സമദാനി തിങ്കളാഴ്ച രാവിലെ പതിനൊന്നിന് സത്യപ്രതിജ്ഞ ചെയ്യും. സഭാനടപടികളുടെ തുടക്കത്തിലാണ് പ്രതിജ്ഞ നടക്കുക.

The post എം.പി. അബ്ദുസ്സമദ് സമദാനി ലോക്‌സഭാംഗമായി ഇന്ന് സത്യപ്രതിജ്ഞ ചെയ്യും appeared first on Valanchery Online.

വിവരാവകാശനിയമത്തെ കഴുത്തുഞെരിച്ചു കൊല്ലുന്ന കേന്ദ്രസർക്കാരിനു ചരിത്രം മാപ്പുനൽകില്ല-എൻ.കെ. പ്രേമചന്ദ്രൻ; വീഡിയോ

വളാഞ്ചേരിക്കാരൻ — Sat, 27 Jul 2019 08:09:29 +0000

വിവരാവകാശനിയമത്തെ കഴുത്തുഞെരിച്ചു കൊല്ലുന്ന കേന്ദ്രസർക്കാരിനു ചരിത്രം മാപ്പുനൽകില്ലെന്ന് ആർ.എസ്.പി. അംഗം എൻ.കെ. പ്രേമചന്ദ്രൻ പറഞ്ഞു. വിവരാവകാശ കമ്മിഷണർമാരുടെ കാലാവധിയും സേവനവേതനവ്യവസ്ഥകളും കേന്ദ്രസർക്കാരിന്റെ അധികാരപരിധിയിൽ കൊണ്ടുവരുന്നത് കമ്മിഷന്റെ സ്വാതന്ത്ര്യവും സ്വയംഭരണാവകാശവും തകർക്കും -അദ്ദേഹം പറഞ്ഞു.

The post വിവരാവകാശനിയമത്തെ കഴുത്തുഞെരിച്ചു കൊല്ലുന്ന കേന്ദ്രസർക്കാരിനു ചരിത്രം മാപ്പുനൽകില്ല-എൻ.കെ. പ്രേമചന്ദ്രൻ; വീഡിയോ appeared first on Valanchery Online.

കുറ്റാന്വേഷണ ഏജന്‍സികളെ ഗവണ്‍മെന്റ് രാഷ്ട്രീയ ആയുധമാക്കുകയാണ്-ഇ.ടി

വളാഞ്ചേരിക്കാരൻ — Wed, 17 Jul 2019 08:43:07 +0000

സി.ബി.ഐ, എന്‍.ഐ.എ തുടങ്ങിയ കുറ്റാന്വേഷണ ഏജന്‍സികളെ ഗവണ്‍മെന്റ് രാഷ്ട്രീയ ആയുധമാക്കുകയാണെന്നും അതിന്റെ ഫലമായി ഈ ഏജന്‍സികളുടെ വിശ്വാസ്തത തന്നെ ഇടിഞ്ഞ് കൊണ്ടിരിക്കുകയാണെന്നും ഇ.ടി മുഹമ്മദ് ബഷീര്‍ ഇന്ന് പാര്‍ലമെന്റില്‍ പറഞ്ഞു. സി.ബി.ഐ യെ കൂട്ടിലിട്ട തത്ത എന്നാണ് വിശേഷിപ്പിച്ചത് എങ്കില്‍ എന്‍.ഐ.എ അതിലപ്പുറമാണ്. രാഷ്ട്ര സുരക്ഷ, പരമാധികാരം, ഏകത എന്നിവക്കെതിരായ ആക്രമം തടയല്‍ എന്ന പ്രില്‍ കൊണ്ട് വന്ന നിയമങ്ങള്‍ തങ്ങള്‍ക്ക് ഇഷ്ടമില്ലാത്തവരെ ദ്രോഹിക്കാനുള്ള ആയുധങ്ങളാണ്.

മലേഗാവ് സ്‌ഫോടനത്തില്‍ പ്രതികളെ രക്ഷപ്പെടുത്താന്‍ പറ്റുന്ന സഹായങ്ങളുടുക്കാന്‍ എന്‍.ഐ.എ പബ്ലിക് പ്രോസിക്യൂട്ടേറോട് ആവശ്യപ്പെട്ടതായി അവര്‍ തന്നെ പരസ്യമായി വ്യക്തമാക്കുകയുണ്ടായി. രാഷ്ട്രത്തിന് തന്നെ അത് അപമാനമാണ്. കരിനിയമങ്ങളുടെ ഫലമായി ജയിലില്‍ കഴിയുന്ന ബഹുഭൂരിപക്ഷം ആളുകളും ദളിത്-പിന്നോക്ക വിഭാഗക്കാരാണ്. 5-10 വര്‍ഷം ജയിലില്‍ കിടന്ന് നിരപരാധികളാണെന്ന് കണ്ടെത്തി അവരെ വിട്ടയക്കുമ്പോള്‍ തകരാന്‍ ഇനിയൊന്നും ബാക്കിയില്ലാത്ത വിധം അവര്‍ നശിച്ച് പോകുന്നു. നീതിന്യായ വ്യവസ്ഥയില്‍ ജനങ്ങളുടെ വിശ്വാസം തകര്‍ക്കുന്ന ഇത്തരം നടപടികളില്‍ നിന്ന് ഗവണ്‍മെന്റ് പിന്മാറണമെന്നും ഇ.ടി. ബഷീര്‍ സഭയില്‍ ആവശ്യപ്പെട്ടു.

The post കുറ്റാന്വേഷണ ഏജന്‍സികളെ ഗവണ്‍മെന്റ് രാഷ്ട്രീയ ആയുധമാക്കുകയാണ്-ഇ.ടി appeared first on Valanchery Online.

തെരഞ്ഞെടുപ്പ് വിജയം; വളാഞ്ചേരിയിൽ ബി.ജെ.പി ആഹ്ലാദം പ്രകടനം നടത്തി

വളാഞ്ചേരിക്കാരൻ — Fri, 24 May 2019 01:57:53 +0000

വളാഞ്ചേരി: കേന്ദ്രത്തിൽ നരേന്ദ്രമോദിയുടെ വിജയത്തിൽ ബി.ജെ.പി. പ്രവർത്തകർ വളാഞ്ചേരി നഗരത്തിൽ ആഹ്ലാദപ്രകടനം നടത്തി. സുരേഷ് പാറത്തൊടി, പി.പി. ഗണേശൻ, ഉണ്ണി വൈക്കത്തൂർ തുടങ്ങിയവർ നേതൃത്വംനൽകി.

ബി.ജെ.പി.യുടെ വിജയത്തിൽ എടയൂർ പഞ്ചായത്ത് ബി.ജെ.പി. കമ്മിറ്റി ബൈക്ക് റാലി നടത്തി. കെ.വി. മണികണ്ഠൻ, കെ.പി. ചന്ദ്രൻ, പരമേശ്വരൻ ചീനിച്ചോട്, ഹരിനന്ദനം ഗോപാലകൃഷ്ണൻ, കെ.കെ. ഗോപിനാഥ് എന്നിവർ നേതൃത്വംനൽകി.

The post തെരഞ്ഞെടുപ്പ് വിജയം; വളാഞ്ചേരിയിൽ ബി.ജെ.പി ആഹ്ലാദം പ്രകടനം നടത്തി appeared first on Valanchery Online.

യുഡിഎഫിനെ തുണച്ച് കേരളം; നാല് കാരണങ്ങൾ

വളാഞ്ചേരിക്കാരൻ — Thu, 23 May 2019 19:36:39 +0000

കേരളം ഇപ്പോള്‍ ഒന്നടങ്കം യുഡിഎഫിനെ തുണയ്ക്കുമ്പോള്‍ അതിന്റെ മുഖ്യ കാരണങ്ങള്‍ നാലാണ്. ശബരിമല പ്രശ്നത്തില്‍ സിപിഎമ്മിന്റെ വോട്ട് ബാങ്കിലുണ്ടുായ വിള്ളല്‍, മോദി സര്‍ക്കാരിനെതിരെ കോണ്‍ഗ്രസ്സിനനുകൂലമായി ന്യൂനപക്ഷ വോട്ടുകളുടെ ഏകീകരണം, പ്രളയം, രാഹുലിന്റെ വയനാട്ടിലെ സ്ഥാനാര്‍ത്ഥിത്വം എന്നീ ഘടകങ്ങളാണ് ഇടതുപക്ഷത്തിന്റെ ഈ വന്‍വീഴ്ചയ്ക്ക് പിന്നില്‍.

പാലക്കാട് എം ബി രാജേഷിനെതിരെ കോണ്‍ഗ്രസ്സിന്റെ വി കെ ശ്രികണ്ഠന്‍ നടത്തിയ വന്‍മുന്നേറ്റമാണ് ഈ തിരഞ്ഞെടുപ്പിലെ ഏറ്റവും വലിയ അട്ടിമറി. വടകരയില്‍ പി ജയരാജന്‍ പിന്നിലായതുപോലും പാലക്കാട്ടെ അട്ടിമറിക്ക് മുന്നില്‍ ഒന്നുമല്ല. ഏതുറക്കത്തിലും സഖാവ് കോടിയേരിയോട് ചോദിച്ചാല്‍ അദ്ദേഹം ഉറപ്പിച്ചു പറയുമായിരുന്ന സീറ്റായിരുന്നു പാലക്കാട്. അവിടെ ശ്രികണ്ഠന്‍ രാജേഷിന് ഒത്തൊരു എതിരാളിയല്ലെന്ന് കോണ്‍ഗ്രസ്സുകാര്‍ പോലും കരുതിയിരുന്നു. പാലക്കാട്ട് രാജേഷ് വീണതോടെ യുഡിഎഫ് തരംഗം പകല്‍ പോലെ വ്യക്തമാവുകയായിരുന്നു.

വളരെ നേരത്തെ തന്നെ സ്ഥാനാര്‍ത്ഥി പട്ടിക പ്രഖ്യാപിച്ച് കളത്തിലിറങ്ങിയ ഇടതുപക്ഷത്തിന് തുടക്കത്തില്‍ പ്രതീക്ഷകളേറെയായിരുന്നു. പൊതുവെ മികച്ച സ്ഥാനാര്‍ത്ഥികളെയാണ് ഇടതുപക്ഷം രംഗത്തിറക്കിയത്. എന്തു വിലകൊടുത്തും യു ഡിഎഫിനെ നേരിടണമെന്ന പിണറായിയുടെ നിലപാടാണ് നാല് സിപിഎം എല്‍ എ മാരുടെ സ്ഥാനാര്‍ത്ഥിത്വത്തില്‍ പ്രതിഫലിച്ചത്. വടകരയില്‍ ജയരാജന് എതിരെ കോണ്‍ഗ്രസ്സിന് സ്ഥാനാര്‍ത്ഥികളില്ല എന്നൊരു നിലവരെ ആദ്യമുണ്ടായി. പക്ഷേ, കോണ്‍ഗ്രസ് ഇടതുപക്ഷത്തെ ഞെട്ടിച്ചു. വടകരയില്‍ മുരളീധരന്‍ വന്നു. ആറ്റിങ്ങലിൽ അടൂര്‍ പ്രകാശ് കളത്തിലിറങ്ങി. എറണാകുളത്ത് കെ വി തോമസിന് പകരം ഹൈബി ഈഡന്‍ , കാസര്‍കോട്ട് രാജ്മോഹന്‍ ഉണ്ണിത്താന്‍ , കണ്ണൂരില്‍ കെ സുധാകരന്‍ – കോണ്‍ഗ്രസ്സിന്റെ സ്ഥാനാര്‍ത്ഥികള്‍ എണ്ണം പറഞ്ഞവരായിരുന്നു.

ഇനിയിപ്പോള്‍ ഇടതുപക്ഷത്തിന് തീര്‍ച്ചയായും കാര്യമായ ആത്മപരിശോധന നടത്തേണ്ടി വരും. ശബരിമല വിഷയം കൈകാര്യം ചെയ്ത രീതിയെക്കുറിച്ച് കാര്യമായ വിമര്‍ശം സിപിഎമ്മില്‍ നിന്നു തന്നെയുണ്ടാവും. സുപ്രീംകോടതി വിധി നടപ്പാക്കേണ്ട ബാദ്ധ്യതയും കടമയുമുള്ളപ്പോള്‍ തന്നെ അതിന് സ്വീകരിച്ച വഴികളെച്ചൊല്ലിയായിരിക്കും പിണറായി വിജയന്‍ വിചാരണ ചെയ്യപ്പെടുക. പ്രളയം കൈകാര്യം ചെയ്ത രീതിയേക്കാള്‍ പ്രളയത്തിന് കാരണമായത് അണക്കെട്ടുകള്‍ യഥാസമയം തുറന്നുവിടാത്തതുകൊണ്ടാണെന്ന ശക്തമായ വികാരം ജനങ്ങള്‍ക്കിടയിലുണ്ടായിരുന്നു. ഡാം മാനേജ്മെന്റിലുണ്ടണായ വീഴ്ചയാണ് പ്രളയത്തിന് കാരണമായതെന്ന അമിക്കസ് ക്യൂറിയുടെ റിപ്പോര്‍ട്ടും ഇടതുപക്ഷ സര്‍ക്കാരിന് വിനയായി.

ഏറെ പാടുപെട്ടിട്ടും കേരളത്തില്‍ അക്കൗണ്ട് തുറക്കാനാവാതെ പോയത് ബിജെപിക്ക് കനത്ത തിരിച്ചടിയാണ്. കുമ്മനം തിരുവനന്തപുരത്ത് നിന്ന് കരകയറുമെന്ന് ബിജെപി ശരിക്കും പ്രതീക്ഷിച്ചിരുന്നു. ശബരിമല പ്രശ്നത്തിലുണ്ടാക്കാനായ ധ്രുവീകരണത്തിനും കേരളത്തില്‍ ബിജെപിയെ രക്ഷിച്ചെടുക്കാനായില്ല എന്നതിന് ശ്രീധരന്‍പിള്ള ബിജെപി നേതൃത്വത്തോട് കണക്കുപറയേണ്ടി വരും.

The post യുഡിഎഫിനെ തുണച്ച് കേരളം; നാല് കാരണങ്ങൾ appeared first on Valanchery Online.

കേരളം വിധി എഴുതി തുടങ്ങി, ഉറച്ച പ്രതീക്ഷയോടെ മുന്നണികള്‍

വളാഞ്ചേരിക്കാരൻ — Tue, 23 Apr 2019 03:18:49 +0000

തിരുവനന്തപുരം: ലോക്‌സഭാ തിരഞ്ഞെടുപ്പിലേക്കുള്ള കേരളത്തിന്റെ ഊഴം ആരംഭിച്ചു. രാവിലെ ഏഴു മണിക്കു തന്നെ 20 മണ്ഡലത്തിലേക്കുള്ള വോട്ടെടുപ്പും ആരംഭിച്ചു. ഏഴു മണി മുതല്‍ വൈകിട്ട് 6 വരെയാണ് പോളിംഗ്. അതിരാവിലെ മുതല്‍ തന്നെ വിവിധ പോളിംഗ് സ്‌റ്റേഷനുകളില്‍ വോട്ടര്‍മാരുടെ നീണ്ട നിരയാണ് കാണാന്‍ കഴിയുന്നത്. 20 മണ്ഡലങ്ങളിലുമായി 227 സ്ഥാനാര്‍ത്ഥികളാണുള്ളത്. ഇവരില്‍ 23 പേര്‍ വനിതകളാണ്. വോട്ടര്‍ തിരിച്ചറിയല്‍ കാര്‍ഡ് ഇല്ലാത്തവര്‍ക്ക് പാസ്‌പോര്‍ട്ട്, ഡ്രൈവിംഗ് ലൈസന്‍സ്, ആധാര്‍, പാന്‍ കാര്‍ഡ് ഉള്‍പ്പെടെ 11 തിരിച്ചറിയല്‍ രേഖകളിലൊന്ന് ഹാജരാക്കി വോട്ടിടാന്‍ അനുമതിയുണ്ട്. വോട്ടെടുപ്പ് ആരംഭിക്കുന്നതിന് മുമ്ബ് മോക് പോള്‍ നടത്തി വോട്ടിംഗ് മെഷീനുകളില്‍ പ്രശ്‌നങ്ങളില്ലെന്ന് ഉദ്യോഗസ്ഥര്‍ ഉറപ്പാക്കി.

എന്നാല്‍ മോക് പോളിനിടെ ചില ബൂത്തുകളില്‍ വോട്ടിംഗ് യന്ത്രങ്ങളില്‍ ചെറിയ തകരാറുകള്‍ കണ്ടെത്തിയിരുന്നു. വോട്ടെടുപ്പിന് ആരംഭിക്കുന്നതിന് മുമ്ബ് തന്നെ മിക്കതും പരിഹരിച്ചു. ചിലയിടങ്ങളില്‍ തകരാറുകള്‍ പരിഹരിച്ച്‌ വരികയാണ്‌
കേരളത്തില്‍ ആകെ 2.61 കോടി വോട്ടര്‍മാരാണുള്ളത്. ഇതില്‍ 2,88,191 പേര്‍ കന്നിവോട്ടര്‍മാരാണ്. മലപ്പുറത്താണ് ഏറ്റവും കൂടുതല്‍ വോട്ടര്‍മാര്‍. ഏറ്റവും കുറവ് വയനാട്ടിലും. സംസ്ഥാനത്ത് ഒറ്റഘട്ടമായി നടക്കുന്ന തിരഞ്ഞെടുപ്പിന് ആകെ 24970 പോളിങ് ബൂത്തുകള്‍ സജ്ജമാക്കിയിട്ടുണ്ട്.

The post കേരളം വിധി എഴുതി തുടങ്ങി, ഉറച്ച പ്രതീക്ഷയോടെ മുന്നണികള്‍ appeared first on Valanchery Online.

കുടുംബ സദസ്സുകളില്‍ ആവേശം പകര്‍ന്ന് പ്രൊഫ. ആബിദ് ഹുസൈന്‍ തങ്ങള്‍ എം.എല്‍.എ

വളാഞ്ചേരിക്കാരൻ — Fri, 19 Apr 2019 15:28:24 +0000

കോട്ടക്കല്‍: പൊന്നാനി പാര്‍ലമെന്റ് മണ്ഡലം യു.ഡി.എഫ് സ്ഥാനാര്‍ത്ഥി ഇ.ടി. മുഹമ്മദ് ബഷീറിന്റെ തെരെഞ്ഞെടുപ്പ് പ്രചരണ പരിപാടികളില്‍ പ്രവര്‍ത്തകര്‍ക്ക് ആവേശം പകര്‍ന്ന് പ്രൊഫ. ആബിദ് ഹുസൈന്‍ തങ്ങള്‍ എം.എല്‍.എ. ബൂത്ത് കണ്‍വന്‍ഷനുകളിലും കന്നിവോട്ടര്‍മാരുടെ സംഗമത്തിലും കുടുംബ സദസ്സുകളിലും നിറസാന്നിധ്യമാണ് എം.എല്‍.എ. വിവിധ സ്ഥലങ്ങളില്‍ ഗൃഹസന്ദര്‍ശനത്തിലും അദ്ദേഹം പങ്കെടുത്തു.

മണ്ഡലത്തില്‍ നടപ്പാക്കിയ വികസന പ്രവര്‍ത്തനങ്ങള്‍ എണ്ണിപ്പറഞ്ഞും കേന്ദ്ര- സംസ്ഥാന സര്‍ഹക്കാറിന്റെ പരാജയം ഹൃസ്വമായി വിശദീകരിച്ചുമാണ് മുസ്ലിം ലീഗ് സംസ്ഥാന സെക്രട്ടറി കൂടിയായ എം.എല്‍.എയുടെ പ്രസംഗം. കുടുംബസദസ്സുകള്‍ സ്‌നേഹോഷ്മളമായാണ് ആബിദ് ഹുസൈന്‍ തങ്ങളെ സ്വീകരിച്ചത്.

പുറമണ്ണൂര്‍, നീലാടപ്പാറ, കൊടുമുടി, ചാപ്പനങ്ങാടി, പറങ്കിമൂച്ചിക്കല്‍, ചന്തപ്പറമ്പ് ,പൂവ്വന്‍ ചിന, മുള്ളന്‍മട, വില്ലൂര്‍, റഹീമിയ്യ നഗര്‍, മനക്കല്‍പ്പടി, പൊറ്റേക്കളംപടി, സലാഹ് നഗര്‍, അധികാരിപ്പടി, റഹ്മത്ത് നഗര്‍, പണിക്കര്‍ കുണ്ട്, ആറ്റുപുറം, കല്ലാര്‍ മംഗലം, മരുതിന്‍ചിറ, കരേക്കാട്, ഒളകരപ്പടി തുടങ്ങിയ വിവിധ പരിപാടികളിലാണ് കഴിഞ്ഞ ദിവസങ്ങളില്‍ പങ്കെടുത്തത്.

The post കുടുംബ സദസ്സുകളില്‍ ആവേശം പകര്‍ന്ന് പ്രൊഫ. ആബിദ് ഹുസൈന്‍ തങ്ങള്‍ എം.എല്‍.എ appeared first on Valanchery Online.

യു.ഡി.എഫ് വയനാട്ടില്‍ ലക്ഷ്യമിടുന്നത് റെക്കോര്‍ഡ് ഭൂരിപക്ഷം

വളാഞ്ചേരിക്കാരൻ — Sun, 07 Apr 2019 14:06:44 +0000

രാഹുൽ ഗാന്ധി സ്ഥാനാർഥിയായതോടെ ആവേശം ഇരട്ടിയായ വയനാട് മണ്ഡലത്തിൽ വൻ ഭൂരിപക്ഷമാണ് യു.ഡി.എഫ് ലക്ഷ്യമിടുന്നത്. കഴിഞ്ഞ തവണ ഏറ്റവും ഭൂരിപക്ഷം നേടിയ ഏറനാട് മണ്ഡലം ഇത്തവണയും പ്രചാരണ പ്രവർത്തനങ്ങൾ കൊണ്ട് സജീവമാണ്. യുവജന റാലികൾ ഉൾപ്പെടെ വിവിധ പ്രചാരണ പരിപാടികൾക്കാണ് യു.ഡി.എഫ് രൂപം നൽകുന്നത്.

വയനാട് പാർലമെൻറ് മണ്ഡലത്തിലെ മലപ്പുറം ജില്ലയുടെ ഭാഗമായ നിലമ്പൂർ വണ്ടൂർ ഏറനാട് അസംബ്ലി മണ്ഡലങ്ങളിൽ വൻഭൂരിപക്ഷമാണ് യു.ഡി.എഫ് ലക്ഷ്യമിടുന്നത്. കഴിഞ്ഞ തവണ എം.ഐ ഷാനവാസിന് ഏറ്റവും ഭൂരിപക്ഷം ലഭിച്ചത് ഏറനാട് മണ്ഡലത്തിൽ നിന്നായിരുന്നു. ഇത്തവണ രാഹുൽ ഗാന്ധി വന്നതോടെ ആവേശം ഇരട്ടിയായി. സ്വാഭാവികമായും റെക്കോർഡ് ഭൂരിപക്ഷത്തിനാണ് ഡി.സി.സിയുടെ ശ്രമം.

പ്രവർത്തനങ്ങൾ ഏകോപിപ്പിക്കുന്നതിന് എടവണ്ണയിൽ മേഖലാ തിരഞ്ഞെടുപ്പ് കമ്മിറ്റി ഓഫീസ് കെ.പി.സി.സി അധ്യക്ഷൻ മുല്ലപ്പള്ളി രാമചന്ദ്രൻ ഉദ്ഘാടനം ചെയ്തു. വിജയത്തിനപ്പുറം രാഹുൽ ഗാന്ധിക്ക് ഭൂരിപക്ഷം വർധിപ്പിക്കാൻ വരുംദിവസങ്ങളിൽ ശക്തമായ പ്രചാരണ പരിപാടികളുമായി മുന്നോട്ടുപോകാനാണ് നേതൃത്വത്തിന്റെ തീരുമാനം.

The post യു.ഡി.എഫ് വയനാട്ടില്‍ ലക്ഷ്യമിടുന്നത് റെക്കോര്‍ഡ് ഭൂരിപക്ഷം appeared first on Valanchery Online.

രമ്യ ഹരിദാസിനെതിരെ മോശം പരാമര്‍ശവുമായി എ. വിജയരാഘവൻ; വീഡിയോ

വളാഞ്ചേരിക്കാരൻ — Tue, 02 Apr 2019 02:18:55 +0000

പൊന്നാനി: ആലത്തൂരിലെ യു.ഡി.എഫ് സ്ഥാനാർത്ഥി രമ്യ ഹരിദാസിനെതിരെ വിവാദ പരാമർശവുമായി എൽ‌.ഡി.എഫ് കൺവീനർ എ. വിജയരാഘവൻ. തിരഞ്ഞെടുപ്പിൽ മത്സരിക്കുന്നതിന് മുന്നോടിയായി പി.കെ. കുഞ്ഞാലിക്കുട്ടിയെ കാണാൻ ആലത്തൂരിലെ സ്ഥാനാർത്ഥി പോയിരുന്നു. ആ കുട്ടിയുടെ അവസ്ഥ എന്താവുമെന്ന് തനിക്കറിയില്ലെന്ന പരാമർശമാണ് പൊന്നാനിയിൽ നടന്ന എൽ.ഡ‌ി.എഫ് പൊതുയോഗത്തിനിടെ എ. വിജയരാഘവൻ നടത്തിയത്.

സ്ഥാനാർത്ഥിയുടെ പേര് എടുത്തുപറഞ്ഞില്ലെങ്കിലും ആലത്തൂരിലെ യു.ഡി.എഫ് സ്ഥാനാർത്ഥി എന്ന് പറഞ്ഞായിരുന്നു പരാമർശം. മുസ്ലിംലീഗിനെ വിമർശിക്കുന്നതിനിടയിലാണ് പരാമർശമുണ്ടായത്. മുഖ്യമന്ത്രി പിണറായി വിജയൻ പങ്കെടുത്ത യോഗത്തിൽ അദ്ദേഹമെത്തും മുമ്പായിരുന്നു വിജയരാഘവന്റെ പ്രസംഗം.

The post രമ്യ ഹരിദാസിനെതിരെ മോശം പരാമര്‍ശവുമായി എ. വിജയരാഘവൻ; വീഡിയോ appeared first on Valanchery Online.

യുഡിഎഫ് വളാഞ്ചേരി മുനിസിപ്പല്‍ തെരഞ്ഞെടുപ്പ് കമ്മിറ്റി ഓഫീസ് പ്രവര്‍ത്തനമാരംഭിച്ചു

വളാഞ്ചേരിക്കാരൻ — Sat, 30 Mar 2019 02:07:39 +0000

യുഡിഎഫ് വളാഞ്ചേരി മുനിസിപ്പല്‍ തെരഞ്ഞെടുപ്പ് കമ്മിറ്റി ഓഫീസ് പ്രവര്‍ത്തനമാരംഭിച്ചു. കോട്ടക്കല്‍ നിയോജകമണ്ഡലം മുസ്ലിംലീഗ് പ്രസിഡന്റ് സിഎച്ച് അബു യൂസഫ് ഗുരിക്കള്‍ ഉദ്ഘാടനം ചെയ്തു.

യുഡിഎഫ് വളാഞ്ചേരി മുനിസിപ്പല്‍ തെരഞ്ഞെടുപ്പ് കമ്മിറ്റി ഓഫീസ് പ്രവര്‍ത്തനമാരംഭിച്ചു. കോട്ടക്കല്‍ നിയോജകമണ്ഡലം മുസ്ലിംലീഗ് പ്രസിഡന്റ് സിഎച്ച് അബു യൂസഫ് ഗുരിക്കള്‍ ഉദ്ഘാടനം ചെയ്തു. യുഡിഎഫ് മുനിസിപ്പല്‍ ചെയര്‍മാന്‍ പറശ്ശേരി അസൈനാര്‍, കണ്‍വീനര്‍ സലാം വളാഞ്ചേരി, അഷ്‌റഫ് അമ്പലത്തിങ്ങല്‍, കെവി ഉണ്ണികൃഷ്ണന്‍, സുരേഷ് മാസ്റ്റര്‍, രാജേഷ് കാര്‍ത്തല, സിഎം റിയാസ്, ഒപി റഊഫ് തുടങ്ങിയവര്‍ പങ്കെടുത്തു.

The post യുഡിഎഫ് വളാഞ്ചേരി മുനിസിപ്പല്‍ തെരഞ്ഞെടുപ്പ് കമ്മിറ്റി ഓഫീസ് പ്രവര്‍ത്തനമാരംഭിച്ചു appeared first on Valanchery Online.

പുതുതലമുറയോട് സംവദിച്ച് ഇ. ടിയുടെ കലാലയയാത്ര

വളാഞ്ചേരിക്കാരൻ — Wed, 27 Mar 2019 23:31:17 +0000

കോട്ടക്കല്‍: പുതുതലമുറയോട് സംവദിച്ച് പൊന്നാനി പാര്‍ലമെന്റ് മണ്ഡലം യു ഡി എഫ് സ്ഥാനാര്‍ഥി ഇ. ടിയുടെ തവനൂരിലെ പര്യടനം. രാവിലെ കൂട്ടായി മൗലാനാ കോളെജില്‍ നിന്നാണ് പര്യടനം ആരംഭിച്ചത്. വിദ്യാഭ്യാസ രംഗത്ത് ഉണ്ടാകുന്ന പുതിയ മാറ്റങ്ങള്‍, വിപ്ലവകരമായ നിയമനിര്‍മ്മാണങ്ങളിലൂടെ സാധ്യമാകുന്ന സാമൂഹ്യപുരോഗതി എന്നിവയെ കുറിച്ച് ആറ്റിക്കുറുക്കിയ വാക്കുകള്‍.

ദേശീയതലത്തില്‍ യു പി എ അധികാരത്തില്‍ തിരിച്ചു വരേണ്ടതിന്റെ പ്രാധാന്യം വിശദീകരിക്കാനും മറക്കുന്നില്ല. ഹാരാര്‍പ്പണം നടത്താനും, കൂടെ നിന്ന് ഫോട്ടോയെടുക്കാനുമുള്ള വിദ്യാര്‍ഥികളുടെ ആവേശത്തിനൊപ്പം ചേരുമ്പോള്‍ കേരളത്തിന്റെ മുന്‍വിദ്യാഭ്യാസ വകുപ്പ് മന്ത്രിക്ക് വിദ്യാര്‍ഥികളുടെ ചുറുചുറുക്ക്.

ഗവ. കോളെജ് തവനൂര്‍, ഖാദിരിയ്യ ഫൗണ്ടേഷന്‍, നൂറുല്‍ ഹൂദാ കോളെജ് മാണൂര്‍, അന്‍സാര്‍ കോളെജ് എടപ്പാള്‍, പി ജി അക്കാഡമി എടപ്പാള്‍, ഐ എച്ച് ആര്‍ ഡി വട്ടംകുളം, കെ വി യു എം പൂക്കരത്തറ, ക്യാമ്പ് ആന്റ് എം അയിലക്കാട് സ്‌കൂള്‍ എന്നിവിടങ്ങളില്‍ പര്യടനം നടത്തി.

ആദ്യകാല സംഘടനാ പ്രവര്‍ത്തകരെ സ്ഥാനാര്‍ഥി വീട്ടിലെത്തി സന്ദര്‍ശിച്ചു. മണ്ഡലത്തിലെ മരണവീടുകളിലും ഇ. ടിയെത്തി. യു ഡി എഫ് നേതാക്കളായ ടി പി മുഹമ്മദാജി, ആര്‍ കെ ഹമീദ്, ഇബ്രാഹിം മുതൂര്‍, അഡ്വ. നസ്‌റുളള, സി എം റസാഖ് ഹാജി, ഭാസ്‌കരന്‍ വട്ടംകുളം, അഡ്വ. രോഹിത്, അസൈനാര്‍ നെല്ലിശ്ശേരി, ആസിഫ് എടപ്പാള്‍, ടി ബി കെ കൂട്ടായി, സലാം താണിക്കാട് എന്നിവര്‍ ഇ. ടി മുഹമ്മദ് ബഷീറിനെ അനുഗമിച്ചു.

The post പുതുതലമുറയോട് സംവദിച്ച് ഇ. ടിയുടെ കലാലയയാത്ര appeared first on Valanchery Online.

ലോക്‌സഭാ തെരഞ്ഞെടുപ്പില്‍ വെല്‍ഫെയര്‍ പാര്‍ട്ടി യു.ഡി.എഫിനെ പിന്തുണക്കും

വളാഞ്ചേരിക്കാരൻ — Thu, 21 Mar 2019 15:43:24 +0000

തിരുവനന്തപുരം: ലോക്സഭ തെരഞ്ഞെടുപ്പിൽ വെൽഫെയർ പാർട്ടി ഒാഫ് ഇന്ത്യ കേരളത്തിൽ യു.ഡി.എഫിനെ പിന്തുണക്കുമെന്ന് സംസ്ഥാന പ്രസിഡൻറ് ഹമീദ് വാണിയമ്പലം വാർത്തസമ്മേളനത്തിൽ അറിയിച്ചു. 20 മണ്ഡലങ്ങളിലും െവൽഫെയർ പാർട്ടിക്ക് സ്ഥാനാർഥികളുണ്ടാവില്ല. സംസ്ഥാനത്ത് പ്രധാനമായും എൽ.ഡി.എഫും യു.ഡി.എഫും തമ്മിലാണ് മത്സരം. രണ്ടുകൂട്ടരും ബി.ജെ.പി സഖ്യത്തെ അധികാരത്തിൽനിന്ന് പുറത്താക്കണമെന്ന് ആഗ്രഹിക്കുന്നു.

എൽ.ഡി.എഫിന് നേതൃത്വം നൽകുന്ന സി.പി.എം ഇപ്പോൾ ദേശീയരാഷ്ട്രീയത്തിൽ പ്രസക്ത കക്ഷിയല്ല. അവര്‍ക്ക് ശക്തിയുള്ളത് കേരളത്തില്‍ മാത്രമാണ്. യു.ഡി.എഫ് നേതൃത്വം നല്‍കുന്ന കോണ്‍ഗ്രസാകട്ടെ, രാജ്യത്തെ വലിയ മതേതര പാര്‍ട്ടിയാണ്. പാര്‍ലമെൻറില്‍ കേവല ഭൂരിപക്ഷം നേടാനോ ഏറ്റവും വലിയ ഒറ്റക്കക്ഷിയാകാനോ സാധ്യതയുള്ള പ്രതിപക്ഷ പാര്‍ട്ടിയുമാണ്. കോണ്‍ഗ്രസിനും അവരുമായി നേരിട്ട് സഖ്യമുള്ള പാര്‍ട്ടികള്‍ക്കും സീറ്റ് വര്‍ധിച്ചാല്‍ മാത്രമേ മതേതര സര്‍ക്കാറിന് സാധ്യത തെളിയൂ.

രാജ്യത്ത് അഴിമതിയും കോർപറേറ്റ്വത്കരണവും വർധിച്ചു. റഫാൽപോലെ പ്രധാനമന്ത്രിതന്നെ അഴിമതി ആരോപണം നേരിടുന്ന സാഹചര്യങ്ങളുണ്ടാവുന്നു. രാജ്യത്തിെൻറ സമ്പദ്വ്യവസ്ഥ പൂർണമായി തകർന്നു. ബി.ജെ.പി അധികാരത്തിൽ വന്നാൽ 2019ലേത് അവസാനത്തെ തെരഞ്ഞെടുപ്പായിരിക്കുമെന്ന സൂചനകളാണ് അമിത് ഷായും സാക്ഷി മഹാരാജുമെല്ലാം നൽകുന്നത്. അതിനാൽ എൻ.ഡി.എ സഖ്യത്തെ അധികാരത്തിൽനിന്ന് മാറ്റിനിർത്തേണ്ടത് ജനാധിപത്യവിശ്വാസികളുടെ പൊതുബാധ്യതയാണ്.

സംസ്ഥാന ഭരണവും തെരഞ്ഞെടുപ്പിൽ വിലയിരുത്തപ്പെടണം. മൂന്നുവർഷത്തെ ഭരണം ജനവിരുദ്ധമാണ്. പ്രളയപുനർനിർമാണത്തിന് ക്രിയാത്മക കാഴ്ചപ്പാട് രൂപപ്പെടുത്തി നടപ്പാക്കാനായിട്ടില്ല. സംഘ്പരിവാർ സർക്കാറുകൾ പുലർത്തുന്ന പൊലീസ് നയമാണ് കേരളത്തിലും. ജനകീയസമരങ്ങളെ കോർപറേറ്റുകൾക്കായി അടിച്ചമർത്തുന്നു. സി.പി.എം കൊലപാതക രാഷ്ട്രീയത്തിെൻറ വക്താക്കളായി നിയമവാഴ്ചയെ വെല്ലുവിളിക്കുകയാണ്. സംസ്ഥാന ജനറൽ സെക്രട്ടറി കെ.എ. ഷഫീഖ്, ൈവസ് പ്രസിഡൻറുമാരായ ശ്രീജ നെയ്യാറ്റിൻകര, റസാഖ് പാലേരി, സെക്രട്ടറിമാരായ സജീദ് ഖാലിദ്, ജോസഫ് ജോൺ എന്നിവരും വാർത്തസമ്മേളനത്തിൽ പെങ്കടുത്തു.

The post ലോക്‌സഭാ തെരഞ്ഞെടുപ്പില്‍ വെല്‍ഫെയര്‍ പാര്‍ട്ടി യു.ഡി.എഫിനെ പിന്തുണക്കും appeared first on Valanchery Online.